മസ്തിഷ്കാഘാതം; മലയാളി ബാലന്‍ റിയാദില്‍ മരിച്ചു

റിയാദ്: മസ്തിഷ്കാഘാതം മൂലം മലയാളി ബാലന്‍ റിയാദില്‍ മരിച്ചു. എറണാകുളം എളമക്കര സ്വദേശി ജിതേഷ് നായരുടെയും അനിത നായരുടെയും ഇളയ മകന്‍ അതിക്ഷ് (മൂന്ന് വയസ് ഒമ്പത് മാസം പ്രായം) ആണ് ആശുപത്രിയില്‍ മരിച്ചത്. റിയാദിലെ അല്‍യാസ്മിന്‍ സ്കൂളില്‍ നഴ്സറി വിദ്യാര്‍ഥിയാണ്. ജിതേഷ് - അനിത ദമ്പതികളുടെ മൂത്ത മകന്‍ അക്ഷത് (10) ഇതേ സ്കൂളില്‍ അഞ്ചാം ക്ളാസ് വിദ്യാര്‍ഥിയാണ്. മൃതദേഹം നാട്ടില്‍ കൊണ്ടുപോകും.