സുഡാൻ സമാധാന പാതയിൽ; ഇരുഗ്രൂപ് പ്രതിനിധികളും ജിദ്ദയിൽ ചർച്ച ആരംഭിച്ചു

റി​യാ​ദ്‌: സു​ഡാ​നി​ൽ ആ​ഭ്യ​ന്ത​ര സം​ഘ​ർ​ഷം തു​ട​രു​ന്ന സാ​ഹ​ച​ര്യ​ത്തി​ൽ പ്ര​ശ്ന പ​രി​ഹാ​ര​ത്തി​നാ​യി സു​ഡാ​ൻ സൈ​നി​ക പ്ര​തി​നി​ധി​ക​ളും റാ​പി​ഡ് സ​പ്പോ​ർ​ട്ട് ഫോ​ഴ്‌​സ​സ് പ്ര​തി​നി​ധി​ക​ളും ജി​ദ്ദ​യി​ൽ ഒ​ന്നാം​ഘ​ട്ട ച​ർ​ച്ച ന​ട​ത്തി.

സൗ​ദി, അ​മേ​രി​ക്ക സം​യു​ക്ത ശ്ര​മ​ത്തി​ന്റെ ഭാ​ഗ​മാ​യാ​ണ് സം​ഘ​ർ​ഷ​മേ​ഖ​ല​യി​ലെ സൈ​നി​ക വി​ഭാ​ഗ​ങ്ങ​ളു​ടെ പ്ര​തി​നി​ധി​ക​ൾ പ്രാ​രം​ഭ ച​ർ​ച്ച​ക്കാ​യി എ​ത്തി​യ​ത്. സു​ഡാ​ൻ സൈ​നി​ക മേ​ധാ​വി ജ​ന​റ​ൽ അ​ബ്ദു​ൽ ഫ​ത്താ​ഹ് അ​ൽ ബു​ർ​ഹാ​ന്റെ നേ​തൃ​ത്വ​ത്തി​ലെ സം​ഘ​ത്തി​ൽ മ​റ്റു മു​തി​ർ​ന്ന ര​ണ്ട് ഉ​ദ്യോ​ഗ​സ്ഥ​രും ഒ​രു അം​ബാ​സ​ഡ​റും റാ​പി​ഡ് സ​പ്പോ​ർ​ട്ട് ഫോ​ഴ്സ് ക​മാ​ൻ​ഡ​ർ ജ​ന​റ​ൽ മു​ഹ​മ്മ​ദ് ഹം​ദാ​ന്റെ നേ​തൃ​ത്വ​ത്തി​ൽ മ​റ്റു ര​ണ്ട് മു​തി​ർ​ന്ന ഉ​ദ്യോ​ഗ​സ്ഥ​രു​മാ​ണ് പ​ങ്കെ​ടു​ത്ത​ത്.

സു​ഡാ​ൻ ജ​ന​ത​യു​ടെ താ​ൽ​പ​ര്യം ക​ണ​ക്കി​ലെ​ടു​ക്കാ​നും സം​ഘ​ർ​ഷം അ​വ​സാ​നി​പ്പി​ക്കു​ന്ന​തി​ന് മു​ന്നോ​ടി​യാ​യി വെ​ടി​നി​ർ​ത്ത​ലി​ന് ത​യാ​റാ​കാ​നും ച​ർ​ച്ച​ക​ളി​ൽ സ​ജീ​വ​മാ​യി ഏ​ർ​പ്പെ​ടാ​നും സൗ​ദി​യും അ​മേ​രി​ക്ക​യും സം​യു​ക്ത പ്ര​സ്താ​വ​ന​യി​ൽ ഇ​രു സൈ​നി​ക വി​ഭാ​ഗ​ങ്ങ​ളോ​ടും ആ​വ​ശ്യ​പ്പെ​ട്ടു.

