സംസ്ഥാന ഹജ്ജ് കമ്മിറ്റി ചെയർമാൻ സി. മുഹമ്മദ് ഫൈസി മദീന സന്ദർശിച്ചു
text_fieldsസംസ്ഥാന ഹജ്ജ് കമ്മിറ്റി ചെയർമാൻ സി. മുഹമ്മദ് ഫൈസി മദീനയിൽ സംസ്ഥാന ഹജ്ജ് നോഡൽ ഓഫിസർ ജാഫർ മാലിക്കുമായി ഒരുക്കം വിലയിരുത്തുന്നു
മാലിക്കുമായി ഒരുക്കം വിലയിരുത്തുന്നു
മാലിക്കുമായി ഒരുക്കം വിലയിരുത്തുന്നു
മദീന: സംസ്ഥാന ഹജ്ജ് കമ്മിറ്റി ചെയർമാനും കേന്ദ്ര ഹജ്ജ് കമ്മിറ്റി അംഗവുമായ സി. മുഹമ്മദ് ഫൈസി മദീന സന്ദർശിച്ചു. കഴിഞ്ഞ ദിവസം മദീനയിൽ എത്തിയ ഇദ്ദേഹം മൂന്നു ദിവസം മദീനയിൽ തങ്ങും. ഈ വർഷത്തെ ഹജ്ജ് തീർഥാടനത്തിനായി ഇന്ത്യയിൽനിന്ന് ഇതിനകം മദീനയിലെത്തിയ തീർഥാടക സംഘത്തെ ചെയർമാൻ സന്ദർശിച്ചു.
ഹജ്ജിനുശേഷം മദീന സന്ദർശനത്തിനെത്തുന്ന മലയാളി തീർഥാടകരുടെ താമസത്തിനായി നിശ്ചയിച്ചിട്ടുള്ള കെട്ടിടങ്ങളിലെ സജ്ജീകരണങ്ങളും അദ്ദേഹം വിലയിരുത്തി.
ഈ വർഷത്തെ ഹജ്ജ് തീർഥാടനവുമായി ബന്ധപ്പെട്ട സേവനങ്ങൾക്ക് സംസ്ഥാന സർക്കാർ പ്രത്യേകമായി ചുമതലപ്പെടുത്തിയ ഹജ്ജ് നോഡൽ ഓഫിസർ ജാഫർ മാലിക്കിനെ മദീനയിൽ നേരിൽ കണ്ട് ഒരുക്കം സംബന്ധിച്ച് അദ്ദേഹം സംസാരിച്ചു.
ഒരുക്കങ്ങളെല്ലാം മികച്ച പുരോഗതിയിലാണെന്നും സംസ്ഥാന ഹജ്ജ് മന്ത്രി വി. അബ്ദുറഹ്മാൻ എല്ലാ ദിവസങ്ങളിലും ബന്ധപ്പെടാറുണ്ടെന്നും അദ്ദേഹം അറിയിച്ചു. ഹാജിമാരെ സേവിക്കാനായി പ്രവർത്തിച്ചുവരുന്ന വിവിധ മലയാളി സന്നദ്ധ സംഘടനകളുടെ പ്രവർത്തനങ്ങൾ അങ്ങേയറ്റം അഭിനന്ദനാർഹമാണെന്നും അദ്ദേഹം അഭിപ്രായപ്പെട്ടു.
സംസ്ഥാനത്തുനിന്നുള്ള ഹജ്ജ് തീർഥാടകരുടെ യാത്ര ഷെഡ്യൂൾ വിവിധ സന്നദ്ധ സംഘടന പ്രതിനിധികൾക്ക് അദ്ദേഹം കൈമാറി.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.