പ്ര​വാ​സി ആ​ശ്രി​ത​രു​ടെ ലെ​വി പ്രത്യാഘാതത്തെ കുറിച്ച്​ സമഗ്രപഠനം നടത്തണമെന്ന്​ ശൂറാ കൗൺസിൽ അംഗം

സാ​ജി​ദ്​ ആ​റാ​ട്ടു​പു​ഴ

ദ​മ്മാം: രാ​ജ്യ​ത്തെ പ്ര​വാ​സി ആ​​ശ്രി​ത​ർ​ക്ക്​ ഏ​ർ​പ്പെ​ടു​ത്തി​യ ലെ​വി​യു​ടെ പ്ര​ത്യാ​ഘാ​ത​ങ്ങ​ളെ​ക്കു​റി​ച്ച്​ സ​മ​ഗ്ര​വും വി​ശ​ദ​വു​മാ​യ പ​ഠ​നം ന​ട​ത്താ​ൻ ശൂ​റാ കൗ​ൺ​സി​ൽ അം​ഗം ന​ബീ​ഹ്​ അ​ൽ​ബ​റാ​ഹിം സാ​മ്പ​ത്തി​ക ആ​സൂ​ത്ര​ണ മ​ന്ത്രാ​ല​യ​ത്തോ​ട്​ ആ​വ​ശ്യ​പ്പെ​ട്ടു. രാ​ജ്യ​ത്തെ എ​ണ്ണേ​ത​ര വ​രു​മാ​നം മെ​ച്ച​പ്പെ​ടു​ത്തു​ന്ന​തി​െൻറ ഭാ​ഗ​മാ​യി 2017 മു​ത​ലാ​ണ്​ രാ​ജ്യ​ത്തു​ള്ള വി​ദേ​ശി​ക​ളു​ടെ ആ​ശ്രി​ത​ർ​ക്ക്​ ലെ​വി ചു​മ​ത്തു​ന്ന പ്ര​ക്രി​യ​ക്ക്​ തു​ട​ക്ക​മാ​യ​ത്. ഒ​രാ​ൾ​ക്ക്​ പ്ര​തി​മാ​സം 100 റി​യാ​ൽ എ​ന്ന തോ​തി​ൽ ആ​രം​ഭി​ച്ച ലെ​വി ഇ​പ്പോ​ൾ 400 റി​യാ​ലി​ൽ എ​ത്തി​നി​ൽ​ക്കു​ക​യാ​ണ്. രാ​ജ്യ​ത്ത്​ അ​ധി​ക​മു​ള്ള പ്ര​വാ​സി​ക​ളെ കു​റ​ക്കു​ക എ​ന്ന ല​ക്ഷ്യ​വും ആ​ശ്രി​ത ലെ​വി​യു​ടെ പി​ന്നി​ലു​ണ്ടാ​യി​രു​ന്നു​വെ​ന്ന്​ മ​ന്ത്രാ​ല​യ വ​ക്താ​വ്​ ഇ​തി​നി​ട​യി​ൽ വെ​ളി​പ്പെ​ടു​ത്തി​യി​രു​ന്നു. ആ​ശ്രി​ത ലെ​വി ഏ​ർ​പ്പെ​ടു​ത്തി​യ​തോ​ടെ അ​ന​വ​ധി പ്ര​വാ​സി കു​ടും​ബ​ങ്ങ​ളാ​ണ്​ നാ​ട്ടി​ലേ​ക്ക്​ മ​ട​ങ്ങി​യ​ത്. ഇ​തി​െൻറ സാ​മ്പ​ത്തി​ക, സാ​മൂ​ഹി​ക പ്ര​ത്യാ​ഘാ​ത​ങ്ങ​ളു​ടെ വ​സ്​​തു​ത​ക​ളും ക​ണ​ക്കു​ക​ളും പ​ഠ​ന​ത്തി​ൽ ഉ​ൾ​പ്പെ​ട​ണ​മെ​ന്നും ന​ബീ​ഹ്​ അ​ൽ​ബ​റാ​ഹിം ആ​വ​ശ്യ​പ്പെ​ട്ടു. ചൊ​വ്വാ​ഴ്​​ച ന​ട​ന്ന ശൂ​റ​യു​ടെ വെ​ർ​ച്വ​ൽ സെ​ക്​​ഷ​നി​ലാ​ണ്​ അ​ദ്ദേ​ഹം ഇ​ക്കാ​ര്യ​ങ്ങ​ൾ വ്യ​ക്ത​മാ​ക്കി​യ​ത്. രാ​ജ്യ​ത്തെ തൊ​ഴി​ൽ വി​പ​ണി​യി​ൽ അ​ധി​ക​മു​ള്ള വി​ദേ​ശ തൊ​ഴി​ലാ​ളി​ക​ളു​ടെ എ​ണ്ണ​വും അ​തി​െൻറ വി​ശ​ദാം​ശ​ങ്ങ​ളും പ​ഠ​ന​ത്തി​ൽ ഉ​ൾ​പ്പെ​ട​ണ​മെ​ന്നും അ​ദ്ദേ​ഹം പ​റ​ഞ്ഞു. ആ​ശ്രി​ത ലെ​വി ശൂ​റാ കൗ​ൺ​സി​ൽ പു​ന​ർ​പ​ഠ​ന​ത്തി​ന്​ വി​ധേ​യ​മാ​ക്കു​ന്നു​വെ​ന്ന​ത്​ പ്ര​വാ​സി​ക​ൾ​ക്ക്​ പ്ര​തീ​ക്ഷ ജ​നി​പ്പി​ക്കു​ന്ന പ്ര​ഖ്യാ​പ​ന​മാ​ണ്. നി​ര​വ​ധി പ്ര​വാ​സി​ക​ളാ​ണ്​ കു​ട്ടി​ക​ളു​ടെ പ​ഠ​നം പാ​തി വ​ഴി​യി​ൽ അ​വ​സാ​നി​പ്പി​ച്ച്​ നാ​ട്ടി​ലേ​ക്ക്​ മ​ട​ങ്ങാ​ൻ നി​ർ​ബ​ന്ധി​ത​രാ​യ​ത്. നി​ർ​ബ​ന്ധി​താ​വ​സ്ഥ​യി​ൽ സൗ​ദി​യി​ൽ തു​ട​രേ​ണ്ടി വ​ന്ന അ​ന​വ​ധി​പേ​ർ​ക്ക്​ ​െല​വി ന​ൽ​കാ​നോ, ഇ​ഖാ​മ പു​തു​ക്കാ​നോ സാ​ധി​ക്കാ​ത്ത അ​വ​സ്ഥ​യു​ണ്ട്. പ്ര​വാ​സി​ക​ൾ കൂ​ട്ട​മാ​യി മ​ട​ങ്ങി​യ​തോ​ടെ റി​യ​ൽ എ​സ്​​റ്റേ​റ്റ്​ രം​ഗ​ത്തും ഇ​ടി​വ്​ സം​ഭ​വി​ച്ചി​രു​ന്നു. രാ​ജ്യ പു​രോ​ഗ​തി​ക്ക്​ ഉ​ത​കു​ന്ന ത​ര​ത്തി​ൽ വി​ക​സ​ന പ​ദ്ധ​തി​ക​ൾ ത​യാ​റാ​ക്കാ​ൻ സാ​മ്പ​ത്തി​ക ഊ​ർ​ജ മ​ന്ത്രാ​ല​യ​ങ്ങ​ളോ​ടും ശൂ​റാ കൗ​ൺ​സി​ൽ ആ​വ​ശ്യ​പ്പെ​ട്ടു. മ​ന്ത്രാ​ല​യം കൗ​ൺ​സി​ലി​ൽ അ​വ​ത​രി​പ്പി​ച്ച റി​പ്പോ​ർ​ട്ടി​ൽ എ​ല്ലാ പ്ര​ദേ​ശ​ങ്ങ​ളു​ടെ​യും സ​മ​ഗ്ര വി​ക​സ​ന​ത്തി​നു​ള്ള ത​ന്ത്ര​പ​ര​മാ​യ ല​ക്ഷ്യ​ങ്ങ​ൾ ഉ​ൾ​പ്പെ​ടു​ത്തി​യി​ട്ടി​ല്ലെ​ന്ന്​ ശൂ​റാ കൗ​ൺ​സി​ൽ അം​ഗ​മാ​യ ഡോ. ​ആ​യി​ഷ സ​ക്രി അ​ഭി​പ്രാ​യ​പ്പെ​ട്ടു. സ​മ​ഗ്ര വി​ക​സ​ന​ത്തി​ലൂ​ടെ മാ​ത്ര​മേ നേ​ട്ട​ങ്ങ​ൾ പൂ​ർ​ണ​മാ​യും ​ൈക​വ​രി​ക്കാ​ൻ സാ​ധി​ക്കു​ക​യു​ള്ളൂ​വെ​ന്നും അ​വ​ർ ചൂ​ണ്ടി​ക്കാ​ട്ടി. പ്ര​തി​സ​ന്ധി​ക​ളെ മ​റി​ക​ട​ക്കാ​നു​ള്ള ഉ​പാ​ധി​ക​ളും ല​ക്ഷ്യ​ങ്ങ​ളും റി​പ്പോ​ർ​ട്ടി​ൽ ഉ​ണ്ടാ​വ​ണ​മെ​ന്നും അ​വ​ർ പ​റ​ഞ്ഞു. എ​ന്നാ​ൽ യൂ​നി​വേ​ഴ്​​സി​റ്റി ഉ​ന്ന​ത വി​ദ്യാ​ഭ്യാ​സ ഫ​ണ്ടി​െൻറ വാ​ർ​ഷി​ക റി​പ്പോ​ർ​ട്ടി​നെ​ക്കു​റി​ച്ച്​ ശാ​സ്​​ത്ര ഗ​വേ​ഷ​ണ സ​മി​തി​യു​ടെ റി​പ്പോ​ർ​ട്ടി​ൽ ഉ​ൾ​പ്പെ​ടു​ത്തി​യ ശി​പാ​ർ​ശ​ക​ൾ കൗ​ൺ​സി​ൽ അം​ഗീ​ക​രി​ച്ചു. സ​ർ​വ​ക​ലാ​ശാ​ല​ക​ൾ കു​ടി​ശ്ശി​ക വ​രു​ത്തി​യ തു​ക​യു​ടെ മേ​ൽ തു​ട​ർ ന​ട​പ​ടി​ക​ൾ സ്വീ​ക​രി​ക്കാ​നും കൗ​ൺ​സി​ൽ ആ​വ​ശ്യ​പ്പെ​ട്ടു.