ലോകത്തിലെ ഏറ്റവും വലിയ സ്​പോർട്​സ്​ ടവർ റിയാദിൽ

റി​യാ​ദ്​: ലോ​ക​ത്തി​ലെ ഏ​റ്റ​വും വ​ലി​യ സ്​​പോ​ർ​ട്​​സ്​ ട​വ​ർ സൗ​ദി ത​ല​സ്ഥാ​ന ന​ഗ​ര​ത്തി​ൽ നി​ർ​മി​ക്കു​ന്നു. ‘റി​യാ​ദ്​ സ്‌​പോ​ർ​ട്‌​സ് ട​വ​റി’​​ന്റെ ഡി​സൈ​നു​ക​ൾ​ക്ക് കി​രീ​ടാ​വ​കാ​ശി അ​മീ​ർ മു​ഹ​മ്മ​ദ്​ ബി​ൻ സ​ൽ​മാ​ൻ അം​ഗീ​കാ​രം ന​ൽ​കി. കി​രീ​ടാ​വ​കാ​ശി​യു​ടെ നേ​തൃ​ത്വ​ത്തി​ലു​ള്ള സ്‌​പോ​ർ​ട്‌​സ് ബോ​ളി​വാ​ർ​ഡ്​​ ഫൗ​ണ്ടേ​ഷ​​ൻ (എ​സ്.​ബി.​എ​ഫ്) ഡ​യ​റ​ക്ട​ർ ബോ​ർ​ഡാ​ണ് ഇ​ക്കാ​ര്യം അ​റി​യി​ച്ച​ത്. ലോ​ക​ത്തി​ലെ ഏ​റ്റ​വും ഉ​യ​രം കൂ​ടി​യ സ്‌​പോ​ർ​ട്‌​സ് ട​വ​റാ​യി​രി​ക്കു​മി​ത്.

ലോ​ക​ത്തി​ലെ ഏ​റ്റ​വും വ​ലി​യ പ​ത്ത്​ സാ​മ്പ​ത്തി​ക ന​ഗ​ര​ങ്ങ​ളി​ൽ ഒ​ന്നാ​യി മാ​റു​ന്ന​തി​ന് റി​യാ​ദ് ന​ഗ​ര​ത്തി​ലെ ജീ​വി​ത​നി​ല​വാ​രം മെ​ച്ച​പ്പെ​ടു​ത്തു​ന്ന​ത് ഉ​ൾ​പ്പെ​ടെ ‘വി​ഷ​ൻ 2030’​ന്റെ ​ല​ക്ഷ്യ​ങ്ങ​ൾ കൈ​വ​രി​ക്കു​ന്ന​തി​ൽ ഇ​ത് ഒ​രു പ്ര​ധാ​ന പ​ങ്ക് വ​ഹി​ക്കു​മെ​ന്നാ​ണ്​ പ്ര​തീ​ക്ഷി​ക്കു​ന്ന​ത്. അ​തോ​ടൊ​പ്പം സ്‌​പോ​ർ​ട്‌​സ് ബോ​ളി​വാ​ർ​ഡ്​ പ്രോ​ജ​ക്ട് ജീ​വി​ത​ത്തി​​ന്റെ എ​ല്ലാ വ​ശ​ങ്ങ​ളും ഉ​ൾ​ക്കൊ​ള്ളു​ന്ന അ​സാ​ധാ​ര​ണ ഗു​ണ​നി​ല​വാ​ര​മു​ള്ള ഒ​രു ല​ക്ഷ്യ​സ്ഥാ​ന​മാ​കു​ക, റി​യാ​ദി​​ന്റെ സ​മൃ​ദ്ധ​മാ​യ ന​ഗ​ര​ഭാ​വി​യി​ലേ​ക്കു​ള്ള ഒ​രു പാ​ല​മാ​കു​ക, സൗ​ദി​യു​ടെ സ​മ്പ​ദ്‌​വ്യ​വ​സ്ഥ​യെ ശ​ക്തി​പ്പെ​ടു​ത്തു​ന്ന​തി​നും കാ​യി​ക​രം​ഗ​ത്തെ മു​ൻ​നി​ര കേ​ന്ദ്ര​മെ​ന്ന നി​ല​യി​ൽ അ​ന്താ​രാ​ഷ്​​ട്ര സ്ഥാ​നം വ​ർ​ധി​പ്പി​ക്കു​ന്ന​തി​നും ഗ​ണ്യ​മാ​യ സം​ഭാ​വ​ന ന​ൽ​കു​ക എ​ന്നി​വ​യും ല​ക്ഷ്യ​ങ്ങ​ളാ​ണ്.

