ശൈഖ്​ അഹമ്മദ് അൽ ഹവാഷി നിര്യാതനായി

അബഹ: ഖമീസ് മുശൈത്തിലെ ഠൗൺ മസ്ജിദിൽ ഇമാമായി ദീർഘകാലം സേവനം അനുഷ്ഠിച്ച ശൈഖ്​ അഹമ്മദ് അൽ ഹവാഷി നിര്യാതനായി. സുദീർഘമായ ഖുർആൻ പാരായണവും നമസ്​കാരവും ഇദ്ദേഹത്തിന്റെ പ്രത്യേകതയായിരുന്നു.

റമദാൻ രാത്രികളിൽ ഇഷാഅ്​ മുതൽ സുബഹി വരെ തുടർച്ചയായി ഇദ്ദേഹം നമസ്​കാരത്തിന്​ നേതൃത്വം നൽകുകയും അതിൽ പ​ങ്കെടുക്കാൻ വിദൂര പ്രദേശങ്ങളിൽ നിന്നുപോലും ആളുകൾ എത്തുകയും ചെയ്​തിരുന്നു.

റമദാനിൽ ഖുർആൻ മൂന്ന്​ തവണ ഓതി തീർക്കുക പതിവായിരുന്നു. ഇദ്ദേഹം മലയാളികളടക്കം വിദേശികൾക്ക്​ ഏറെ പ്രിയങ്കരനായിരുന്നു.