സൗദിയിൽ ഒമ്പത്​ വിദേശികളടക്കം 10 മരണം

റിയാദ്​: സൗദി അറേബ്യയിൽ കോവിഡ്​ ബാധിച്ച്​ വ്യാഴാഴ്​ച ഒമ്പത്​ വിദേശികളടക്കം 10 പേർ മരിച്ചു. ഇതോടെ ആകെ മരണ സംഖ്യ 209 ആയി. മക്കയിൽ അഞ്ചും ജിദ്ദയിൽ  രണ്ടും റിയാദ്​, മദീന, ഖോബാർ എന്നിവിടങ്ങളിലാണ് ഒാരോരുത്തരുമാണ്​ മരിച്ചത്​. 1015 പേർക്ക്​ അസുഖം​ ഭേദമായതോടെ രോഗമുക്തരുടെ എണ്ണം 7798 ആയി.

1793  പേരിൽ പുതുതായി രോഗം സ്ഥിരീകരിച്ചു. ഇതോടെ​ രാജ്യത്ത്​ ഇതുവരെ റിപ്പോർട്ട്​ ചെയ്യ​പ്പെട്ട കോവിഡ്​ കേസുകളുടെ എണ്ണം 33731 ആയി. ആകെ കോവിഡ്​ ടെസ്​റ്റുകളുടെ  എണ്ണം 389,659 ആയി. പുതിയ രോഗികളിൽ 83 ശതമാനം പുരുഷന്മാരും 17 ശതമാനം സ്​ത്രീകളുമാണെന്ന്​ ആരോഗ്യമന്ത്രാലയ വക്താവ്​ ഡോ. മുഹമ്മദ്​ അബ്​ദു അൽഅലി  വാർത്താസമ്മേളനത്തിൽ പറഞ്ഞു.

ഇതിൽ 25 ശതമാനം സൗദികളും 75 ശതമാനം വിദേശികളുമാണ്​. അഞ്ച്​​​​ ശതമാനം കുട്ടികളും രണ്ട്​​​​​ ശതമാനം കൗമാരക്കാരും 93  ശതമാനം മുതിർന്നവരുമാണ്​. ചികിത്സയിൽ കഴിയുന്ന 25714 ആളുകളിൽ 145 പേർ ഗുരുതരാവസ്ഥയിൽ തീവ്രപരിചരണ വിഭാഗത്തിലാണ്​. രോഗികളെ കണ്ടെത്താൻ  ആരോഗ്യ വകുപ്പ്​ രാജ്യവ്യാപകമായി നടത്തുന്ന ഫീൽഡ്​ സർവേ മൂന്നാഴ്​ച പിന്നിട്ടു. വീടുകളിലും മറ്റ്​ താമസകേന്ദ്രങ്ങളിലും ചെന്നുള്ള മെഡിക്കൽ ടീമി​​െൻറ പരിശോധനയ്​ക്ക്​  പുറമെ ആളുകളെ ഫോൺ ചെയ്​തുവരുത്തി പരിശോധന നടത്തുന്ന റാണ്ടം ടെസ്​റ്റിങ്ങും ആരംഭിച്ചു. അഞ്ച്​ പേർ മരിച്ചതോടെ മക്കയിൽ മരണസംഖ്യ 95 ആയി. 

പുതിയ രോഗികൾ:
മദീന 396, ജിദ്ദ 315, മക്ക 254, റിയാദ്​ 194, ദമ്മാം 171, ഖോബാർ 120, ജുബൈൽ 48, ഹുഫൂഫ്​ 40, ഖത്വീഫ്​ 40, ത്വാഇഫ്​ 36, യാംബു 32, റാസതനൂറ 20, സബ്​യ 16, തബൂക്ക്​  14, വാദി അൽഫറ 13, ഉനൈസ 10, ബേയ്​ഷ്​ 10, ദറഇയ 10, ഹദ്​ബൻ 8, ഹ-ഫർ അൽബാത്വിൻ 6, അലൈസ്​ 5, ഖർജ്​ 5, സൽവ 4, അൽഖുറയാത്​ 4, ബുറൈദ 3, ഖമീസ്​  മുശൈത്​ 2, അൽമജാരിദ 2, അബ്​ഖൈഖ്​ 2, ദഹ്​റാൻ 2, സഫ്​വ 2, ഉംലജ്​ 2, അൽജഫർ 1, മിദ്​നബ്​ 1, ബുഖൈരിയ 1, റാബിഗ്​ 1, ഹദ്ദ 1, അൽദായർ 1, മജ്​മഅ 1  

മരണസംഖ്യ:
മക്ക 95, ജിദ്ദ 57, മദീന 36, റിയാദ്​ 11, ഹുഫൂഫ്​ 4, ദമ്മാം 4, അൽഖോബാർ 3, ജുബൈൽ 2, ബുറൈദ 2, ജീസാൻ 1, ഖത്വീഫ് 1​, ഖമീസ്​ മുശൈത്ത് 1​,  അൽബദാഇ 1, തബൂക്ക്​  1.