കാ​ൽ​ന​ട​ക്കാ​ർ​ക്കും സൈ​ക്കി​ളു​ക​ൾ​ക്കും കു​തി​ര​ക​ൾ​ക്കും സു​ര​ക്ഷി​ത​വും മ​ര​ങ്ങ​ൾ നി​റ​ഞ്ഞ​തു​മാ​യ പാ​ത​ക​ൾ ഉ​ൾ​പ്പെ​ടെ 135 കി​ലോ​മീ​റ്റ​റി​ല​ധി​ക​മു​ള്ള പ​ദ്ധ​തി​യാ​ണ്​ സ്പോ​ർ​ട്സ് ബോ​ളി​വാ​ർ​ഡ്. ലോ​ക​ത്തി​ലെ ഏ​റ്റ​വും വ​ലി​യ ‘ലീ​നി​യ​ർ പാ​ർ​ക്ക്’ ആ​യി​രി​ക്കും ഇ​ത്. വൈ​വി​ധ്യ​മാ​ർ​ന്ന കാ​യി​ക​സ്ഥാ​പ​ന​ങ്ങ​ൾ പു​റ​മെ റി​യാ​ദി​​ന്റെ പ​ടി​ഞ്ഞാ​റു​ള്ള വാ​ദി ഹ​നീ​ഫ​യെ​യും അ​തി​ന്റെ കി​ഴ​ക്ക് വാ​ദി അ​ൽ സു​ലൈ​യെ​യും ബ​ന്ധി​പ്പി​ക്കു​ന്ന​താ​യി​രി​ക്കും​ ഈ ​പ​ദ്ധ​തി.

44 ല​ക്ഷ​ത്തി​ല​ധി​കം ച​തു​ര​ശ്ര മീ​റ്റ​ർ തു​റ​ന്ന ഹ​രി​ത ഇ​ട​ങ്ങ​ൾ, വി​വി​ധ കാ​യി​ക വി​നോ​ദ​ങ്ങ​ൾ​ക്കാ​യു​ള്ള 50 ഓ​ളം സൈ​റ്റു​ക​ൾ, വ്യ​തി​രി​ക്ത​മാ​യ ക​ലാ​പ​ര​മാ​യ ലാ​ൻ​ഡ്‌​മാ​ർ​ക്കു​ക​ൾ എ​ന്നി​വ​യും ഇ​തി​ൽ ഉ​ൾ​പ്പെ​ടു​ന്നു. 30 ല​ക്ഷം ച​തു​ര​ശ്ര മീ​റ്റ​റി​ൽ കൂ​ടു​ത​ൽ വി​സ്തീ​ർ​ണ​മു​ള്ള ലോ​ക​ത്തി​ലെ ഇ​ത്ത​ര​ത്തി​ലു​ള്ള ആ​ദ്യ​ത്തെ സ്പോ​ർ​ട്സ് ട​വ​റാ​ണി​ത്. ‘വി​ഷ​ൻ 2030’​ന്റെ ​ല​ക്ഷ്യ​ങ്ങ​ൾ കൈ​വ​രി​ക്കു​ന്ന​തി​നാ​ൽ ജീ​വി​ത​നി​ല​വാ​ര​ത്തെ പി​ന്തു​ണ​ക്കു​ന്ന ഒ​രു സു​സ്ഥി​ര ന​ഗ​രാ​ന്ത​രീ​ക്ഷം സൃ​ഷ്​​ടി​ച്ചു​കൊ​ണ്ട് വി​വി​ധ കാ​യി​ക മേ​ഖ​ല​ക​ളി​ൽ അ​സാ​ധാ​ര​ണ​മാ​യ പു​രോ​ഗ​തി​ക്ക് ഇ​തി​ലൂ​ടെ​ സൗ​ദി സാ​ക്ഷ്യം വ​ഹി​ക്കും.

അ​ന്താ​രാ​ഷ്​​ട്ര ത​ല​ത്തി​ൽ അ​തി​​ന്റെ നേ​തൃ​സ്ഥാ​നം ഉ​റ​പ്പി​ക്കു​ക​യും ചെ​യ്യും. സ്‌​പോ​ർ​ട്‌​സ് പാ​ത്ത് പ്രോ​ജ​ക്ടി​​ന്റെ ല​ക്ഷ്യ​ങ്ങ​ൾ കൈ​വ​രി​ക്കു​ക​യും കാ​യി​ക പ​രി​ശീ​ല​ന​ത്തെ പ്രോ​ത്സാ​ഹി​പ്പി​ക്കു​ന്ന​തി​ലൂ​ടെ റി​യാ​ദ് ന​ഗ​ര​ത്തി​ലെ ജീ​വി​ത​നി​ല​വാ​രം മെ​ച്ച​പ്പെ​ടു​ത്തു​ക​യും ചെ​യ്യും. സ​മൂ​ഹ​ത്തി​ലെ എ​ല്ലാ അം​ഗ​ങ്ങ​ൾ​ക്കി​ട​യി​ലും കാ​യി​ക സം​സ്​​കാ​രം പോ​ഷി​പ്പി​ക്കു​ന്ന​തി​ന് സം​ഭാ​വ​ന ചെ​യ്യു​ന്ന ഗു​ണ​നി​ല​വാ​ര​മു​ള്ള സ്ഥാ​പ​ന​ങ്ങ​ൾ​കൊ​ണ്ട് ആ​രോ​ഗ്യ​ക​ര​മാ​യ ജീ​വി​ത​ശൈ​ലി പ​രി​ശീ​ലി​ക്കാ​ൻ സ​മൂ​ഹ​ത്തെ പ്രാ​പ്ത​രാ​ക്കു​ക​യും ചെ​യ്യും.

