കോവിഡ്​: സൗദിയിൽ ഒരു മരണം കൂടി

റിയാദ്: സൗദി അറേബ്യയിൽ കോവിഡ്​ ബാധിതരിൽ ഒരാൾ കൂടി മരിച്ചു. 57 പേർ സുഖം പ്രാപിച്ചു. 49 പേർക്ക്​ പുതുതായി കോവിഡ്​ സ്ഥിരീകരിച്ചു. ഇതുവരെ രാജ്യത്ത് റിപ്പോർട്ട് ചെയ്യപ്പെട്ട ആകെ കോവിഡ് കേസുകളുടെ എണ്ണം 5,49,022 ഉം രോഗമുക്തരുടെ എണ്ണം 5,37,990 ഉം ആയി. ആകെ മരണസംഖ്യ 8,806 ആയി. ​

ചികിത്സയിൽ കഴിയുന്നവരിൽ 49 പേരുടെ നില ഗുരുതരമാണ്​. ഇവർ രാജ്യത്തെ വിവിധ ആശുപത്രികളിൽ തീവ്രപരിചരണ വിഭാഗത്തിലാണ്​. ബാക്കിയുള്ളവരുടെ നില തൃപ്​തികരമാണ്​. രാജ്യത്തെ കോവിഡ് മുക്തി നിരക്ക് 98 ശതമാനവും മരണനിരക്ക് 1.6 ശതമാനവുമായി തുടരുന്നു.

വിവിധ പ്രവിശ്യകളിൽ പുതുതായി റിപ്പോർട്ട് ചെയ്ത രോഗികളുടെ എണ്ണം: റിയാദ് 10, ജിദ്ദ 10, മക്ക 5, ബുറൈദ 3, ത്വാഇഫ്​ 2, നജ്​റാൻ 2, ദമ്മാം 2, ദഹ്​റാൻ 2, മറ്റ്​ 13 സ്ഥലങ്ങളിൽ ഓരോ വീതം രോഗികൾ. സൗദി അറേബ്യയിൽ ഇതുവരെ 46,404,588 ഡോസ് കോവിഡ്​ വാക്​സിൻ വിതരണം ചെയ്​തു.