ബീ​ജി​ങ്​ അ​ന്താ​രാ​ഷ്​​ട്ര പു​സ്​​ത​ക​മേ​ള​യി​ൽ ശ്ര​ദ്ധേ​യ​മാ​യി​ സൗ​ദി പ​വ​ലി​യ​ൻ

റി​യാ​ദ്​: ഈ ​വ​ർ​ഷ​ത്തെ ബീ​ജി​ങ്​ അ​ന്താ​രാ​ഷ്​​ട്ര പു​സ്ത​ക​മേ​ള​യി​ൽ ശ്ര​ദ്ധേ​യ​മാ​യി​ സൗ​ദി അ​റേ​ബ്യ​യു​ടെ പ​വ​ലി​യ​ൻ. ഈ ​മാ​സം 19 മു​ത​ൽ 23 വ​രെ ചൈ​നീ​സ് ത​ല​സ്ഥാ​ന​ത്ത്​ ന​ട​ക്കു​ന്ന പു​സ്​​ത​ക​മേ​ള​യി​ലെ വി​ശി​ഷ്​​ടാ​തി​ഥി രാ​ജ്യ​മാ​ണ്​ സൗ​ദി. സാ​ഹി​ത്യ പ്ര​സി​ദ്ധീ​ക​ര​ണ വി​വ​ർ​ത്ത​ന അ​തോ​റി​റ്റി, പൈ​തൃ​ക അ​തോ​റി​റ്റി, പാ​ച​ക ക​ല അ​തോ​റി​റ്റി, നി​ക്ഷേ​പ മ​ന്ത്രാ​ല​യം, കി​ങ്​ അ​ബ്​​ദു​ൽ അ​സീ​സ് ഫൗ​ണ്ടേ​ഷ​ൻ, കി​ങ്​ സ​ൽ​മാ​ൻ ഇ​ൻ​റ​ർ​നാ​ഷ​ന​ൽ അ​ക്കാ​ദ​മി ഫോ​ർ ദി ​അ​റ​ബി​ക് ലാം​ഗ്വേ​ജ്, കി​ങ്​ അ​ബ്​​ദു​ൽ അ​സീ​സ് പ​ബ്ലി​ക് ലൈ​ബ്ര​റി, സൗ​ദി പ​ബ്ലി​ഷി​ങ്​ സൊ​സൈ​റ്റി എ​ന്നീ സ്ഥാ​പ​ന​ങ്ങ​ളാ​ണ്​​ സൗ​ദി​യു​ടെ പ​വ​ലി​യ​ൻ ഒ​രു​ക്കു​ന്ന​തും പ്രാ​തി​നി​ധ്യം ന​യി​ക്കു​ന്ന​തും.

ചൈ​നീ​സ് ജ​ന​ത​യെ സൗ​ദി​യു​ടെ സാം​സ്​​കാ​രി​ക ത​നി​മ പ​രി​ച​യ​പ്പെ​ടു​ത്തു​ക, നി​ക്ഷേ​പാ​വ​സ​ര​ങ്ങ​ളും അ​ത്​ കൊ​ണ്ടു​വ​രു​ന്ന അ​സാ​ധാ​ര​ണ നേ​ട്ട​ങ്ങ​ളും പ്ര​ത്യേ​കി​ച്ച് സാം​സ്കാ​രി​ക മേ​ഖ​ല​യി​ൽ പ്രോ​ത്സാ​ഹി​പ്പി​ക്കു​ക എ​ന്ന​താ​ണ്​ ഇ​തി​ലൂ​ടെ ല​ക്ഷ്യ​മി​ടു​ന്ന​ത്. സം​സ്‌​കാ​ര​ങ്ങ​ൾ ത​മ്മി​ലെ ച​രി​ത്ര​പ​ര​മാ​യ സം​വാ​ദം വ​ർ​ധി​പ്പി​ക്കു​ക, ഇ​രു​രാ​ജ്യ​ങ്ങ​ളും ത​മ്മി​ലെ സൗ​ഹൃ​ദ​ബ​ന്ധം സ്ഥി​രീ​ക​രി​ക്കു​ക, സാ​ഹി​ത്യ​ത്തി​ലും ക​ല​ക​ളി​ലും സം​യു​ക്ത സ​ഹ​ക​ര​ണ​ത്തി​​ന്റെ മേ​ഖ​ല​ക​ൾ സ​മ്പ​ന്ന​മാ​ക്കു​ക എ​ന്നീ നി​ല​പാ​ടു​ക​ളി​ൽ നി​ന്നാ​ണ് ബീ​ജി​ങ്​ അ​ന്താ​രാ​ഷ്​​ട്ര പു​സ്ത​ക​മേ​ള​യി​ൽ അ​തി​ഥി​യാ​യി സൗ​ദി പ​ങ്കെ​ടു​ക്കു​ന്ന​തെ​ന്ന്​ ലി​റ്റ​റേ​ച്ച​ർ, പ​ബ്ലി​ഷി​ങ്​ ആ​ൻ​ഡ് ട്രാ​ൻ​സ്​​ലേ​ഷ​ൻ അ​തോ​റി​റ്റി സി.​ഇ.​ഒ ഡോ. ​മു​ഹ​മ്മ​ദ് അ​ൽ​വാ​ൻ പ​റ​ഞ്ഞു.

