വ​ന്ദേ ഭാ​ര​ത് മി​ഷ​ൻ:  ജിദ്ദയിൽനിന്ന്​ കണ്ണൂർ, തിരുവനന്തപുരം, ഡൽഹി^ലഖ്​നോ വിമാനസമയങ്ങളിൽ മാറ്റം

ജി​ദ്ദ: വ​ന്ദേ ഭാ​ര​ത് മി​ഷ​ൻ പ​ദ്ധ​തി​യു​ടെ നാ​ലാം ഘ​ട്ട​ത്തി​ലെ അ​വ​സാ​ന ഷെ​ഡ്യൂ​ളി​ൽ ജി​ദ്ദ​യി​ൽ​നി​ന്നു​ള്ള മൂ​ന്നു വി​മാ​ന സ​ർ​വി​സു​ക​ളു​ടെ സ​മ​യ​ത്തി​ൽ മാ​റ്റം വ​രു​ത്തി​യ​താ​യി ജി​ദ്ദ  ഇ​ന്ത്യ​ൻ കോ​ൺ​സു​ലേ​റ്റ് അ​റി​യി​ച്ചു. ജൂ​ലൈ 16ന് ​വ്യാ​ഴാ​ഴ്ച ഷെ​ഡ്യൂ​ൾ ചെ​യ്തി​രു​ന്ന ജി​ദ്ദ-​ക​ണ്ണൂ​ർ വി​മാ​നം ജൂ​ലൈ 20 തി​ങ്ക​ളാ​ഴ്ച​യി​ലേ​ക്കാ​ണ് മാ​റ്റി​യി​രി​ക്കു​ന്ന​ത്. പു​ല​ർ​ച്ച നാ​ലി​നാ​യി​രി​ക്കും ജി​ദ്ദ​യി​ൽ​നി​ന്നു വി​മാ​നം പു​റ​പ്പെ​ടു​ക. ജൂ​ലൈ 17ന്​ (​വെ​ള്ളി​യാ​ഴ്ച) നി​ശ്ച​യി​ച്ചി​രു​ന്ന ജി​ദ്ദ-​തി​രു​വ​ന​ന്ത​പു​രം വി​മാ​നം ജൂ​ലൈ 21ലേ​ക്ക്​ (ചൊ​വ്വാ​ഴ്ച) മാ​റ്റി​യി​ട്ടു​ണ്ട്. ഈ ​വി​മാ​നം അ​ന്നേ ദി​വ​സം രാ​ത്രി 8.30ന് ​ജി​ദ്ദ​യി​ൽ​നി​ന്നു പു​റ​പ്പെ​ടും. നേ​ര​േ​ത്ത ജൂ​ലൈ 15ന്​ (​ബു​ധ​നാ​ഴ്ച) ഷെ​ഡ്യൂ​ൾ ചെ​യ്തി​രു​ന്ന ജി​ദ്ദ-​ഡ​ൽ​ഹി-​ല​ഖ്​​നോ  വി​മാ​ന സ​ർ​വി​സും ജൂ​ലൈ 21ലേ​ക്ക്​ (ചൊ​വ്വാ​ഴ്ച) മാ​റ്റി​യി​ട്ടു​ണ്ട്. ഈ ​വി​മാ​നം ജി​ദ്ദ​യി​ൽ​നി​ന്നു പു​ല​ർ​ച്ച 2.30നാ​യി​രി​ക്കും പു​റ​പ്പെ​ടു​ക. ഈ ​വി​മാ​ന​ങ്ങ​ളി​ലേ​ക്ക് നേ​ര​േ​ത്ത ടി​ക്ക​റ്റ് എ​ടു​ത്ത​വ​ർ എ​യ​ർ ഇ​ന്ത്യ ഓ​ഫി​സി​ലെ​ത്തി പു​തി​യ ഷെ​ഡ്യൂ​ൾ അ​നു​സ​രി​ച്ചു​ള്ള ടി​ക്ക​റ്റു​ക​ൾ മാ​റ്റി​യെ​ടു​ക്ക​ണം. 

