നാളെ​ മുതൽ ബഖാലകളിൽ ഇ പേയ്​മെൻറ്​ നിർബന്ധം

ജിദ്ദ: രാജ്യത്തെ മുഴുവൻ ബക്കാലകളിലും ഞായറാഴ്​ച മുതൽ ഇലക്​ട്രോണിക്​ പേയ്​മ​​െൻറ് (ഡിജിറ്റൽ പേയ്​മ​​െൻറ്​) നിർബന്ധമാക്കി. നേരിട്ടുള്ള പണമിടപാട് കുറയ്​ക്കുന്നതിനും ആരോഗ്യ സുരക്ഷിതത്വം പരിഗണിച്ചുമാണ്​ ഇത്​. ബിനാമി ഇടപാടുകൾ ഇല്ലാതാക്കുന്നതിനും കൂടിയാണ്​ ബഖാലകളടക്കമുള്ള റീ​െട്ടയിൽ മേഖലകളിൽ ഇ  പേയ്​മ​​െൻറ്​ സംവിധാനം ഏർപ്പെടുത്തുന്നത്​.

നേരത്തെ ഘട്ടങ്ങളായി പല റീ​െട്ടയിൽ ​കച്ചവട മേഖകളിലും ഇ പേയ്​മ​​െൻറ്​ സംവിധാനം  നിർബന്ധമാക്കിയിരുന്നു. സൗദി ​ മോണിറ്ററി ഏജൻസി, വാണിജ്യ മന്ത്രാലയം, മുനിസിപ്പാലിറ്റി എന്നിവയുമായി സഹകരിച്ചാണ്​ ഇ പേയ്​മ​​െൻറ്​ പദ്ധതി നടപ്പാക്കുന്നത്​.