സൗദിയിൽ 30 ശതമാനം സ്വകാര്യ  സ്​കൂളുകൾ അടച്ചുപൂട്ടലി​െൻറ വക്കിൽ

റിയാദ്​: സൗദിയിലെ സ്വകാര്യ സ്​കൂളുകളിൽ 30 ശതമാനവും അടച്ചുപൂട്ടിലി​​​െൻറ വക്കിൽ. സ്വദേശിവത്​കരണത്തി​​​െൻറ ഭാഗമായ നിബന്ധനകൾ പാലിക്കാൻ സാധിക്കാത്തതും കുട്ടികളുടെ എണ്ണക്കുറവും യോഗ്യരായ അധ്യാപകർക്ക്​ മതിയായ വേതനം  ഉറപ്പുവരുത്താനാവാത്തതും പ്രതിസന്ധിക്ക്​ കാരണമാവുന്നു എന്നാണ്​ റിപ്പോർട്ട്​. രാജ്യത്തെ സ്​കൂളുകളിൽ 11 ശതമാനം സ്വകാര്യമേഖലയിലാണ്​ പ്രവർത്തിക്കുന്നത്​. ഇതിൽ 59 ശതമാനവും സ്വദേശികളാണ്​ ജോലി നോക്കുന്നത്​. ഇവർക്ക്​ സർക്കാർ നിബന്ധനയനുസരിച്ച ശമ്പളം നൽകാൻ കഴിയുന്നില്ലെന്ന്​ ബന്ധപ്പെട്ടവർ പറയുന്നു. 

കഴിഞ്ഞ രണ്ട്​ വർഷമായി സ്വകാര്യ സ്​കൂൾ മേഖലയിൽ നി​ക്ഷേപം കുറഞ്ഞു എന്നാണ്​ കണക്ക്​. 11.5 ശതകോടിയായിരുന്നു ഇൗ മേഖലയിലെ നിക്ഷേപം. തൊഴിൽ^ സാമുഹിക ക്ഷേമ വകുപ്പി​​​െൻറ നിബന്ധനകൾ പല സ്വകാര്യ വിദ്യാലയങ്ങളും പാലിക്കുന്നില്ലെന്ന്​ സ്വകാര്യ സ്​കൂൾ വിഭാഗം നാഷനൽ കമ്മിറ്റി തലവൻ ഒമർ അൽ അമർ പ്രാദേശിക മാധ്യമത്തോട്​ പറഞ്ഞു.  സ്വകാര്യസ്​കൂളുകൾ സർക്കാർ നിയമങ്ങൾ പാലിക്കുകയോ അല്ലെങ്കിൽ ഇൗ മേഖലയിൽ നിന്ന്​ പിൻമാറുകയോ ചെയ്യേണ്ടി വരും. 

എല്ലാ നഗരങ്ങളിലും യോഗ്യരായ അധ്യാപകരുടെ ലഭ്യതയുണ്ടാവണമെന്നില്ല. ഇൗ സാഹചര്യത്തിൽ മറ്റ്​ നഗരങ്ങളിൽ നിന്ന്​ അധ്യാപകരെ നിയോഗിക്കേണ്ടി വരു​േമ്പാഴുണ്ടാവുന്ന അധികച്ചെലവ്​ വലിയൊരു പ്രശ്​നമാണ്​. സ്വകാര്യ സ്​കൂളുകൾ വിദ്യാർഥികളിൽ നിന്ന്​ ഇൗടാക്കാൻ പാടില്ലാത്ത പല ഫീസുകളും വാങ്ങുന്നതായി പരാതി ലഭിച്ചിട്ടുണ്ടെന്നും അദ്ദേഹം പറഞ്ഞു. ഇതെല്ലാം ഇൗ മേഖലയിലെ കൊഴിഞ്ഞുപോക്കിന്​ കാരണമാവും.

അതേ സമയം മലയാളികൾ ഉൾപെടെ വിദേശികൾ നടത്തുന്ന സ്വകാര്യ സ്​കൂളുകൾ പലതും നേരത്തെ അടച്ച​ുപൂട്ടലി​​​െൻറ വക്കിലാണ്​. നിയമങ്ങൾ കർശനമായതിന്​ പുറമെ തൊഴിൽ പ്രതിസന്ധിയെ തുടർന്ന്​ വിദേശികൾ കുടുംബ സമ്മേതം നാട്ടിലേക്ക്​ തിരിക്കുന്നതും ഇതിന്​ കാരണമാണ്​. എംബസികൾക്കു കീഴിലുള്ള സ്​കൂളുകളിൽ പോലും വിദ്യാർഥികളുടെ എണ്ണത്തിൽ വലിയ കുറവാണ്​ രേഖപ്പെടുത്തുന്നത്​. ആയിരക്കണക്കിന്​ വിദേശി അധ്യാപകരാണ്​ ഇൗ മേഖലയിൽ ജോലി ചെയ്യുന്നത്​. അവർ തൊഴിൽ രഹിതരാവുകയാണ്​ പുതിയ സാഹചര്യത്തിൽ.