ശൂരനാട് പ്രവാസി കൂട്ടായ്മ പരീക്ഷവിജയികളെ അനുമോദിച്ചു
text_fieldsഅബഹ: ശൂരനാട് പ്രവാസി കൂട്ടായ്മ വിവിധ പരീക്ഷകളിൽ വിജയികളായവരെ നാട്ടിൽ സംഘടിപ്പിച്ച പരിപാടിയിൽ അനുമോദിച്ചു. എസ്.എസ്.എൽ.സി, പ്ലസ്ടു പരീക്ഷകളിൽ ഉന്നത വിജയം നേടിയ വിദ്യാർഥികളെയും ഖുർആൻ മനഃപാഠമാക്കിയ വിദ്യാർഥികളെയും എം.ബി.ബി.എസ് പഠനം വിജയകരമായി പൂർത്തിയാക്കിയ യുവ ഡോക്ടർമാരെയും സാമൂഹിക സാംസ്കാരിക ജീവകാരുണ്യ പ്രവർത്തനങ്ങളിൽ സേവനം തുടരുന്ന കൂട്ടായ്മ അംഗങ്ങളെയുമാണ് ആദരിച്ചത്. ഡോ. റഹീം (റിട്ട. അസോസിയേറ്റ് പ്രഫസർ, ഗവ. കോളജ് ചവറ) ഉദ്ഘാടനം ചെയ്തു.
കൂട്ടായ്മ പ്രസിഡൻറ് ഷാനവാസ് ചരിഞ്ഞയ്യത്ത് പുത്തൻ വീട് അധ്യക്ഷത വഹിച്ചു. ഫിറോസ്, നവാസ്, സലീം പട്ടാളം, സാദിഖ് കൺമണി, അൻസാരി വിളയിലയ്യം, നിസാം മാവിള തുടങ്ങിയവർ സംസാരിച്ചു. കൂട്ടായ്മ അംഗം എച്ച്. നിസാർ സ്വാഗതവും ശിഹാബ് എസ്.എഫ്. ഹൗസ് നന്ദിയും പറഞ്ഞു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.