ശാന്തപുരം അല്‍ ജാമിഅ അലുംനി ജിദ്ദ ചാപ്റ്റർ സ്വീകരണം നൽകി

ജിദ്ദ: ഇന്ത്യയിലെ പ്രശസ്ത ഇസ്ലാമിക കലാലയമായ ശാന്തപുരം അല്‍ അല്‍ ജാമിഅ അൽ ഇസ്‌ലാമിയ പൂർവ വിദ്യാർഥി അസോസിയേഷൻ സെന്‍ട്രല്‍ കമ്മിറ്റി പ്രസിഡൻറ്​ ഡോ. അബ്​ദുല്‍ ഹലീമിന് അലുംനി ജിദ്ദ ചാപ്റ്റർ സ്വീകരണം നൽകി. സ്ഥാപനം പുരോഗതിയിലേക്കുള്ള ജൈത്രയാത്ര തുടരുകയാണെന്നും, അതി​െൻറെ ഭാഗമായി സ്ഥാപിക്കുന്ന 'അല്‍ ജാമിഅ നോളജ് വേൾഡ്' നിര്‍മാണ പൂര്‍ത്തീകരണ പ്രക്രിയ ദ്രുതഗതിയില്‍ പുരോഗമിച്ചുവരികയാണെന്നും ഡോ. അബ്​ദുല്‍ ഹലീം പറഞ്ഞു.

അടുത്ത അധ്യായന വര്‍ഷത്തില്‍ ലോ കോളേജ് തുടങ്ങാനുള്ള അനുവാദം സര്‍ക്കാറില്‍ നിന്നും ലഭിച്ചിട്ടുണ്ട്. പെരിന്തല്‍മണ്ണക്കടുത്തുള്ള പൂപ്പലത്താണ് നിര്‍ദ്ദിഷ്ട നിയമ പഠന വിദ്യഭ്യാസ സ്ഥാപനം തുടങ്ങുന്നത്. സയന്‍സ് ആൻഡ് ടെക്നോളജി കെട്ടിടത്തി​െൻറെ പണിയും പുരോഗമിക്കുകയാണ്. ആഗോള നിലവാരത്തിലുള്ള ലൈബ്രറിയും ഗവേഷണ കേന്ദ്രവും ഉടന്‍ തന്നെ ആരംഭിക്കുമെന്നും അദ്ദേഹം കൂട്ടിച്ചേര്‍ത്തു. പരിപാടിയിൽ അലുംനി ജിദ്ദ ചാപ്റ്റർ പ്രസിഡൻറ്​ ആബിദ് ഹുസൈന്‍ അധ്യക്ഷത വഹിച്ചു. ഇബ്രാഹിം ശംനാട്, ഉമർ ഫാറൂഖ് പാലോട്, കെ.കെ നിസാർ, സക്കീർ ഹുസൈൻ വലമ്പൂർ, ഡോ. അബ്​ദുള്ള, സാദിഖലി തുവ്വൂർ, ഫസലുറഹ്മാൻ ചേന്നമംഗലൂർ, എ.പി അബ്​ദുൽ മജീദ്, വി.ടി അലാവുദ്ധീൻ മങ്കട തുടങ്ങിയവർ സംസാരിച്ചു. എ.പി ഷിഹാബ് സ്വഗതം പറഞ്ഞു. തമീം അബ്​ദുള്ള ഖിറാഅത്ത് നടത്തി.