സൗ​ദി​യി​ലേ​ക്ക്​ മാ​ലി​ദ്വീ​പ് വ​ഴി യാ​ത്ര ദു​രി​ത​പൂ​ർ​ണം

റി​യാ​ദ്: സൗ​ദി അ​റേ​ബ്യ​യി​ലേ​ക്ക് മാ​ലി​ദ്വീ​പ് വ​ഴി യാ​ത്ര​ചെ​യ്യു​ന്ന പ്ര​വാ​സി​ക​ൾ​ക്ക് ദു​രി​ത​മൊ​ഴി​യു​ന്നി​ല്ല. 14 ദി​വ​സ​ത്തെ മാ​ലി​ദ്വീ​പി​ലെ ക്വാ​റ​ൻ​റീ​ൻ ഉ​ൾ​പ്പെ​ടെ ല​ക്ഷ​ങ്ങ​ൾ മു​ട​ക്കി കേ​ര​ള​ത്തി​ൽ​നി​ന്ന് മാ​ലി​യി​ലെ​ത്തു​ന്ന പ്ര​വാ​സി​ക​ളെ തി​രി​ഞ്ഞു​നോ​ക്കാ​നോ പാ​ക്കേ​ജി​ൽ പ​റ​ഞ്ഞ താ​മ​സ​സൗ​ക​ര്യം ന​ൽ​കാ​നോ മാ​ലി​യി​ലെ ഏ​ജ​ൻ​റു​മാ​ർ ത​യാ​റാ​കു​ന്നി​ല്ല.

മാ​ലി​യി​ലെ​ത്തി കൊ​ടി​യ​ദു​രി​തം നേ​രി​ടു​ന്ന​വ​രു​ടേ​ത്​ തു​ട​ർ​ക്ക​ഥ​യാ​ണ്. ക​ഴി​ഞ്ഞ​ദി​വ​സം കോ​ഴി​ക്കോ​ട്, കൊ​ച്ചി എ​ന്നി​വി​ട​ങ്ങ​ളി​ൽ​നി​ന്ന്​ മാ​ലി​ദ്വീ​പി​ലെ​ത്തി​യ നി​ര​വ​ധി യാ​ത്ര​ക്കാ​ർ മ​ണി​ക്കൂ​റു​ക​ളോ​ളം വി​മാ​ന​ത്താ​വ​ള​ത്തി​ൽ കു​ടു​ങ്ങി​ക്കി​ട​ന്നു. ഇ​വ​ർ​ക്ക് താ​മ​സ​ത്തി​ന്​ ഏ​ജ​ൻ​റു​മാ​ർ ബു​ക്ക് ചെ​യ്തി​രു​ന്ന ഹോ​ട്ട​ലു​ക​ളി​ലേ​ക്ക് പോ​കാ​നാ​കാ​തെ വി​മാ​ന​ത്താ​വ​ള​ത്തി​ൽ ക​ഴി​യു​ക​യാ​യി​രു​ന്നു. എ​മി​ഗ്രേ​ഷ​ൻ ന​ട​പ​ടി​ക​ൾ പൂ​ർ​ത്തി​യാ​ക്കി​യ​ശേ​ഷം ഹോ​ട്ട​ൽ ബു​ക്കി​ങ്ങു​ക​ൾ വ്യാ​ജ​മാ​ണെ​ന്ന് തി​രി​ച്ച​റി​ഞ്ഞ​ത് വി​മാ​ന​ത്താ​വ​ള​ത്തി​ൽ​നി​ന്ന് പു​റ​ത്തു​ക​ട​ക്കാ​ൻ ത​ട​സ്സ​മാ​യി. പ​ല​ത​വ​ണ നാ​ട്ടി​ലെ ട്രാ​വ​ൽ ഏ​ജ​ൻ​റു​മാ​രു​മാ​യി ബ​ന്ധ​പ്പെ​ടു​ക​യും അ​വ​ർ മാ​ലി​യി​ലെ ഏ​ജ​ൻ​റു​മാ​രെ ബ​ന്ധ​പ്പെ​ടാ​ൻ ശ്ര​മി​ക്കു​ക​യും ചെ​യ്തു.

