പ്രവാസം അവസാനിപ്പിച്ച്​ നാട്ടിലേക്ക്​ മടങ്ങിയ മലയാളി നിര്യാതനായി

റിയാദ്​: ദീർഘകാല​ത്തെ റിയാദിലെ പ്രവാസം അവസാനിപ്പിച്ച്​ നാട്ടിലേക്ക്​ മടങ്ങിയ മലയാളി നിര്യാതനായി. റിയാദിലെ കേളി കലാസാംസ്കാരിക വേദി മുന്‍ ഭാരവാഹിയായിരുന്ന കോഴിക്കോട് ചേവരമ്പലം സ്വദേശി പി.കെ. മുരളി (57) ആണ്​ ഹൃദയാഘാതം മൂലം മരിച്ചത്​.

കേളിയുടെ മുൻ വൈസ് പ്രസിഡൻറ്​, ഉമ്മുൽ ഹമാം ഏരിയ മുൻ സെക്രട്ടറി എന്നീ ചുമതലകൾ വഹിച്ചിരുന്നു. റിയാദിലെ അൽ യമാമ പ്രിൻറിങ് പ്രസ്സിലെ മാഗസീൻ വിഭാഗത്തിൽ 27 വർഷം ജോലി ചെയ്ത മുരളി 2019 ലാണ് പ്രവാസം അവസാനിപ്പിച്ച് നാട്ടിലേക്ക് മടങ്ങിയത്. കഴിഞ്ഞ നാല്​ വര്‍ഷമായി നാട്ടില്‍ പ്രിൻറിങ്​ സ്ഥാപനം നടത്തി വരികയായിരുന്നു. ശവസംസ്ക്കാരം തിങ്കളാഴ്​ച വൈകീട്ട്​ അഞ്ചിന്​​ കോഴിക്കോട്​ വെസ്​റ്റ്​ ഹിൽ പൊതുശ്​മശാനത്തില്‍ നടന്നു. അമ്മ: ലക്ഷ്മി, ഭാര്യ: സിന്ധു, മക്കൾ: സ്വാന്തന, സന്ദേശ്.