സുഡാൻ തീർഥാടകരുമായി ജിദ്ദ തുറമുഖത്ത്​ ആദ്യ കപ്പലെത്തി

ജിദ്ദ: ഇൗ ഹജ്ജ്​ സീസണിലെ ആദ്യ തീർഥാടക സംഘവുമായി ജിദ്ദ ഇസ്​ലാമിക്​ പോർട്ടിൽ കപ്പൽ അടുത്തു. രണ്ടുകപ്പലുകളാണ്​ ആദ്യദിവസം വന്നത്​. സുഡാനിൽ നിന്നുള്ള മൂദാ, നൂർ എന്നീ കപ്പലുകളിൽ 2,303 തീർഥാടകരാണ്​ ഉണ്ടായിരുന്നത്​. ഹജ്ജ്​ മന്ത്രാലയത്തി​​​െൻറ നേതൃത്വത്തിൽ വിപുലമായ സ്വീകരണം ഒരുക്കിയിരുന്നു. തങ്ങൾക്ക്​ നൽകിയ ഉൗഷ്​മളമായ സ്വീകരണത്തിന്​ സംഘം നന്ദി രേഖപ്പെടുത്തി.

തീർഥാടകർക്ക്​ നടപടിക്രമങ്ങളുടെ ഭാഗമായ ആ​േരാഗ്യ പരിശോധന ആരോഗ്യ മന്ത്രാലയം സ്​ഥാപിച്ച പ്രത്യേക സംവിധാനങ്ങൾ വഴി പൂർത്തിയാക്കി. 
എല്ലാവർക്കും മെനിഞ്ചൈറ്റിസിനും യെല്ലോ ഫീവറിനും എതിരായ പ്രതിരോധ കുത്തിവെപ്പ്​ നൽകിയതായി ആരോഗ്യ കേന്ദ്രം ഡയറക്​ടർ ഡോ. നശ്​വാൻ അബ്​ദുല്ല വ്യക്​തമാക്കി. തീർഥാടകരിൽ കൂടുതൽ വൈദ്യപരിചരണം ആവശ്യമായി വന്ന ചിലരെ ജിദ്ദയിലെ വിവിധ ആശുപത്രികളിലേക്ക്​ മാറ്റി.