സൗദിയിൽ ഉപരിപഠനത്തിനുള്ള സൗകര്യങ്ങൾ ഏർപ്പെടുത്താൻ കേന്ദ്രസർക്കാർ തയ്യാറാകണം -നവയുഗം

അൽഖോബാർ: സൗദി അറേബ്യയിൽ ഇന്ത്യൻ വിദ്യാർഥികൾക്ക് പ്ലസ്ടൂവിനുശേഷം ഉപരിപഠനത്തിനുള്ള സൗകര്യങ്ങൾ ഏർപ്പെടുത്താൻ വേണ്ടി നയപരമായ തീരുമാനങ്ങൾ എടുത്ത് നടപ്പാക്കാൻ കേന്ദ്രസർക്കാർ തയ്യാറാകണമെന്ന് നവയുഗം സാംസ്ക്കാരികവേദി ഖോബാർ ഷമാലിയ യൂനിറ്റ് കൺവെൻഷൻ പ്രമേയത്തിലൂടെ ആവശ്യപ്പെട്ടു.

യൂനിറ്റ് കമ്മിറ്റിക്ക്​ പുതിയ ഭാരവാഹികളെ തെരഞ്ഞെടുത്തു. ഖോബാർ ഷമാലിയയിൽ നടന്ന യൂനിറ്റ് കൺവെൻഷനിൽ വെച്ചാണ് പുതിയ ഭാരവാഹികളെ തെരഞ്ഞെടുത്തത്. ശ്യാം തങ്കച്ച​ൻ അധ്യക്ഷത വഹിച്ചു. യൂനിറ്റ് കൺവെൻഷൻ കേന്ദ്ര ജനറൽ സെക്രട്ടറി എം.എ. വാഹിദ് കാര്യറ ഉദ്​ഘാടനം ചെയ്തു.

മേഖല സെക്രട്ടറി ബിജു വർക്കി, മേഖല രക്ഷാധികാരി അരുൺ ചാത്തന്നൂർ എന്നിവർ സംസാരിച്ചു. പുതിയ ഭാരവാഹികളായി ശ്യാം തങ്കച്ചൻ (രക്ഷാധികാരി), ലാലു ദിവാകരൻ (പ്രസി.), സജി അച്യുതൻ (സെക്ര.), മുഹമ്മദ് അനസ് (ട്രഷ.), ജയകുമാർ (ജോ. സെക്ര.) എന്നിവരാണ്​ പുതിയ ഭാരവാഹികൾ.