റി​യാ​ദി​ലെ പു​തി​യ ശ്ര​ദ്ധാ​കേ​ന്ദ്ര​മാ​യി സ്പോ​ർ​ട്സ് ബൊ​ളി​വാ​ഡ്​

റി​യാ​ദ്: വ​രും ത​ല​മു​റ​ക്ക് ക​രു​ത​ലി​​ന്റെ​യും വി​ക​സ​ന​ത്തി​​ന്റെ​യും ന​വ മാ​തൃ​ക​ക​ൾ സൃ​ഷ്​​ടി​ച്ച് മു​ന്നേ​റു​ക​യാ​ണ് സൗ​ദി ഭ​ര​ണ​കൂ​ടം. 2019 മാ​ർ​ച്ച് 19ന് ​സൗ​ദി ഭ​ര​ണാ​ധി​കാ​രി സ​ൽ​മാ​ൻ രാ​ജാ​വ്​ തു​ട​ക്ക​മി​ട്ട റി​യാ​ദി​​ന്റെ നാ​ല് അ​ഭി​ലാ​ഷ പ​ദ്ധ​തി​ക​ളി​ൽ ഒ​ന്നാ​ണ് സ്പോ​ർ​ട്സ് ബൊ​ളി​വാ​ഡ്.

ലോ​കോ​ത്ത​ര ത​ല​ത്തി​ലേ​ക്ക് ത​ല​സ്ഥാ​ന ന​ഗ​ര​ത്തി​​ന്റെ സ്ഥാ​നം ഉ​യ​ർ​ത്തു​ക​യും മെ​ച്ച​പ്പെ​ട്ട ജീ​വി​താ​നു​ഭ​വ​ങ്ങ​ൾ ന​ഗ​ര​വാ​സി​ക​ൾ​ക്ക് പ്ര​ദാ​നം ചെ​യ്യു​ക​യു​മാ​ണ് ഈ ​പ​ദ്ധ​തി. ന​ഗ​ര​ത്തി​ൽ ജീ​വി​ക്കു​ന്ന​വ​ർ​ക്ക് ന​ട​ത്തം, സൈ​ക്ലി​ങ്, കു​തി​ര​സ​വാ​രി തു​ട​ങ്ങി​യ വി​വി​ധ കാ​യി​ക ഇ​ന​ങ്ങ​ളി​ൽ പ​ങ്കെ​ടു​ക്കു​ന്ന​തി​ലൂ​ടെ ആ​രോ​ഗ്യ​ക​ര​മാ​യ ജീ​വി​ത​ശൈ​ലി സ്വീ​ക​രി​ക്കാ​ൻ സ്‌​പോ​ർ​ട്‌​സ് ബൊ​ളി​വാ​ഡ്​ പ്ര​ചോ​ദ​നം ന​ൽ​കു​ന്നു.

ഊ​ർ​ജസ്വ​ല​മാ​യ സാം​സ്കാ​രി​ക​വും വി​നോ​ദ​പ​ര​വു​മാ​യ അ​ന്ത​രീ​ക്ഷം വ​ള​ർ​ത്തു​ന്ന പ​രി​പാ​ടി​ക​ളും പ്ര​വ​ർ​ത്ത​ന​ങ്ങ​ളും ഈ ​പ​ദ്ധ​തി വി​ഭാ​വ​നം ചെ​യ്യു​ന്നു. മ​നോ​ഹ​ര​മാ​യി രൂ​പ​ക​ൽ​പ​ന ചെ​യ്ത ന​ട​പ്പാ​ത​ക​ളും ‘സൈ​ക്കി​ളി​ങ്​ വേ’​ക​ളും ഇ​രി​പ്പി​ട​ങ്ങ​ളു​മെ​ല്ലാം പ്രൗ​ഢ​മാ​യ രീ​തി​യി​ൽ സ​ജ്ജീ​ക​രി​ച്ചി​രി​ക്കു​ന്നു.

സ​ന്ദ​ർ​ശ​ക​ർ​ക്കാ​യി മേ​ത്ത​രം സൈ​ക്കി​ളു​ക​ളും കോ​ഫി ഷോ​പ്പു​ക​ളും വി​ശ്ര​മ ല​ഘു​ഭ​ക്ഷ​ണ കേ​ന്ദ്ര​ങ്ങ​ളു​മെ​ല്ലാം സ്പോ​ർ​ട്സ് ബൊ​ളി​വാ​ഡി​ലു​ണ്ട്. വെ​ളി​ച്ചം മ​നോ​ഹ​ര​മാ​യി ക്ര​മീ​ക​രി​ച്ച ഇ​വി​ടത്തെ രാ​ത്രി​കാ​ല കാ​ഴ്ച​ക​ൾ ദൃ​ശ്യാ​നു​ഭൂ​തി പ​ക​രു​ന്ന​താ​ണ്.