സൗ​ദി വി​ദേ​ശ​കാ​ര്യ മ​ന്ത്രി ഫൈ​സ​ൽ ബി​ൻ ഫ​ർ​ഹാ​നും അ​മേ​രി​ക്ക​ൻ സ്റ്റേ​റ്റ് സെ​ക്ര​ട്ട​റി ആ​ന്റ​ണി ബ്ലി​ങ്ക​നും വെ​ള്ളി​യാ​ഴ്ച ഫോ​ണി​ൽ ച​ർ​ച്ച ന​ട​ത്തി​യി​രു​ന്നു. ത​ങ്ങ​ളു​ടെ ശ്ര​മം സു​ഡാ​ൻ സം​ഘ​ർ​ഷ​ത്തി​ൽ അ​യ​വ് വ​രു​ത്തു​മെ​ന്ന പ്ര​തീ​ക്ഷ ഇ​രു​വ​രും പ്ര​ക​ടി​പ്പി​ച്ചു. വെ​ടി​നി​ർ​ത്ത​ൽ ന​ട​പ്പാ​ക്കു​ന്ന​ത് സു​ഡാ​ൻ ജ​ന​ത​യു​ടെ ക​ഷ്ട​പ്പാ​ട് കു​റ​ക്കു​ക​യും ദു​രി​ത​ബാ​ധി​ത പ്ര​ദേ​ശ​ങ്ങ​ളി​ൽ മാ​നു​ഷി​ക സ​ഹാ​യ​ത്തി​ന്റെ ല​ഭ്യ​ത ഉ​റ​പ്പാ​ക്കു​മെ​ന്നും പ്ര​സ്‌​താ​വ​ന​യി​ൽ ഓ​ർ​മി​പ്പി​ച്ചു. വെ​ടി​നി​ർ​ത്ത​ലി​നും സം​ഘ​ർ​ഷം അ​വ​സാ​നി​പ്പി​ക്കു​ന്ന​തി​നു​മു​ള്ള ച​ർ​ച്ച​ക​ളി​ൽ സ​ജീ​വ​മാ​യി ഏ​ർ​പ്പെ​ടാ​ൻ ഇ​രു ക​ക്ഷി​ക​ളോ​ടും സൗ​ദി, അ​മേ​രി​ക്ക സം​യു​ക്ത പ്ര​സ്താ​വ​ന​യി​ൽ അ​ഭ്യ​ർ​ഥി​ച്ചു. ഇ​രു​കൂ​ട്ട​രും തു​ട​ങ്ങി​വെ​ച്ച സം​ഭാ​ഷ​ണം സം​ഘ​ർ​ഷ​ത്തി​ന്റെ അ​വ​സാ​ന​ത്തി​ലേ​ക്കും സു​ഡാ​നി​ലേ​ക്കു​ള്ള സു​ര​ക്ഷ​യു​ടെ​യും സ്ഥി​ര​ത​യു​ടെ​യും തി​രി​ച്ചു​വ​ര​വി​ലേ​ക്കും ന​യി​ക്കു​മെ​ന്ന് ത​ങ്ങ​ൾ പ്ര​തീ​ക്ഷി​ക്കു​ന്ന​താ​യി സൗ​ദി വി​ദേ​ശ​കാ​ര്യ​മ​ന്ത്രി ഫൈ​സ​ൽ ബി​ൻ ഫ​ർ​ഹാ​ൻ പ​റ​ഞ്ഞു. ച​ർ​ച്ച​ക്ക് ആ​തി​ഥേ​യ​ത്വം വ​ഹി​ച്ച സൗ​ദി അ​റേ​ബ്യ​ക്ക് അ​മേ​രി​ക്ക​ൻ സ്റ്റേ​റ്റ് സെ​ക്ര​ട്ട​റി ആ​ന്റ​ണി ബ്ലി​ങ്ക​ൻ ന​ന്ദി പ​റ​ഞ്ഞു. സം​ഘ​ർ​ഷം അ​വ​സാ​നി​പ്പി​ക്കു​ന്ന​തി​നു​ള്ള പാ​ത​യെ​ന്ന നി​ല​യി​ൽ ഈ ​ച​ർ​ച്ച​യി​ൽ ഗൗ​ര​വ​മാ​യി ഇ​ട​പെ​ട​ണ​മെ​ന്ന് അ​ദ്ദേ​ഹം ഇ​രു പാ​ർ​ട്ടി​ക​ളോ​ടും അ​ഭ്യ​ർ​ഥി​ച്ചു.

