നാട്ടിലുള്ള പ്രവാസി കുടുംബങ്ങൾക്ക് ആശ്വാസവുമായി ഇന്ത്യൻ സോഷ്യൽ ഫോറം
text_fieldsജിദ്ദ: കോവിഡ് വ്യാപനംമൂലം തൊഴിലും വരുമാനവും നഷ്ടപ്പെട്ട് ദുരിതമനുഭവിക്കുന്ന പ് രവാസികളുടെ നാട്ടിലുള്ള കുടുംബങ്ങൾക്ക് ആശ്വാസമേകാൻ ‘പ്രവാസിയുടെ കുടുംബം പ്രയാസ ത്തിലാകില്ല’എന്ന പദ്ധതി ആവിഷ്കരിച്ചതായി ഇന്ത്യൻ സോഷ്യൽ ഫോറം സൗദി നാഷനൽ കോഓഡിനേറ്റർ അഷ്റഫ് മൊറയൂർ, പ്രോഗ്രാം കോഓഡിനേറ്റർ നാസർ കൊടുവള്ളി എന്നിവർ അറിയിച്ചു.
എസ്.ഡി.പി.ഐയുമായി സഹകരിച്ച് കേരളത്തിലെ 14 ജില്ലകളിലും പദ്ധതിയിലൂടെ പ്രവാസി കുടുംബങ്ങൾക്ക് സഹായം ചെയ്യാനുള്ള നടപടികളാണ് ആദ്യഘട്ടത്തിൽ നടപ്പാക്കുക. എസ്.ഡി.പി.ഐ ഹെൽപ്ലൈൻ നമ്പറുകളിൽ ബന്ധപ്പെടുന്നവരുടെ വിവരങ്ങൾ ക്രോഡീകരിച്ച് ഭക്ഷണം, മരുന്ന്, വൈദ്യസഹായം തുടങ്ങിയ അവശ്യസേവനങ്ങൾ പാർട്ടിയുടെ അതത് ജില്ല കേന്ദ്രങ്ങൾ വഴിയാണ് ആവശ്യക്കാർക്കെത്തിക്കുക. അതിനായി പ്രത്യേക വെൽഫെയർ ടീമിനെ സജ്ജമാക്കിയിട്ടുണ്ട്.
ഫോറം സൗദി ഘടകത്തിെൻറ നേതൃത്വത്തിൽ ദമ്മാം, റിയാദ്, ജിദ്ദ, അബഹ, മദീന, മക്ക തുടങ്ങിയ പ്രവിശ്യകളിലെ വിവിധ സംസ്ഥാനങ്ങളിൽനിന്നുള്ള പാവപ്പെട്ട തൊഴിലാളികൾക്കും മറ്റുമായി എഴുന്നൂറോളം ഭക്ഷണ കിറ്റുകൾ വിതരണം ചെയ്തതായി ഭാരവാഹികൾ അറിയിച്ചു. പ്രവാസികളിൽ കടുത്ത മാനസിക സമ്മർദത്തിന് വിധേയരാകുന്നവർക്ക് ആക്സസ് ഇന്ത്യയുമായി സഹകരിച്ചു കൗൺസലിങ് നൽകിവരുന്നതായും അവർ അറിയിച്ചു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.