റിയാദ്​ നഗരത്തിലെ പഴയ കെട്ടിടങ്ങളുടെ കണക്കെടുപ്പ്​ ആദ്യഘട്ടം പൂർത്തിയായി

റി​യാ​ദ്​: സൗ​ദി ത​ല​സ്ഥാ​ന​ന​ഗ​ര​ത്തി​ലെ 73 മു​ത​ൽ 23 വ​രെ വ​ർ​ഷം പ​ഴ​ക്ക​മു​ള്ള കെ​ട്ടി​ട​ങ്ങ​ളു​ടെ ക​ണ​ക്കെ​ടു​പ്പ്​ ആ​ദ്യ​ഘ​ട്ടം പൂ​ർ​ത്തി​യാ​യി. 1950നും 2000​ത്തി​നു​മി​ട​യി​ൽ നി​ർ​മി​ച്ച കെ​ട്ടി​ട​ങ്ങ​ളു​ടെ ക​ണ​ക്കെ​ടു​ക്കു​ക​യും അ​വ​യു​ടെ ച​രി​ത്ര​വും വി​വി​ധ വി​വ​ര​ങ്ങ​ളും രേ​ഖ​പ്പെ​ടു​ത്തു​ക​യും ചെ​യ്യു​ന്ന പ​ദ്ധ​തി റി​യാ​ദ്​ മു​നി​സി​പ്പാ​ലി​റ്റി​യാ​ണ്​ ന​ട​ത്തു​ന്ന​ത്.

റി​യാ​ദ്​ ന​ഗ​ര​ത്തി​ലെ വാ​സ്തു​വി​ദ്യ​യു​ടെ​യും ന​ഗ​ര​വി​ക​സ​ന​ത്തി​​ന്റെ​യും ഘ​ട്ട​ങ്ങ​ൾ നി​രീ​ക്ഷി​ക്കാ​നും രേ​ഖ​പ്പെ​ടു​ത്താ​നും ആ ​കാ​ല​ഘ​ട്ട​ത്തി​ൽ റി​യാ​ദ് സാ​ക്ഷ്യം​വ​ഹി​ച്ച വ്യ​തി​രി​ക്ത​മാ​യ വി​ക​സ​ന ന​വോ​ത്ഥാ​ന​ത്തെ എ​ടു​ത്തു​കാ​ട്ടാ​നും വേ​ണ്ടി​യാ​ണി​ത്. പ​ദ്ധ​തി​യു​ടെ 50 ശ​ത​മാ​നം ഘ​ട്ട​ങ്ങ​ളും പൂ​ർ​ത്തി​യാ​ക്കി​യ​താ​യി മു​നി​സി​പ്പാ​ലി​റ്റി വ്യ​ക്ത​മാ​ക്കി.

ഇ​ത്​ റി​യാ​ദ്​ ഗ​വ​ർ​ണ​റാ​യി​രു​ന്ന കാ​ല​യ​ള​വി​ൽ സ​ൽ​മാ​ൻ രാ​ജാ​വി​െൻറ സ്വാ​ധീ​നം എ​ടു​ത്തു കാ​ണി​ക്കു​ന്ന​താ​ണ്.​ ച​രി​ത്ര​പ​ര​മാ​യ മൂ​ല്യ​മു​ള്ള ഏ​റ്റ​വും പ്ര​ധാ​ന ന​ഗ​ര ലാ​ൻ​ഡ്‌​മാ​ർ​ക്കു​ക​ളും സാം​സ്കാ​രി​ക​വും സാ​മൂ​ഹി​ക​വു​മാ​യ മാ​ന​ങ്ങ​ളു​മു​ള്ള കെ​ട്ടി​ട​ങ്ങ​ളും രേ​ഖ​പ്പെ​ടു​ത്തി​യ​തി​ലു​ൾ​പ്പെ​ടും. ഇൗ ​സ്​​മാ​ര​ക​ങ്ങ​ൾ സം​ര​ക്ഷി​ക്കു​ന്ന​തി​നും അ​തി​ൽ നി​ക്ഷേ​പി​ക്കു​ന്ന​തി​നു​മു​ള്ള സം​വി​ധാ​നം ക​ണ്ടെ​ത്തു​ന്ന​തി​നാ​ണ്​ ക​ണ​ക്കെ​ടു​പ്പ്​ ന​ട​ത്തി​യ​ത്. സൗ​ദി അ​റേ​ബ്യ​യു​ടെ പൈ​തൃ​കം സം​ര​ക്ഷി​ച്ചു​കൊ​ണ്ട് രാ​ജ്യ​ത്തി​​ന്റെ വി​ഷ​ൻ 2030​െൻ​റ ല​ക്ഷ്യ​ങ്ങ​ൾ​ക്ക് അ​നു​സൃ​ത​മാ​യാ​ണെ​ന്നും റി​യാ​ദ്​ മു​നി​സി​പ്പാ​ലി​റ്റി വ്യ​ക്ത​മാ​ക്കി.