സൗദി അറേബ്യ കൺസൾട്ടിങ്​ മേഖലയും തൊഴിലുകളും സ്വദേശിവത്​കരിക്കും

ജിദ്ദ: സൗദി അറേബ്യയിൽ കൺസൾട്ടിങ്​ മേഖലയും തൊഴിലുകളും സ്വ​ദേശിവൽക്കരിക്കുമെന്ന്​ മാനവ വിഭവശേഷി -സാമൂഹിക വികസന മന്ത്രി അഹ്​മദ്​ അൽറാജിഹി പ്രഖ്യാപിച്ചു​.

ധനമന്ത്രാലയം, ലോക്കൽ കണ്ടൻറ്​ അതോറിറ്റി, സ്‌പെൻഡിങ്​ എഫിഷ്യൻസി അതോറിറ്റി, ഹദഫ് ഫണ്ട് എന്നിവയുമായി സഹകരിച്ചാണ് കൺസൾട്ടിങ്​ രംഗവും ആ മേഖലയിലെ തൊഴിലുകളും സ്വദേശിവത്​കരിക്കാൻ തീരുമാനിച്ചതെന്നും​ മന്ത്രി ട്വീറ്റ്​ ചെയ്​തു.

സ്വദേശി സ്ത്രീ-പുരുഷന്മാർക്ക്​ മികച്ച തൊഴിലവസരങ്ങൾ ഒരുക്കുക, തൊഴിൽ വിപണിയിൽ അവരുടെ പങ്കാളിത്തവും നിലവാരവും ഉയർത്തുക, സാമ്പത്തിക വ്യവസ്ഥിതിയിൽ അവരുടെ സംഭാവന വർധിപ്പിക്കുക എന്നിവ ലക്ഷ്യമിട്ടാണിതെന്നും മന്ത്രി പറഞ്ഞു.