ഖത്തീഫിൽ  വന്‍ ഭീകര വേട്ട; ​ മൂന്ന്​ പേർ കൊല്ലപ്പെട്ടു 

ദമ്മാം: കിഴക്കൻ സൗദിയിലെ ദമ്മാമിനടുത്ത്​ സൈഹാത്തിൽ വന്‍ തീവ്രവാദ വേട്ട. സുരക്ഷാസേനയുമായുള്ള ഏറ്റുമുട്ടലില്‍ മൂന്ന്​​ തീവ്രവാദികൾ കൊല്ലപ്പെട്ടു. മോഷ്​ടിച്ച വാഹനത്തിലെത്തി സുരക്ഷാ ഉദ്യോഗസ്​ഥർക്കുനേരെ വെടിയുതിർത്ത സംഘത്തിന്​ നേരെ സുരക്ഷാ ഉദ്യോഗസ്​ഥർ തിരിച്ചടിച്ചു. ഇതേ തുടർന്നുണ്ടായ ഏറ്റുമുട്ടലിലാണ്​ മൂവരും കൊല്ലപ്പെട്ടത്​. പൊതു സ്വത്ത് നശിപ്പിക്കല്‍, സാധാരണക്കാർക്ക്​ നേരെ അക്രമം അഴിച്ചുവിടല്‍, രാജ്യവിരുദ്ധ പ്രവര്‍ത്തനങ്ങളില്‍ ഏര്‍പ്പെടല്‍ തുടങ്ങിയ വിവിധ തരത്തിലുള്ള ക്രിമിനല്‍ കേസുകളില്‍ സുരക്ഷാ വിഭാഗം തിരയുന്നവരാണ്​ സംഘത്തിലുണ്ടായിരുന്നത്​. സ്വദേശി പൗരൻമാരായ ജഅ്​ഫർ ഇബ്​ൻ ഹസൻ അൽമക്കി അൽ മുബൈരിക്ക്​, സാദിഖ്​ അബ്​ദുല്ല മഹ്​ദി ആൽ ദർവീശ്​ എന്നിവരും ബഹ്​റൈനി സ്വദേശിയായ ഹസൻ മഹ്​മൂദ്​ അബൂ അബ്​ദുല്ല എന്നയാളുമാണ്​ കൊല്ലപ്പെട്ടത്​. 

ഖത്തീഫിലെ സൈഹാത്തിനടുത്ത്​ അൽസുഹൂർ ഏരിയയിലാണ്​ സംഭവം. സുരക്ഷാ വിഭാഗത്തി​​​​െൻറ പ്രത്യേക സേനയുടെ നേതൃത്വത്തിൽ സ്​ഥലത്ത്​ സുരക്ഷ വർധിപ്പിച്ചിട്ടുണ്ട്​. മോഷ്​ടിച്ച ടയോട്ട കൊറോളയിൽ, വ്യാജ നമ്പർ ​േപളറ്റ്​ പതിച്ച്​ എത്തിയാണ്​ സംഘം ആക്രമണം അഴിച്ചുവിട്ടത്​. ഇൗ വാഹനത്തിൽ നിന്ന്​ പത്ത്​ കിലോയോളം വരുന്ന സ്​ഫോടക വസ്​തുക്കളും ആയുധ ശേഖരവും കണ്ടെത്തി. യന്ത്രത്തോക്കുകൾ, വെടിമരുന്ന്​, സ്​ഫോടക വസ്​തുക്കൾ എന്നിവയാണ്​ കണ്ടെത്തിയത്​. റാഇദ്​ ഉബൈദ്​ അൽമു​ൈതരി, സാമി അൽഹർബി, അബ്​ദുസ്സലാം സിയാഹ്​ അൽഅനസി, മൂസ അലി അൽഖിബ്ബി, നവാഫ്​ മിഹ്​മാസ്​ അൽഉതൈബി, ഹസൻ സഹ്​ലൂലി, മുഫറിഹ്​ അൽസിബൈഹി, സുൽത്വാൻ അൽമുതൈരി, മൂസ അൽശറാറി, ഫഹദ്​ അൽറുവൈലി തുടങ്ങി കഴിഞ്ഞ ഏതാനും മാസങ്ങളിലായി വീരമൃത്യു വരിച്ച സുരക്ഷാ ഉദ്യോഗസ്​ഥരെ വധിച്ച കേസിൽ ആഭ്യന്തര മന്ത്രാലയം തിരയുന്ന കൊടും കുറ്റവാളികളാണ്​ ​കൊല്ലപ്പെട്ടത്​. സൈനിക ഒാപ്പറേഷനിൽ സുരക്ഷ​േസനാംഗങ്ങൾക്കാർക്കും പരിക്കേറ്റിട്ടില്ല. ഭീകര സംഘങ്ങൾക്കായി കർശന പരിശോധന തുടരുമെന്ന്​ അധിക​ൃതർ വ്യക്​തമാക്കി.