ഇ​സ്‌​ലാ​മി​ക രാ​ജ്യ​ങ്ങ​ളു​ടെ കൂ​ട്ടാ​യ്മ​യാ​യ ഒ.​ഐ.​സി​യു​ടെ സെ​ക്ര​ട്ട​റി ജ​ന​റ​ൽ ഹു​സൈ​ൻ ഇ​ബ്രാ​ഹീം താ​ഹ സു​ഡാ​ൻ വി​ഭാ​ഗ​ങ്ങ​ൾ ത​മ്മി​ലു​ള്ള ച​ർ​ച്ച​യെ സ്വാ​ഗ​തം ചെ​യ്തു. സൗ​ദി അ​റേ​ബ്യ, യു.​എ.​ഇ, യു.​കെ, യു.​എ​സ് തു​ട​ങ്ങി​യ രാ​ജ്യ​ങ്ങ​ൾ ഉ​ൾ​പ്പെ​ട്ട ‘ക്വാ​ഡ്’​സ​ഖ്യ​വും ച​ർ​ച്ച​ക​ൾ​ക്ക് സ​ന്ന​ദ്ധ​മാ​യ സു​ഡാ​നീ​സ് ക​ക്ഷി​ക​ളു​ടെ നി​ല​പാ​ടി​നെ സ്വാ​ഗ​തം ചെ​യ്തു. പ്ര​ശ്ന​പ​രി​ഹാ​ര​ത്തി​ന് മു​ന്നോ​ടി​യാ​യി ന​ട​ക്കു​ന്ന വി​പു​ല​മാ​യ ച​ർ​ച്ച​ക്ക് ക്വാ​ഡ് രാ​ജ്യ​ങ്ങ​ൾ അ​ന്താ​രാ​ഷ്ട്ര സ​മൂ​ഹ​ത്തി​ന്റെ പി​ന്തു​ണ അ​ഭ്യ​ർ​ഥി​ച്ചു.

ബു​ധ​നാ​ഴ്ച ദ​ക്ഷി​ണ സു​ഡാ​ൻ പ്ര​ഖ്യാ​പി​ച്ച ഏ​ഴു​ദി​വ​സ​ത്തെ വെ​ടി​നി​ർ​ത്ത​ലി​നെ സൈ​നി​ക മേ​ധാ​വി അ​ൽ ബു​ർ​ഹാ​ൻ അം​ഗീ​ക​രി​ച്ചി​രു​ന്നു. സൗ​ദി, അ​മേ​രി​ക്ക സം​യു​ക്ത ശ്ര​മ​ത്തെ തു​ട​ർ​ന്ന് റാ​പി​ഡ് സ​പ്പോ​ർ​ട്ട് ഫോ​ഴ്സ് മേ​ധാ​വി അ​ൽ ഹം​ദാ​ൻ മൂ​ന്നു​ദി​വ​സ​ത്തേ​ക്ക് കൂ​ടി വെ​ടി​നി​ർ​ത്ത​ൽ നീ​ട്ടു​ന്ന​താ​യി വെ​ള്ളി​യാ​ഴ്ച പ്ര​ഖ്യാ​പി​ച്ചി​രു​ന്നു.

ക​ഴി​ഞ്ഞ​മാ​സം 15ന് ​ഏ​റ്റു​മു​ട്ട​ൽ ആ​രം​ഭി​ച്ച ശേ​ഷം ചി​ല താ​ൽ​ക്കാ​ലി​ക വെ​ടി​നി​ർ​ത്ത​ലു​ക​ൾ പ്ര​ഖ്യാ​പി​ച്ചെ​ങ്കി​ലും പ​ല​തും ലം​ഘി​ച്ചു. സു​ഡാ​ൻ സം​ഘ​ർ​ഷ​ത്തി​ൽ ഇ​തു​വ​രെ 550 പേ​ർ കൊ​ല്ല​പ്പെ​ടു​ക​യും ആ​യി​ര​ക്ക​ണ​ക്കി​ന് ആ​ളു​ക​ൾ​ക്ക് പ​രി​ക്കേ​ൽ​ക്കു​ക​യും ചെ​യ്തി​ട്ടു​ണ്ട്. ഏ​ക​ദേ​ശം അ​ര ല​ക്ഷ​ത്തോ​ളം പേ​ർ സു​ഡാ​നി​ൽ നി​ന്നും പ​ലാ​യ​നം ചെ​യ്ത​താ​യും സു​ഡാ​നീ​സ് സ​ർ​ക്കാ​ർ സ്ഥി​തി​വി​വ​ര​ക്ക​ണ​ക്കു​ക​ളും ഐ​ക്യ​രാ​ഷ്ട്ര​സ​ഭ​യും പ​റ​യു​ന്നു.