സൗദിയിൽ ഏഴ്​ അറേബ്യൻ പുള്ളിപ്പുലി കുഞ്ഞുങ്ങൾ പിറന്നു

ജിദ്ദ: വംശനാശ ഭീഷണി നേരിടുന്ന അറേബ്യൻ പുള്ളിപ്പുലി വർഗത്തിൽ ഏഴ്​ കുഞ്ഞുങ്ങൾ പിറന്നു. ത്വാഇഫിലെ അമീർ സഉൗദ് അൽഫൈസൽ വന്യജീവി ഗവേഷണ കേന്ദ്രത്തിലാണ്​​ പ്രസവ​െമന്ന്​​ അൽഉല റോയൽ കമീഷൻ അറിയിച്ചു. വന്യജീവികൾക്ക്​ അനുയോജ്യമായ ആവാസ വ്യവസ്ഥയെ പുനരുജ്ജീവിപ്പിക്കാനും അറേബ്യൻ പുള്ളിപ്പുലികളെ വംശനാശത്തിൽ നിന്ന് സംരക്ഷിക്കാനും​ നടക്കുന്ന ശ്രമങ്ങളുടെ വിജയമാണിതെന്നും പ്രസ്​താവനയിൽ പറഞ്ഞു. ഈ വന്യജീവി ഗവേഷണ കേന്ദ്രത്തിൽ കഴിഞ്ഞ അഞ്ച് മാസത്തിനിടെ നിരവധി കുഞ്ഞുങ്ങൾ പിറന്നിട്ടുണ്ട്​.

ഇതോടെ കേന്ദ്രത്തിലെ മൊത്തം അറേബ്യൻ പുള്ളിപ്പുലികളുടെ എണ്ണം 27 ആയി. 2020ൽ ഇൗ വർഗത്തെ സംരക്ഷിക്കുന്നതിന്​ റോയൽ കമീഷൻ ആരംഭിച്ച പദ്ധതിക്ക്​ ശേഷം അവയുടെ എണ്ണം ഇരട്ടിയാവുകയായിരുന്നു. വംശനാശത്തിൽ നിന്ന് സംരക്ഷിക്കേണ്ടതി​െൻറ പ്രാധാന്യത്തെക്കുറിച്ച്​ അവബോധം പ്രചരിപ്പിക്കുന്നതിനായി എല്ലാ വർഷവും ഫെബ്രുവരി 10 ന്​ അന്താരാഷ്​ട്ര അറേബ്യൻ പുള്ളിപ്പുലി ദിനമായി ഐക്യരാഷ്​ട്ര സഭ അംഗീകരിച്ചതോടെയാണ് അൽഉല റോയൽ കമീഷൻ പുതിയ കുഞ്ഞുങ്ങളുടെ ജനനം പ്രഖ്യാപിക്കുന്നത്​. ഇതിനായിൽ പ്രത്യേകം രൂപവത്​കരിച്ച ഫണ്ടി​െൻറ ലക്ഷ്യങ്ങൾ ഇതിനോടൊപ്പം പരിചയപ്പെടുത്തുകയും ചെയ്യുന്നു.

ലോകത്ത്​ അറേബ്യൻ പുള്ളിപ്പുലികൾ വെറും 200 എണ്ണം മാത്രമാണെന്നും ഗുരുതരമായ വംശനാശഭീഷണിയാണ്​ നേരിടുന്നതെന്നുമാണ്​ ഇൻറർനാഷനൽ യൂനിയൻ ഫോർ കൺസർവേഷൻ ഓഫ് നേച്ചറി​െൻറ റിപ്പോർട്ട്​. സ്വാഭാവിക ആവാസവ്യവസ്ഥ നഷ്​ടമായതും വേട്ടയാടലും കൊണ്ടാണ്​ ഈ സ്ഥിതിവിശേഷമുണ്ടായത്​. ഇതേ തുടർന്നാണ്​ അറേബ്യൻ പുള്ളിപ്പുലികളെ സംരക്ഷിക്കുന്നതിനും വംശനാശത്തിൽ നിന്ന് സംരക്ഷിക്കുന്നതിനുമുള്ള പദ്ധതി അൽഉല റോയൽ കമീഷൻ ആരംഭിച്ചത്​.

പരിസ്ഥിതി വ്യവസ്ഥകളെ പുനരുജ്ജീവിപ്പിക്കുക എന്ന ‘വിഷൻ 2030’ ലക്ഷ്യങ്ങൾ നേടുന്നതി​െൻറയും ഭാഗമാണ്​. ചരിത്രത്തിലുടനീളം അറേബ്യൻ പുള്ളിപ്പുലികളുടെ ആധികാരിക മാതൃസ്ഥലമായാണ്​ അൽഉലയെ കണക്കാക്കുന്നത്​. ഗവർണറേറ്റിലെ പൗരാണിക ശിലാലിഖിതങ്ങളിലെ പുള്ളിപ്പുലികളുടെ ചിത്രങ്ങൾ ഇത്​ പ്രതിഫലിപ്പിക്കുന്നതാണ്​.