സൗദിയിൽ നിന്ന്​ വിദേശികൾ അയക്കുന്ന പണത്തിന്​ നികുതി വന്നേക്കും

റിയാദ്​: സൗദി അറേബ്യയിൽ നിന്ന്​ വിദേശികൾ അയക്കുന്ന പണത്തിന്​ നികുതി ഏർപ്പെടുത്താനുള്ള നിർദേശം ശൂറാ കൗൺസിലി​​​െൻറ സജീവ പരിഗണനയിലെന്ന്​ അൽറിയാദ്​ പത്രം റിപ്പോർട്ട്​ ചെയ്​തു. ഇത്​ സംബന്ധിച്ച്​ ശൂറാ കൗൺസിൽ സാമ്പത്തികാര്യ സമിതി മുന്നോട്ടുവെച്ച നിർദേശം അടുത്ത ബുധനാഴ്​ച ചേരുന്ന യോഗം ചർച്ച ചെയ്യും. രാജ്യത്തി​​​െൻറ സാമ്പത്തിക സ്ഥിതിയെ ദോഷകരമായി ബാധിക്കുന്ന വിദേശ തൊഴിലാളികളുമായി ബന്ധപ്പെട്ട വിഷയങ്ങളിൽ പഠനം നടത്തി​ സാമ്പത്തികാര്യ സമിതി തയാറാക്കിയ പ്രശ്​നപരിഹാര റിപ്പോർട്ടിലെ 12 നിർദേശങ്ങളിൽ ഒന്നാണ് നികുതി. ജനറൽ ഒാഡിറ്റ്​ ബ്യൂറോ മേധാവിയും ശൂറാ കൗൺസിൽ മുൻ അംഗവുമായ ഹുസാം അൽഅൻകരി തയാറാക്കിയ റിപ്പോർട്ടാണ്​​ ശൂറാ കൗൺസിൽ പരിഗണിക്കുന്നത്​.

രാജ്യത്തുള്ള വിദേശ തൊഴിലാളികളുടെ വരുമാനത്തിൽ ഏറിയ പങ്കും സൗദിയിൽ തന്നെ ചെലവഴിക്കുന്നതിനെ പ്രോത്സാഹിപ്പിക്കുക, പാർട്ട്​ ടൈം ജോലികൾ ചെയ്​ത്​ വിദേശികൾ അനധികൃതമായി വരുമാനമുണ്ടാക്കുന്നത്​ നിയന്ത്രിക്കുക, ബിനാമി വ്യാപാര ഇടപാടുകൾ അവസാനിപ്പിക്കുക തുടങ്ങിയ 12 ഇന നിർദേശങ്ങളിൽ പ്രധാനപ്പെട്ടതാണ്​ വിദേശ വിനിമയത്തിന്​ ലെവി ഏർപ്പെടുത്തൽ. വിദേശികളുടെ പാട്ട്​ ടൈം ജോലികൾ നിയന്ത്രിക്കുന്നതിലൂടെ പുതിയ തൊഴിൽ അവസരങ്ങൾ സംജാതമാകുമെന്നും റിപ്പോർട്ടിൽ പറയുന്നു. ഇൗ റിപ്പോർട്ടിലെ നിർദേശങ്ങൾ നടപ്പാക്കിയാൽ രാജ്യത്തി​​​െൻറ സാമ്പത്തികസ്ഥിതിക്ക്​ ഗുണകരമാകും. വിദേശികൾ അനധികൃതമായി സമ്പാദിക്കുന്നതും വരുമാനം മുഴുവൻ നാടുകളിലേക്ക്​ അയക്കുന്നതും രാജ്യത്തി​​​െൻറ സാമ്പത്തിക സ്ഥിതിയെ പ്രതികൂലമായി ബാധിക്കുന്നുവെന്നാണ് വിലയിരുത്തൽ. 

കൗൺസിൽ യോഗത്തി​​​െൻറ പൊതുചർച്ചക്ക്​ വെയ്​ക്കും മുമ്പ്​ ചൊവ്വാഴ്​ച ജുഡീഷ്യൽ സമിതി റിപ്പോർട്ട്​ പൂർണമായും പരിശോധിക്കും. തുടർന്ന്​ ബുധനാഴ്​ച കൗൺസിൽ അംഗം ഫഹദ്​ ഹമൂദ്​ അൽഅനസി റിപ്പോർട്ട്​ കൗൺസിലിന്​ മുമ്പാകെ അവതരിപ്പിക്കും. റിപ്പോർട്ടിന്​ അനുകൂലമായി ശൂറാ കൗൺസിൽ​ തീരുമാനമെടുത്താൽ ഫലം രാജ്യത്തുള്ള മുഴുവൻ വിദേശ തൊഴിലാളികൾക്കും പ്രതികൂലമാകും. തൊഴിൽ രംഗത്തെ സ്വദേശിവത്​കരണവും വിവിധ ലെവികളും മൂലം നേരിക്കുകൊണ്ടിരിക്കുന്ന പ്രതിസന്ധിയുടെ ആഴം വർധിക്കാനിടയാകും. നിലവിലുള്ള മൂല്യ വർധിത നികുതി വി​േദശത്തേക്ക്​ പണമയക്കുന്നതിനുള്ള ബാങ്ക്​​ ഫീസിനാണ്​. അഞ്ച്​ ശതമാനം നികുതിയാണ്​ ഇൗയിനത്തിൽ നൽകുന്നത്​. പുതിയ നികുതി വന്നാൽ അയക്കുന്ന പണത്തിനും കൂടി നൽകേണ്ടി വരും.