മൂന്നാമത് ജി.സി.സി ഓപൺ ജൂനിയർ ബാഡ്മിൻറൺ ടൂർണമെൻറിന്​ തുടക്കം

റിയാദ്​: സൗദി അറേബ്യയിലെ പ്രമുഖ ബാഡ്മിൻറൺ സംഘടനയായ സിൻമാർ ബാഡ്മിൻറൺ ഗ്രൂപ് (എസ്.ബി.ജി) സംഘടിപ്പിക്കുന്ന ജി.സി.സി ഓപൺ ജൂനിയർ ബാഡ്മിൻറൺ ടൂർണമെൻറിന്​ റിയാദിൽ തുടക്കമായി.

വ്യാഴാഴ്​ച ആരംഭിച്ച ടൂർണമെൻറ്​ വെള്ളി, ശനി ദിവസങ്ങളിലും തുടരും. വ്യത്യസ്ത പ്രായവിഭാഗങ്ങളിലായി പ്രത്യേകം ഗ്രൂപ്പുകൾ തിരിച്ച് ആൺകുട്ടികളും പെൺകുട്ടികളും മത്സരങ്ങളിൽ പ​ങ്കെടുക്കുന്നു. സിംഗിൾസ്, ഡബിൾസ്, മിക്സഡ് ഡബിൾസ് എന്നിങ്ങനെയാണ്​ മത്സരങ്ങൾ. വിജയികൾക്ക് കാഷ് അവാർഡും സർട്ടിഫിക്കറ്റുകളും സമ്മാനിക്കും.

മുൻ വർഷങ്ങളിലെ ആവേശകരമായ പ്രതിനിധ്യവും പങ്കാളിത്തവും ഇത്തവണയുമുണ്ട്​. ഈ വർഷം മുഖ്യാതിഥിയായി ഇന്ത്യൻ എംബസി ഡെപ്യൂട്ടി ചീഫ് ഒഫ് മിഷൻ ഡോ. അബു മാത്തൻ ജോർജ്​ പ​ങ്കെടുക്കും. എംബസി സെക്കൻഡ് സെക്രട്ടറി (ലേബർ) ഭഗവാൻ സഹായ്‌ മീണയും പ​ങ്കെടുക്കും