അൽസലാം കൊട്ടാരത്തിന്​ സമീപത്തെ ഭീകരാക്രമണം: വിവിധ രാജ്യങ്ങൾ അപലപിച്ചു

ജിദ്ദ: ജിദ്ദ അൽ സലാം കൊട്ടാരത്തിന്​ സമീപം നടന്ന ഭീകരാക്രമണത്തെ വിവിധ രാജ്യങ്ങളും സംഘടനകളും അപലപിക്കുകയും വീരമൃത്യ വരിച്ച സുരക്ഷാ ഉദ്യോഗസ്​ഥർക്ക്​  അനുശോചനമർപ്പിക്കുകയും ചെയ്​തു. ഒമാൻ, കുവൈത്ത്​, ബഹ്​റൈൻ എന്നീ രാജ്യങ്ങൾ സംഭവത്തെ അപലപിച്ചു. 
ഒ.​െഎ.സി, ഇസ്​ലാമിക്​ എജ്യുക്കേഷനൽ സയിൻറിഫിക്​ ആൻറ്​ കൾച്ചറൽ ഒാർഗനൈസേഷൻ എന്നിവയും ആക്രമണത്തെ  ശക്​തമായി അപലപിച്ചു. 
അതിനിടെ ജിദ്ദയിലെ അൽസലാം കൊട്ടാരത്തിന്​ സമീപം  കാറിലെത്തിയ  അക്രമി വെടിയുതിർത്ത സംഭവത്തി​​െൻറ വീഡിയോ ദൃശ്യമുൾപെടെ ചിത്രങ്ങൾ ആഭ്യന്തര മന്ത്രാലയം പുറത്തുവിട്ടു. ഹമ്മാദ്​ അൽ മുതൈരി, അബ്​ദുല്ല അസുബൈഇ എന്നിവരാണ്​ ശനിയാഴ്​ച പുലർച്ചെയുണ്ടായ വെടിവെപ്പിൽ മരിച്ചത്​. 

മൂന്ന്​ സുരക്ഷ ഉ​േദ്യാഗസ്​ഥർക്ക്​  പരിക്കേൽക്കുകയും ചെയ്​തിരുന്നു. സൗദി സ്വദേശിയായ മൻസൂർ അൽ ആമിരി (28)  ആണ്​ കാറിൽ നിന്നിറങ്ങി നടന്ന്​ വന്ന്​ വെടിവെച്ചത്​. അക്രമിയെ സുരക്ഷാസേന വെടിവെച്ചുകൊന്നു.ശനിയാഴ്​ച പുലർച്ചെ  അൽസലാം കൊട്ടാരത്തി​​െൻറ പടിഞ്ഞാറെ ഗേറ്റിനടുത്തായിരുന്നു സംഭവം. 
എച്ച്​.എഫ്​.സി 6081ഹ്യുണ്ടായി കാറിലാണ്​ പ്രതി എത്തിയത്​. കാറിൽ നിന്ന്​ ബോംബുകളും തോക്കും കണ്ടെടുത്തു. സംഭവത്തെ കുറിച്ച്​ ആഭ്യന്തരമന്ത്രാലയം കൂടുതൽ അന്വേഷണം  നടത്തി വരികയാണ്​. 

ഹമാത്​ അൽ മുതൈരി എന്ന സുരക്ഷാ ഉദ്യോഗസ്​ഥ​​െൻറ കുടുംബം റിയാദിലാണ്​. കുടുംബത്തെ കാണാൻ പോകുന്ന ആവശ്യാർഥം അദ്ദേഹം ഡ്യൂട്ടി സമയം സഹപ്രവർത്തകനുമായി അഡ്​ജസ്​റ്റ്​ ചെയ്​ത്​ നേരത്തെ ആക്കിയതായിരുന്നു. മൂന്ന്​ ആൺ മക്കളാണ്​ ഹമ്മാദ്​ അൽ മുതൈരിക്ക്​. ഇളയ മകന്​ അഞ്ച്​ മാസം പ്രായമായി​േട്ടയുള്ളൂ. കുട്ടികളെ കാണാൻ ഒരു ദിവസം നേരത്തെ വീട്ടിലെത്താനുള്ള ഒരുക്കത്തിനിടയിലാണ്​ അദ്ദേഹം വീര മൃത്യു വരിച്ചത്​.