റി​യാ​ദ്​ സ്‌​പോ​ർ​ട്‌​സ് ട​വ​ർ ലോ​ക​ത്തി​ലെ ഏ​റ്റ​വും ഉ​യ​രം കൂ​ടി​യ സ്‌​പോ​ർ​ട്‌​സ് ട​വ​റാ​യി​രി​ക്കും. 84,000 ച​തു​ര​ശ്ര മീ​റ്റ​ർ വി​സ്തീ​ർ​ണ​വും 130 മീ​റ്റ​ർ ഉ​യ​ര​വു​മു​ള്ള ട​വ​ർ അ​മീ​ർ മു​ഹ​മ്മ​ദ്​ ബി​ൻ സ​ൽ​മാ​ൻ റോ​ഡി​ലാ​ണ്​ നി​ർ​മി​ക്കു​ന്ന​ത്. 98 മീ​റ്റ​ർ വ​രെ ഉ​യ​ര​മു​ള്ള ലോ​ക​ത്തി​ലെ ഏ​റ്റ​വും ഉ​യ​ര​മു​ള്ള ക്ലൈ​മ്പി​ങ്​ മ​തി​ൽ ഉ​ൾ​പ്പെ​ടും. 250 മീ​റ്റ​ർ നീ​ള​മു​ള്ള ലോ​ക​ത്തി​ലെ ഏ​റ്റ​വും ഉ​യ​രം കൂ​ടി​യ റ​ണ്ണി​ങ്​ ട്രാ​ക്ക് എ​ന്ന പ​ദ​വി​യും ഈ ​ട​വ​റി​ന് സ്വ​ന്ത​മാ​കും. കൂ​ടാ​തെ എ​ല്ലാ വി​ഭാ​ഗ​ത്തി​ലു​ള്ള അ​ത്‌​ല​റ്റു​ക​ളു​ടെ​യും അ​മ​ച്വ​ർ​മാ​രു​ടെ​യും ആ​വ​ശ്യ​ങ്ങ​ൾ നി​റ​വേ​റ്റു​ന്ന​താ​കും.

ഭി​ന്ന​ശേ​ഷി​ക്കാ​ർ​ക്കു​ള്ള സ്ഥാ​പ​ന​ങ്ങ​ളു​മു​ണ്ടാ​കും. ആ​ധി​കാ​രി​ക​ത​യി​ലും ആ​ധു​നി​ക​ത​യി​ലും ആ​ശ്ര​യി​ക്കു​ന്ന സ​ൽ​മാ​നി​യ വാ​സ്തു​വി​ദ്യ​യു​ടെ ത​ത്ത്വ​ങ്ങ​ളി​ൽ​നി​ന്ന് ഉ​രു​ത്തി​രി​ഞ്ഞ​താ​ണ്​ ഇ​തി​​ന്റെ രൂ​പ​ക​ൽ​പ​ന. റി​യാ​ദ് ന​ഗ​ര​ത്തി​ലെ ഒ​രു പ്ര​ധാ​ന നാ​ഴി​ക​ക്ക​ല്ലാ​യി ഇ​തു​ മാ​റും. 2019 മാ​ർ​ച്ച് 19ന് ​സ​ൽ​മാ​ൻ രാ​ജാ​വ് ​പ്ര​ഖ്യാ​പി​ച്ച റി​യാ​ദ് ന​ഗ​ര​ത്തി​നാ​യു​ള്ള പ്ര​ധാ​ന പ​ദ്ധ​തി​ക​ളി​ലൊ​ന്നാ​ണ് സ്പോ​ർ​ട്സ് ബോ​ളി​വാ​ർ​ഡ്​ പ​ദ്ധ​തി. അ​തി​​ന്റെ ഡ​യ​റ​ക്ട​ർ ബോ​ർ​ഡ് അ​ധ്യ​ക്ഷ​ൻ കി​രീ​ടാ​വ​കാ​ശി​യാ​ണ്. ആ​ഗോ​ള റാ​ങ്കി​ങ്ങി​ൽ റി​യാ​ദ് ന​ഗ​ര​ത്തി​​ന്റെ സ്ഥാ​നം മെ​ച്ച​പ്പെ​ടു​ത്തു​ന്ന​തി​നും ജീ​വി​ക്കാ​ൻ അ​നു​യോ​ജ്യ​മാ​യ ഒ​രു ആ​ഗോ​ള ല​ക്ഷ്യ​സ്ഥാ​ന​മാ​ക്കി മാ​റ്റു​ന്ന​തി​നു​മാ​ണ്​ ഇ​ങ്ങ​നെ​യൊ​രു പ​ദ്ധ​തി ന​ട​പ്പാ​ക്കു​ന്ന​ത്.