ഇ​തി​ന് മ​റ്റു ഫീ​സു​ക​ളൊ​ന്നും അ​ട​ക്കേ​ണ്ട​തി​ല്ല. ഷെ​ഡ്യൂ​ളി​ൽ തീ​യ​തി മാ​റ്റി​യ ക​ണ്ണൂ​ർ, തി​രു​വ​ന​ന്ത​പു​രം വി​മാ​ന​ങ്ങ​ളി​ൽ യാ​ത്ര​ചെ​യ്യാ​ൻ ആ​ഗ്ര​ഹി​ക്കു​ന്ന​വ​ർ കോ​ൺ​സു​ലേ​റ്റി​ൽ​നി​ന്നു​ള്ള അ​റി​യി​പ്പ് ഇ​ല്ലാ​തെ​ത​ന്നെ ജൂ​ലൈ 16 (വ്യാ​ഴാ​ഴ്ച) മു​ത​ൽ എ​യ​ർ ഇ​ന്ത്യ ഓ​ഫി​സി​ലെ​ത്തി നേ​രി​ട്ട് ടി​ക്ക​റ്റു​ക​ൾ വാ​ങ്ങാ​വു​ന്ന​താ​ണെ​ന്ന് കോ​ൺ​സു​ലേ​റ്റ് അ​റി​യി​ച്ചു. ഇ​ങ്ങ​നെ യാ​ത്ര​ചെ​യ്യാ​ൻ ഉ​ദ്ദേ​ശി​ക്കു​ന്ന​വ​ർ ഇ​ന്ത്യ​ൻ എം​ബ​സി വെ​ബ്സൈ​റ്റി​ൽ പേ​ര് ര​ജി​സ്​​റ്റ​ർ ചെ​യ്ത​വ​രാ​യി​രി​ക്ക​ണം. ആ​ദ്യം വ​രു​ന്ന​വ​ർ​ക്ക് ആ​ദ്യ പ​രി​ഗ​ണ​ന എ​ന്ന രീ​തി​യി​ലാ​യി​രി​ക്കും ടി​ക്ക​റ്റ് വി​ൽ​പ​ന​യെ​ന്നും കോ​ൺ​സു​ലേ​റ്റ് അ​റി​യി​ച്ചി​ട്ടു​ണ്ട്.

എ​ന്നാ​ൽ, നേ​രി​ട്ടു​ള്ള ടി​ക്ക​റ്റ് വി​ൽ​പ​ന ഈ ​ര​ണ്ടു സ​ർ​വി​സു​ക​ൾ​ക്ക് മാ​ത്ര​മാ​ണെ​ന്നും ഷെ​ഡ്യൂ​ൾ ചെ​യ്ത മ​റ്റു സ​ർ​വി​സു​ക​ൾ​ക്കു​ള്ള ടി​ക്ക​റ്റു​ക​ൾ കോ​ൺ​സു​ലേ​റ്റി​ൽ​നി​ന്നു വി​ളി​ച്ച​റി​യി​ക്കു​ന്ന​വ​ർ​ക്കു മാ​ത്ര​മാ​യി​രി​ക്കു​മെ​ന്നും കോ​ൺ​സു​ലേ​റ്റ് അ​റി​യി​ച്ചി​ട്ടു​ണ്ട്. ജി​ദ്ദ​യി​ൽ​നി​ന്നു നേ​ര​േ​ത്ത ഷെ​ഡ്യൂ​ളി​ൽ ഉ​ൾ​പ്പെ​ടു​ത്തി​യ ജൂ​ലൈ 18, 19 തീ​യ​തി​ക​ളി​ലെ കോ​ഴി​ക്കോ​ട്, കൊ​ച്ചി സ​ർ​വി​സു​ക​ളു​ടെ​യും 20ലെ ​ക​ണ്ണൂ​ർ, 21ലെ ​തി​രു​വ​ന​ന്ത​പു​രം സ​ർ​വി​സു​ക​ളു​ടെ​യും സ​മ​യ​ത്തി​ൽ മാ​റ്റ​മൊ​ന്നു​മി​ല്ല. പു​തി​യ  ഷെ​ഡ്യൂ​ൾ അ​നു​സ​രി​ച്ച് ജൂ​ലൈ  20ന് ​ജി​ദ്ദ​യി​ൽ​നി​ന്നു ക​ണ്ണൂ​രി​ലേ​ക്കും ജൂ​ലൈ 21ന് ​തി​രു​വ​ന​ന്ത​പു​ര​ത്തേ​ക്കും ര​ണ്ടു വീ​തം സ​ർ​വി​സു​ക​ൾ ഉ​ണ്ടാ​വും.