റി​യാ​ദി​നെ ലോ​ക​ത്തി​ലെ ഏ​റ്റ​വും ജീ​വി​ക്കാ​ൻ ക​ഴി​യു​ന്ന ന​ഗ​ര​ങ്ങ​ളി​ലൊ​ന്നാ​ക്കി മാ​റ്റു​ക, വ്യാ​യാ​മ​ത്തി​ലൂ​ടെ​യും വ്യ​ത്യ​സ്ത കാ​യി​ക​യി​ന​ങ്ങ​ളി​ൽ പ​ങ്കെ​ടു​ക്കു​ന്ന​തി​ലൂ​ടെ​യും ആ​ളു​ക​ളെ ആ​രോ​ഗ്യ​ക​ര​മാ​യ ജീ​വി​ത​ശൈ​ലി പി​ന്തു​ട​രാ​ൻ പ്രോ​ത്സാ​ഹി​പ്പി​ക്കു​ക, ക​ലാ​സാം​സ്‌​കാ​രി​ക പാ​രി​സ്ഥി​തി​ക മേ​ഖ​ല​യു​മാ​യു​ള്ള സ്‌​പോ​ർ​ട്‌​സി​​ന്റെ നൂ​ത​ന സം​യോ​ജ​നം, ജ​ന​ങ്ങ​ൾ​ക്ക് പു​തി​യ അ​വ​സ​ര​ങ്ങ​ൾ സൃ​ഷ്​​ടി​ക്ക​ൽ, സൗ​ദി ‘വി​ഷ​ൻ 2030’ ല​ക്ഷ്യ​മി​ടു​ന്ന ജീ​വി​ത നി​ല​വാ​രം കൈ​വ​രി​ക്കു​ക എ​ന്നി​വ​യാ​ണ് പ​ദ്ധ​തി​യു​ടെ ല​ക്ഷ്യ​ങ്ങ​ൾ.

റി​യാ​ദ് ന​ഗ​ര​ത്തി​ലൂ​ടെ സ്‌​പോ​ർ​ട്‌​സ് ബൊ​ളി​വാ​ഡ്​ വ്യാ​പി​ക്കു​ന്നു, പ​ടി​ഞ്ഞാ​റ് വാ​ദി ഹ​നീ​ഫ​യെ അ​മീ​ർ മു​ഹ​മ്മ​ദ് ബി​ൻ സ​ൽ​മാ​ൻ റോ​ഡ് വ​ഴി കി​ഴ​ക്ക് വാ​ദി അ​ൽ സു​ലൈ​യു​മാ​യി ബ​ന്ധി​പ്പി​ക്കു​ന്നു. ലോ​ക​ത്തി​ലെ ഏ​റ്റ​വും വ​ലി​യ ലീ​നി​യ​ർ പാ​ർ​ക്കാ​യി മാ​റാ​ൻ 135 കി​ലോ​മീ​റ്റ​റി​ല​ധി​കം നീ​ള​മു​ണ്ട്.

ന​ട​ത്ത​ക്കാ​ർ​ക്കും സൈ​ക്ലി​സ്റ്റു​ക​ൾ​ക്കും അ​മ​ച്വ​ർ​മാ​ർ​ക്കും വേ​ണ്ടി​യു​ള്ള ട്രാ​ക്കു​ക​ളും കു​തി​ര​പ്പാ​ത​ക​ളും മ​റ്റു കാ​യി​ക സൗ​ക​ര്യ​ങ്ങ​ളും ഇ​തി​ലു​ൾ​പ്പെ​ടു​ന്നു. റി​യാ​ദി​നെ ആ​ഗോ​ള അ​ത്‌​ല​റ്റി​ക്സ്, ജീ​വി​ത​ശൈ​ലി കേ​ന്ദ്ര​മാ​ക്കി മാ​റ്റു​ന്ന​തി​ൽ ഒ​രു പ്ര​ധാ​ന നാ​ഴി​ക​ക്ക​ല്ല് അ​ട​യാ​ള​പ്പെ​ടു​ത്തി​യാ​ണ് സൗ​ദി അ​റേ​ബ്യ സ്‌​പോ​ർ​ട്‌​സ് ബൊ​ളി​വാ​ഡി​​ന്റെ ആ​ദ്യ​ഘ​ട്ടം പ്ര​വ​ർ​ത്ത​ന​മാ​രം​ഭി​ച്ച​ത്.

കി​രീ​ടാ​വ​കാ​ശി​യും പ്ര​ധാ​ന​മ​ന്ത്രി​യു​മാ​യ അ​മീ​ർ മു​ഹ​മ്മ​ദ് ബി​ൻ സ​ൽ​മാ​ൻ അ​ധ്യ​ക്ഷ​നാ​യ സ്പോ​ർ​ട്സ് ബൊ​ളി​വാ​ഡ്​ ഫൗ​ണ്ടേ​ഷ​നാ​ണ് പ​ദ്ധ​തി​യു​ടെ മേ​ൽ​നോ​ട്ടം വ​ഹി​ക്കു​ന്ന​ത്.