സാമൂഹിക സുരക്ഷ പദ്ധതി പ്രവാസി കുടുംബങ്ങൾക്ക് അത്താണി –കെ.പി.എ. മജീദ്
text_fieldsഅൽഖോബാറിൽ നിര്യാതനായ കപ്പൂർ സൈഫുദ്ദീെൻറ കുടുംബത്തിന് ആറുലക്ഷം രൂപയുടെ സൗദി കെ.എം.സി.സി സുരക്ഷപദ്ധതി ആനുകൂല്യം വാർഡ് അംഗം ഹാജറുമ്മ, കെ.പി.എ മജീദിൽനിന്ന് ഏറ്റുവാങ്ങുന്നു
അൽഖോബാർ: പ്രവാസികളുടെയും അവരുടെ നാട്ടിലെ കുടുംബങ്ങളുടെയും ക്ഷേമകാര്യങ്ങളിൽ കേന്ദ്ര -സംസ്ഥാന സർക്കാറുകൾ നിസ്സഹായരായി നിൽക്കുമ്പോൾ സൗദിയിലെ ജനകീയ പ്രവാസി കൂട്ടായ്മയായ കെ.എം.സി.സി നടത്തുന്ന സാമൂഹിക സുരക്ഷ പദ്ധതി പ്രവാസി കുടുംബങ്ങൾക്ക് അത്താണിയാണെന്ന് മുസ്ലിം ലീഗ് സംസ്ഥാന ജനറൽ സെക്രട്ടറി കെ.പി.എ. മജീദ് അഭിപ്രായപ്പെട്ടു. ഇക്കഴിഞ്ഞ ജൂലൈയിൽ അൽഖോബാർ അക്റബിയയിൽ ഹൃദയാഘാതംമൂലം നിര്യാതനായ അങ്ങാടിപ്പുറം സ്വദേശി കപ്പൂർ സൈഫുദ്ദീെൻറ കുടുംബത്തിന് സാമൂഹിക സുരക്ഷ പദ്ധതിയിൽ നിന്നുള്ള മരണാനന്തര ആനുകൂല്യം വിതരണം ചെയ്യുകയായിരുന്നു അദ്ദേഹം.
ആറുലക്ഷം രൂപയുടെ ചെക്ക് കുടുംബത്തിന് വേണ്ടി പുത്തനങ്ങാടി പള്ളിപ്പടി വാർഡ് അംഗം ഹാജറുമ്മ, കെ.പി.എ. മജീദിൽ നിന്ന് ഏറ്റുവാങ്ങി. അൽഖോബാർ സെൻട്രൽ കമ്മിറ്റി വൈസ് പ്രസിഡൻറ് ഒ.പി. ഹബീബ്, ഏരിയ കമ്മിറ്റി പ്രസിഡൻറ് ഇസ്മാഇൗൽ പുള്ളാട്ട്, മുഹമ്മദ് റസൽ ചുണ്ടക്കാടൻ, ഹാരിസ് കളത്തിൽ, അബുതാഹിർ തങ്ങൾ, ആഷിക് പാതാരി, ശിഹാബ് ചോലയിൽ, കെ.ടി. അബു, നാസർ കുന്നത്ത് പറമ്പിൽ, സി.ടി. ഉസ്മാൻ, വാപ്പുട്ടി ആശാരിപ്പടി എന്നിവർ ചടങ്ങിൽ സംബന്ധിച്ചു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.