ശ​ർ​ഖി​യ പു​സ്​​ത​ക​മേ​ള-2023​ ഇ​ന്ന്​ ആ​രം​ഭി​ക്കും

ദ​മ്മാം: ശ​ർ​ഖി​യ പു​സ്​​ത​ക​മേ​ള-2023 ​വ്യാ​ഴാ​ഴ്​​ച ആ​രം​ഭി​ക്കും. ദ​ഹ്‌​റാ​ൻ എ​ക്‌​സി​ബി​ഷ​ൻ സെൻറ​റി​ലാ​ണ്​ (എ​ക്‌​സ്‌​പോ). ‘പ്ര​ദ​ർ​ശ​നം - സം​സ്കാ​രം - നാ​ഗ​രി​ക​ത - ക​ല’ എ​ന്നീ ശീ​ർ​ഷ​ക​ത്തി​ൽ കി​ങ്​ അ​ബ്​​ദു​ൽ അ​സീ​സ് സെൻറ​ർ ഫോ​ർ വേ​ൾ​ഡ് ക​ൾ​ച​ർ (ഇ​ത്​​റ)​യു​ടെ പ​ങ്കാ​ളി​ത്ത​ത്തോ​ടെ​യാ​ണ്​ മേ​ള ന​ട​ക്കു​ക. മാ​ർ​ച്ച്​ 11 വ​രെ നീ​ണ്ടു​നി​ൽ​ക്കും.

ലി​റ്റ​റേ​ച്ച​ർ, പ​ബ്ലി​ഷി​ങ്, ട്രാ​ൻ​സ​​ലേ​ഷ​ൻ ക​മീ​ഷ​നു​കീ​ഴി​ലെ ഈ ​വ​ർ​ഷ​ത്തെ ആ​ദ്യ​പു​സ്ത​ക മേ​ള​യാ​ണി​ത്. ഏ​ക​ദേ​ശം 39,000 ച​തു​ര​ശ്ര മീ​റ്റ​ർ വി​സ്തൃ​തി​യി​ൽ ഒ​രു​ക്കി​യ മേ​ള ന​ഗ​രി​യി​ൽ 350ല​ധി​കം പ​വി​ലി​യ​നു​ക​ളി​ലാ​യി 500ഒാ​ളം പ്രാ​ദേ​ശി​ക, അ​റ​ബ്, അ​ന്ത​ർ​ദേ​ശീ​യ പ്ര​സാ​ധ​ക​ർ പ​ങ്കെ​ടു​ക്കും.

പു​സ്ത​ക​മേ​ള​യു​ടെ സാം​സ്കാ​രി​ക പ​ങ്കാ​ളി​യാ​യ കി​ങ്​ അ​ബ്​​ദു​ൽ അ​സീ​സ് സെൻറ​ർ ഫോ​ർ വേ​ൾ​ഡ് ക​ൾ​ച​ർ അ​വ​ത​രി​പ്പി​ക്കു​ന്ന 140ഓ​ളം വി​വി​ധ പ​രി​പാ​ടി​ക​ളും മേ​ള​യി​ലു​ണ്ടാ​കും. എ​ല്ലാ ദി​വ​സ​വും ന​ട​ക്കു​ന്ന സെ​മി​നാ​റു​ക​ളും ഡ​യ​ലോ​ഗ് സെ​ഷ​നു​ക​ളും ശി​ൽ​പ​ശാ​ല​ക​ളും സാ​യാ​ഹ്ന ക​വി​യ​ര​ങ്ങും ക​ച്ചേ​രി​യും അ​വ​സാ​ന ദി​വ​സ​ത്തെ സൗ​ദി ദേ​ശീ​യ സം​ഗീ​ത​മേ​ള​യും ഇ​തി​ലു​ൾ​പ്പെ​ടും.

ഈ ​മാ​സം എ​ട്ടി​ന്​​ ബാ​ല​സാ​ഹി​ത്യ സ​മ്മേ​ള​ന​ത്തി​നും മേ​ള സാ​ക്ഷ്യം വ​ഹി​ക്കും. രാ​ജ്യ​ത്തി​ന​ക​ത്തും പു​റ​ത്തു​മു​ള്ള എ​ഴു​ത്തു​കാ​ർ അ​ഭി​സം​ബോ​ധ​ന ചെ​യ്യും. രാ​വി​ലെ 11 മു​ത​ൽ രാ​ത്രി 11 വ​രെ പു​സ്​​ത​ക​മേ​ള സ​ന്ദ​ർ​ശ​ക​രെ സ്വീ​ക​രി​ക്കും. വെ​ള്ളി​യാ​ഴ്ച പ്ര​വേ​ശ​നം ഉ​ച്ച​ക്കു​ശേ​ഷം ര​ണ്ടു മു​ത​ലാ​യി​രി​ക്കും.