സൗ​ദി​യി​ൽ​ താപനില താഴ്ന്നു, പലഭാഗത്തും മൂടൽമഞ്ഞ്

യാം​ബു: സൗ​ദി​യി​ൽ ത​ണു​പ്പു​കാ​ലം ക​ടു​ക്കു​ന്നു. മി​ക്ക​യി​ട​ങ്ങ​ളി​ലും താ​പ​നി​ല താ​ഴ്ന്നു. ചി​ല മേ​ഖ​ല​ക​ളി​ൽ മൂ​ട​ൽ​മ​ഞ്ഞ് ശ​ക്ത​മാ​യി. വാ​ഹ​ന​മോ​ടി​ക്കു​ന്ന​വ​ർ ജാ​ഗ്ര​ത പാ​ലി​ക്ക​ണ​മെ​ന്ന് സി​വി​ൽ ഡി​ഫ​ൻ​സ് അ​തോ​റി​റ്റി മു​ന്ന​റി​യി​പ്പ് ന​ൽ​കി. താ​പ​നി​ല താ​ഴു​ന്ന​ത് തു​ട​രു​ന്ന​തി​നാ​ൽ രാ​ത്രി​കാ​ല​ങ്ങ​ളി​ൽ കൂ​ടു​ത​ൽമൂ​ട​ൽ മ​ഞ്ഞ് രൂ​പ​പ്പെ​ടാ​ൻ സാ​ധ്യ​ത​യു​ണ്ടെ​ന്നും ദേ​ശീ​യ കാ​ലാ​വ​സ്ഥ കേ​ന്ദ്രം അ​റി​യി​ച്ചു. മ​ക്ക, മ​ദീ​ന മേ​ഖ​ല​ക​ളി​ൽ വ​രും ദി​വ​സ​ങ്ങ​ളി​ൽ പൊ​ടി​ക്കാ​റ്റി​ന്​ സാ​ധ്യ​ത​യു​ണ്ട്.

ദൂ​ര​ക്കാ​ഴ്ച കു​റ​യു​മെ​ന്ന​തി​നാ​ൽ വാ​ഹ​ന​മോ​ടി​ക്കു​ന്ന​വ​ർ ശ്ര​ദ്ധ പു​ല​ർ​ത്ത​ണ​മെ​ന്നും കേ​ന്ദ്രം അ​റി​യി​ച്ചു. ജീ​സാ​ൻ, അ​സീ​ർ, അ​ൽ​ബാ​ഹ, ത​ബൂ​ക്ക് എ​ന്നി​വി​ട​ങ്ങ​ളി​ലെ ഉ​യ​ർ​ന്ന പ്ര​ദേ​ശ​ങ്ങ​ളി​ൽ രാ​ത്രി​യി​ലും പു​ല​ർ​ച്ചെ​യി​ലും മൂ​ട​ൽ​മ​ഞ്ഞ് ശ​ക്തി​പ്പെ​ടാ​ൻ സാ​ധ്യ​ത​യു​ണ്ട്. നി​ല​വി​ൽ ത​ബൂ​ക്കി​ലെ പ​ർ​വ​ത​നി​ര​ക​ളി​ൽ മ​ഞ്ഞു​വീ​ഴ്​​ച​യു​ണ്ടാ​യി​ട്ടു​ണ്ട്. അ​ൽ​ജൗ​ഫ്, ത​ബൂ​ക്ക്, ഹാ​ഇ​ൽ എ​ന്നി​വി​ട​ങ്ങ​ളി​ൽ ത​ണു​പ്പും മൂ​ട​ൽ​മ​ഞ്ഞും ശ​ക്തി​പ്പെ​ടു​ക​യാ​ണ്. ത​ബൂ​ക്ക് മേ​ഖ​ല​യി​ലെ താ​ഴ്വ​ര​ക​ളും മ​ല​നി​ര​ക​ളും മ​ഞ്ഞു​പു​ത​ച്ച് മ​നോ​ഹ​ര കാ​ഴ്ച സ​മ്മാ​നി​ച്ചു. വ​രും ദി​വ​സ​ങ്ങ​ളി​ൽ ചെ​ങ്ക​ട​ലി​ലെ വ​ട​ക്കു​പ​ടി​ഞ്ഞാ​റ് ദി​ശ​യി​ൽ ഉ​പ​രി​ത​ല കാ​റ്റി​​ന്റെ ച​ല​നം മ​ണി​ക്കൂ​റി​ൽ 15 മു​ത​ൽ 45 കി​ലോ​മീ​റ്റ​ർ വേ​ഗ​ത​യി​ലാ​യി​രി​ക്കും. ചെ​ങ്ക​ട​ലി​ലെ തി​ര​മാ​ല​ക​ളു​ടെ ഉ​യ​രം ഒ​ന്ന് മു​ത​ൽ ര​ണ്ട് മീ​റ്റ​ർ വ​രെ​യാ​വും. മ​ധ്യ​ഭാ​ഗ​ത്ത് ര​ണ്ട​ര മീ​റ്റ​റി​ലെ​ത്തു​മെ​ന്നും കാ​ലാ​വ​സ്ഥ റി​പ്പോ​ർ​ട്ട് സൂ​ചി​പ്പി​ച്ചു.

അ​റേ​ബ്യ​ൻ ഉ​ൾ​ക്ക​ട​ലി​ലെ ഉ​പ​രി​ത​ല കാ​റ്റി​​ന്റെ ച​ല​നം വ​ട​ക്കു​പ​ടി​ഞ്ഞാ​റാ​യി മ​ണി​ക്കൂ​റി​ൽ 20 മു​ത​ൽ 50 വ​രെ കി​ലോ​മീ​റ്റ​ർ വേ​ഗ​ത​യി​ലാ​കു​മെ​ന്നും കേ​ന്ദ്രം മു​ന്ന​റി​യി​പ്പ് ന​ൽ​കി.

ശൈ​ത്യ​കാ​ല​ത്തി​​ന്റെ വ​ര​വോ​ടെ സൗ​ദി​യി​ൽ വി​വി​ധ പ്ര​ദേ​ശ​ങ്ങ​ളി​ൽ കാ​ലാ​വ​സ്ഥ​യി​ൽ വ​ലി​യ മാ​റ്റ​ങ്ങ​ൾ പ്ര​ക​ട​മാ​ണ്. പൊ​തു​വെ സു​ഖ​ക​ര​മാ​യ കാ​ലാ​വ​സ്ഥ​യാ​ണ് ഇ​നി മു​ത​ൽ മൂ​ന്നു​മാ​സം രാ​ജ്യ​ത്ത് അ​നു​ഭ​വ​പ്പെ​ടു​ക.