എ​ന്നാ​ൽ, അ​വ​രു​ടെ ഭാ​ഗ​ത്തു​നി​ന്ന് ഒ​രു​ത​ര​ത്തി​ലും ന​ട​പ​ടി ഉ​ണ്ടാ​കാ​ത്ത​ത് കാ​ര​ണം പ​ല​രും താ​മ​സ​സൗ​ക​ര്യം ല​ഭി​ക്കാ​തെ ദു​രി​ത​ത്തി​ലാ​യി. ഇ​തി​ൽ കു​ട്ടി​ക​ളും ചി​കി​ത്സ ക​ഴി​ഞ്ഞു​മ​ട​ങ്ങു​ന്ന​വ​രും ഉ​ണ്ടാ​യി​രു​ന്നു. തി​രു​വ​ന​ന്ത​പു​രം സ്വ​ദേ​ശി​ക​ളാ​യ യു​വ ദ​മ്പ​തി​ക​ൾ ഒ​രു​രാ​ത്രി മു​ഴു​വ​ൻ വി​മാ​ന​ത്താ​വ​ള​ത്തി​ലും തെ​രു​വി​ലു​മാ​യി ക​ഴി​യേ​ണ്ടി​വ​ന്നു. ഒ​ടു​വി​ൽ ടൂ​റി​സ്​​റ്റ്​ പൊ​ലീ​സ് എ​ത്തി പ​രാ​തി സ്വീ​ക​രി​ക്കു​ക​യും തു​ട​ർ​ന​ട​പ​ടി​ക​ൾ ആ​രം​ഭി​ക്കു​ക​യു​മാ​യി​രു​ന്നു. പ​ഞ്ച​ന​ക്ഷ​ത്ര ഹോ​ട്ട​ലു​ക​ളു​ടെ ഫോ​ട്ടോ​യും സം​വി​ധാ​ന​ങ്ങ​ളും കാ​ണി​ച്ച്​ മാ​ലി​യി​ലെ ഏ​ജ​ൻ​റു​മാ​ർ നാ​ട്ടി​ലെ ഏ​ജ​ൻ​റു​മാ​രെ ക​ബ​ളി​പ്പി​ക്കു​ക​യാ​യി​രു​ന്നു എ​ന്ന് കേ​ര​ള​ത്തി​ലെ പ്ര​മു​ഖ ട്രാ​വ​ൽ ഏ​ജ​ൻ​റ്​ 'ഗ​ൾ​ഫ് മാ​ധ്യ​മ'​ത്തോ​ട് പ​റ​ഞ്ഞു.

ഈ ​പ്ര​ശ്നം പ​രി​ഹ​രി​ക്കാ​നാ​യി ത​ങ്ങ​ളു​ടെ പ്ര​തി​നി​ധി മാ​ലി​ദ്വീ​പി​ൽ എ​ത്തി​യെ​ന്നും യാ​ത്ര​ക്കാ​ർ​ക്ക് ആ​വ​ശ്യ​മാ​യ താ​മ​സ​ഭ​ക്ഷ​ണ സം​വി​ധാ​ന​ങ്ങ​ൾ ഒ​രു​ക്കി​യെ​ന്നും അ​ദ്ദേ​ഹം അ​വ​കാ​ശ​പ്പെ​ട്ടു. ഇ​തി​ന്​ മു​മ്പും മാ​ലി​ദ്വീ​പ് വ​ഴി യാ​ത്ര​ചെ​യ്ത സൗ​ദി​യി​ലെ പ്ര​വാ​സി​ക​ൾ​ക്ക് നി​ര​വ​ധി വി​ചി​ത്ര ക്വാ​റ​ൻ​റീ​ൻ ന​ട​പ​ടി​ക​ൾ​ക്ക് വി​ധേ​യ​മാ​കേ​ണ്ടി​വ​ന്ന​ത് വാ​ർ​ത്ത​ക​ളി​ൽ ഇ​ടം​പി​ടി​ച്ചി​രു​ന്നു.

ഒ​രു​ഗ്രൂ​പ്പി​ൽ എ​ത്തു​ന്ന യാ​ത്ര​ക്കാ​രി​ൽ ആ​ർ​ക്കെ​ങ്കി​ലും 14 ദി​വ​സ​ത്തെ ക്വാ​റ​ൻ​റീ​ന്​ ശേ​ഷം പി.​സി.​ആ​ർ ടെ​സ്​​റ്റ്​ പോ​സി​റ്റി​വ് ആ​ണെ​ങ്കി​ൽ ആ ​ഗ്രൂ​പ്പി​ലെ മു​ഴു​വ​ൻ യാ​ത്രി​ക​രും അ​ടു​ത്ത 14 ദി​വ​സം ക്വാ​റ​ൻ​റീ​നി​ൽ ക​ഴി​യ​ണം എ​ന്ന മാ​ലി​യി​ലെ ട്രാ​വ​ൽ ഏ​ജ​ൻ​റു​മാ​രു​ടെ ന​ട​പ​ടി പ്ര​തി​ഷേ​ധ​ങ്ങ​ൾ​ക്കും എം​ബ​സി​യു​ടെ ഇ​ട​പെ​ട​ലു​ക​ൾ​ക്കും കാ​ര​ണ​മാ​യി.

കോ​വി​ഡ് പ​ശ്ചാ​ത്ത​ല​ത്തി​ൽ സൗ​ദി​യി​ലേ​ക്ക് നേ​രി​ട്ട് വി​മാ​ന സ​ർ​വി​സു​ക​ൾ ഇ​ല്ലാ​ത്ത​തി​നാ​ൽ ആ​യി​ര​ക്ക​ണ​ക്കി​ന് പ്ര​വാ​സി​ക​ളാ​ണ് മാ​ലി​ദ്വീ​പ് വ​ഴി യാ​ത്ര തി​ര​ഞ്ഞെ​ടു​ക്കു​ന്ന​ത്. ഇ​ത് മു​ത​ലെ​ടു​ക്കു​ക​യാ​ണ് ത​ട്ടി​പ്പു​കാ​ർ.