തുർക്കി ഉൽപ്പന്നങ്ങൾ ബഹിഷ്കരിക്കണമെന്ന് സൗദി ചേംബർ ഓഫ് കൊമേഴ്‌സ് മേധാവി

ജിദ്ദ: ഇറക്കുമതി, നിക്ഷേപം, ടൂറിസം തുടങ്ങി എല്ലാ മേഖലകളിലും തുർക്കി ഉൽപ്പന്നങ്ങൾ ബഹിഷ്​കരിക്കണമെന്ന് കൗൺസിൽ ഓഫ് സൗദി ചേംബർ ഓഫ് കൊമേഴ്‌സ് മേധാവി അജ്‌ലാൻ അൽ അജ്‌ലാൻ ആഹ്വാനം ചെയ്തു. 'രാജ്യത്തിനും ഭരണകർത്താക്കൾക്കും പൗരന്മാർക്കുമെതിരെ തുർക്കി സർക്കാറി​െൻറ തുടർച്ചയായ പ്രതികരണങ്ങൾക്ക് പകരം തുർക്കി ഉൽപ്പന്നങ്ങളെല്ലാം ബഹിഷ്‌കരിക്കേണ്ടത് ഓരോ പൗര​െൻറയും വ്യാപാരിയുടെയും ഉപഭോക്താവി​െൻറയും ഉത്തരവാദിത്തമാണ്' ^അജ്‌ലാൻ ത​െൻറ ട്വിറ്ററിൽ കുറിച്ചു.

തുർക്കി ഉൽപ്പന്നങ്ങൾ ഇറക്കുമതി ചെയ്യുക, തുർക്കിയിൽ നിക്ഷേപങ്ങൾ നടത്തുക, ടൂറിസത്തി​െൻറ ഭാഗമായി തുർക്കി സന്ദർശിക്കുക എന്നിവ ഒഴിവാക്കാണണമെന്നാണ് ആഹ്വാനം. തുർക്കി പ്രസിഡൻറ്​ റജബ് ത്വയ്യിബ് ഉർദുഗാൻ നടത്തിയ ഗൾഫ് വിരുദ്ധ പ്രസ്താവനയിൽ വ്യാപക പ്രതിഷേധം ഉയരുന്നതിനിടെയാണ് സൗദി ചേംബർ ഓഫ് കൊമേഴ്‌സ് മേധാവിയുടെ ആഹ്വാനം.

'ഉർദുഗാൻ, താങ്കൾ വായ അടക്കൂ' എന്ന ശീർഷകത്തിൽ സൗദി പൗരന്മാർ ആരംഭിച്ച ഹാഷ്​ടാഗ് ട്വിറ്ററിൽ ട്രെൻഡ്​ ആയി മാറിയിട്ടുണ്ട്. അറബികളുടെ മഹത്തായ ചരിത്രത്തെ ഉർദുഗാൻ അവഹേളിച്ചതിന് മറുപടിയായാണ് സൗദി പൗരന്മാർ ട്വിറ്ററിൽ ഹാഷ്​ടാഗ് ആരംഭിച്ചത്.

'നമ്മുടെ മേഖലയിലെ ചില രാജ്യങ്ങൾ ഇന്നലെ ഉണ്ടായിരുന്നില്ല. ഭാവിയിലും ഈ രാജ്യങ്ങൾ ചിലപ്പോൾ ഉണ്ടായേക്കില്ല. എന്നാൽ ഈ മേഖലയിൽ നമ്മുടെ പതാക എക്കാലവും ഉയർത്തുന്നത് നാം തുടരും' എന്നാണ് ഗൾഫ് രാജ്യങ്ങളെ അവഹേളിച്ച് തുർക്കി പ്രസിഡൻറ്​ ഒരു വിഡിയോയിൽ പറഞ്ഞത്.

തുർക്കിയിലെ ഔദ്യോഗിക നാണയമായ 'ലിറ'യുടെ വില കഴിഞ്ഞയാഴ്ച യു.എസ് ഡോളറിനെ അപേക്ഷിച്ച് 7.7ലധികം റെക്കോഡിലേക്ക് താഴ്ന്നു. റോയിട്ടേഴ്സ് റിപ്പോർട്ട് പ്രകാരം ഈ വർഷം ലോകത്തെ ഏറ്റവും മോശം പ്രകടനം നടത്തുന്ന കറൻസികളിൽ ഒന്നാണ് ലിറ. 22 ശതമാനമാണ് ഇതുവരെ വില ഇടിഞ്ഞത്.

2018ൽ ആരംഭിച്ച കറൻസി പ്രതിസന്ധിയോടൊപ്പം കോവിഡ് ആഘാതം കൂടിയായതോടെ രാജ്യത്തി​െൻറ കറൻസി മാന്ദ്യത്തിലേക്ക് കൂപ്പുകുത്തുകയായിരുന്നു. സെൻട്രൽ ബാങ്കിലെ മൊത്ത വിദേശനാണ്യ ശേഖരം ഈ വർഷം പകുതിയോളമായി കുറഞ്ഞതായാണ് കണക്ക്.