സാം​സ്​​കാ​രി​ക പൈ​തൃ​ക​ത്തെ പ്ര​തി​നി​ധീ​ക​രി​ക്കു​ക​യും വൈ​ജ്ഞാ​നി​ക ശേ​ഖ​രം ഉ​യ​ർ​ത്തി​ക്കാ​ട്ടു​ക​യും ചെ​യ്യു​ന്ന വി​ധ​ത്തി​ൽ സൗ​ദി​യെ അ​വ​ത​രി​പ്പി​ക്കാ​നാ​ണ് അ​തോ​റി​റ്റി​യും പ​ങ്കാ​ളി​ക​ളും ശ്ര​മി​ക്കു​ന്ന​തെ​ന്നും അ​ൽ​വാ​ൻ ചൂ​ണ്ടി​ക്കാ​ട്ടി. പ്രാ​ദേ​ശി​ക ബൗ​ദ്ധി​ക ഉ​ൽ​പാ​ദ​ന​ത്തി​ലേ​ക്കും സ​ർ​ഗാ​ത്മ​ക ദേ​ശീ​യ പ്ര​തി​ഭ​ക​ളി​ലേ​ക്കും ചൈ​നീ​സ് ജ​ന​ത​യെ പ​രി​ച​യ​പ്പെ​ടു​ത്തു​ന്ന​തി​ന്​ പു​റ​മേ സൗ​ദി പ്ര​സാ​ധ​ക​ർ​ക്ക് ചൈ​നീ​സ് പ്ര​സാ​ധ​ക​രു​മാ​യി ആ​ശ​യ​വി​നി​മ​യം ന​ട​ത്താ​നും അ​റി​വു​ക​ൾ കൈ​മാ​റാ​നും അ​നു​വ​ദി​ക്കു​ന്ന​തി​നാ​ൽ ഈ ​പ്ര​ദ​ർ​ശ​നം പു​സ്ത​ക, പ്ര​സി​ദ്ധീ​ക​ര​ണ വ്യ​വ​സാ​യ​ത്തി​ന് സ​ഹാ​യ​ക​ര​മാ​യ അ​വ​സ​ര​മാ​ണെ​ന്ന് അ​ൽ​വാ​ൻ പ​റ​ഞ്ഞു. അ​ഞ്ചു ദി​വ​സ​ങ്ങ​ളി​ലാ​യി ന​ട​ക്കു​ന്ന പ്ര​ദ​ർ​ശ​ന​ത്തി​ൽ സൗ​ദി​യു​ടെ സം​സ്‌​കാ​രം വി​ളി​ച്ചോ​തു​ന്ന സെ​മി​നാ​റു​ക​ളും ഡ​യ​ലോ​ഗ് സെ​ഷ​നു​ക​ളും ഉ​ൾ​പ്പെ​ടു​ന്ന വൈ​വി​ധ്യ​മാ​ർ​ന്ന സാം​സ്‌​കാ​രി​ക പ​രി​പാ​ടി​ക​ൾ​ക്ക് സൗ​ദി​യു​ടെ പ​വ​ലി​യ​ൻ സാ​ക്ഷ്യം വ​ഹി​ക്കു​മെ​ന്നും അ​ൽ​വാ​ൻ സൂ​ചി​പ്പി​ച്ചു.

1986ലാ​ണ് ബീ​ജി​ങ്​​ അ​ന്താ​രാ​ഷ്​​ട്ര പു​സ്ത​ക​മേ​ള​ക്ക്​ തു​ട​ക്കം കു​റി​ച്ച​ത്. ചൈ​ന നാ​ഷ​ന​ൽ പ​ബ്ലി​ക്കേ​ഷ​ൻ​സ് ഇം​പോ​ർ​ട്ട് ആ​ൻ​ഡ് എ​ക്‌​സ്‌​പോ​ർ​ട്ട് ഗ്രൂ​പ്പാ​ണ് മേ​ള​യു​ടെ സം​ഘാ​ട​ക​ർ. ലോ​ക​ത്തി​ലെ ഏ​റ്റ​വും വ​ലി​യ ര​ണ്ടാ​മ​ത്തെ പു​സ്ത​ക​മേ​ള​യാ​ണി​ത്. 100 രാ​ജ്യ​ങ്ങ​ളി​ൽ നി​ന്നു​ള്ള 2,600ല​ധി​കം പ്ര​സാ​ധ​ക​ർ പ​ങ്കെ​ടു​ക്കു​ന്ന ചൈ​ന​യി​ലേ​യും ഏ​ഷ്യ​യി​ലേ​യും ഏ​റ്റ​വും സ്വാ​ധീ​നം ചെ​ലു​ത്തി​യ പു​സ്​​ത​ക​മേ​ള കൂ​ടി​യാ​ണ്.