കോവിഡ്​ തടയാൻ രാജ്യം സ്വീകരിച്ച നടപടികൾ വിജയകരം -സൽമാൻ രാജാവ്

ജിദ്ദ: കോവിഡ്​ ജീവിതത്തി​െൻറ എല്ലാ തലങ്ങളിലും അടിച്ചേൽപ്പിച്ച ഫലങ്ങൾ പരിമിതപ്പെടുത്തുന്നതിൽ രാജ്യം സ്വീകരിച്ച നടപടികളും ശ്രമങ്ങളും വലിയ വിജയകരമായെന്ന്​ സൽമാൻ രാജാവ്​ പറഞ്ഞു. ബലിപെരുന്നാളിനോടനുബന്ധിച്ച്​ രാജ്യത്തെയും അറബ്​ മുസ്​ലിം രാജ്യങ്ങളിലേയും മുഴുവനാളുകൾക്കും​ ആശംസകൾ അർപ്പിച്ചുള്ള സന്ദേശത്തിലാണ്​ സൽമാൻ രാജാവ്​ ഇക്കാര്യം പറഞ്ഞത്​.

22 ദശലക്ഷത്തിലധികം ഡോസ്​ കോവിഡ്​ വാക്​സിൻ രാജ്യത്തെ സ്വദേശികൾക്കും വിദേശികൾക്കും നൽകി സാമൂഹിക പ്രതിരോധശേഷി വർധിപ്പിക്കാനായതിൽ ദൈവത്തെ സ്​​തുതിക്കുന്നു. ഇതിലൂടെ ഇരുഹറമുകളിലെ തീർഥാടകരുടെ എണ്ണം വർധിപ്പിക്കാനും കൂടുതലാളുകൾക്ക്​ ഹജ്ജ്, ഉംറ​ നിർവഹിക്കാനും സാധിച്ചു. മുൻകരുതൽ നടപടികൾ പാലിക്കുന്നതിലുള്ള പ്രതിജ്ഞാബദ്ധതയിൽ തീർഥാടകരെ അഭിനന്ദിക്കുന്നു. ഇതി​െൻറ ഏറ്റവും പ്രധാനപ്പെട്ട ഫലങ്ങളിലൊന്ന്​ കോവിഡ്​ കാലത്ത്​ ആരംഭിച്ച ആപ്ലിക്കേഷനിലൂടെ 17 ലക്ഷം പേർക്ക്​ ഉംറ നിർവഹിക്കാനും ഇരുഹറമുകളിൽ വെച്ച്​ നമസ്​കരിക്കാനും സാധിച്ചുവെന്നതാണ്​.

പകർച്ചവ്യാധി പടരുകയും അതി​െൻറ വകഭേദങ്ങൾ ഉണ്ടാകുകയും ​​ചെയ്​തുകൊണ്ടിരിക്കുന്ന കാലത്ത്​ മനുഷ്യ​െൻറ ആരോഗ്യം സംരക്ഷിക്കുകയാണ്​​ ഇസ്​ലാം കൽപിക്കുന്ന പ്രഥമ ചുമതല. അതിനാൽ പകർച്ചവ്യാധിയെ പ്രതിരോധിച്ചും അതി​െൻറ വ്യാപനം തടഞ്ഞും മുഴുവൻ ഹജ്ജ്​ തീർഥാടകരുടെ സുരക്ഷക്ക്​ ഗവൺമെൻറ്​ അതീവ താൽപര്യമാണ്​ കാണിക്കുന്നതെന്നും സൽമാൻ രാജാവ്​ പറഞ്ഞു.

അന്താരാഷ്​ട്ര തലത്തിലെ ആരോഗ്യ നിയന്ത്രണങ്ങൾക്കും മാനദണ്ഡങ്ങൾക്കും അനുസൃതമായി ഈ വർഷത്തെ ഹജ്ജ് സീസണിൽ രാജ്യം ഒരുപാട്​ നിയന്ത്രണ, പ്രതിരോധ നടപടികൾ സ്വീകരിച്ചിട്ടുണ്ട്​. ഇനിയും രാജ്യത്തെ ബന്ധപ്പെട്ട വകുപ്പുകൾ ആരോഗ്യസ്ഥിതി വിലയിരുത്തുന്നത് തുടരുകയും പൊതുജനാരോഗ്യം സംരക്ഷിക്കുന്നതിന്​ ആവശ്യമായ എല്ലാ നടപടികളും സ്വീകരിക്കുകയും ചെയ്യും.

തീർഥാടന സേവന രംഗത്ത ബന്ധപ്പെട്ട വകുപ്പുകൾ വിവിധ ഡിജിറ്റൽ സംവിധാനങ്ങൾ ഇതിനകം നടപ്പാക്കിയിട്ടുണ്ട്. ഇത് തീർഥാടകരുടെയും അവർക്ക്​ വേണ്ടി സേവനത്തിലേർപ്പെടുന്നവരുടെയും സുരക്ഷയും ആരോഗ്യവും ഉറപ്പുവരുത്തുന്നതിനു സഹായിച്ചിട്ടുണ്ട്​​. കോവിഡ്​ പശ്ചാത്തലത്തിൽ ഇസ്​ലാമി​െൻറ അഞ്ചാമത്തെ സ്തംഭമായ ഹജ്ജ്​ കർമം സംഘടിപ്പിക്കാനുള്ള രാജ്യത്തി​െൻറ താൽപര്യ​ത്തി​െൻറ ഭാഗമാണ്​​ ആഭ്യന്തര തീർഥാടകർക്ക്​ മാത്രമാക്കി ഹജ്ജ്​ കർമം പരിമിതപ്പെടുത്തിയത്​. രാജ്യത്ത്​ താമസിക്കുന്ന എല്ലാ രാജ്യക്കാർക്കും ഹജ്ജിന്​ അവസരം നൽകാൻ ശ്രമിച്ചിട്ടുണ്ട്​.

ഹജ്ജിന്​ സൗദി അറേബ്യ സ്വീകരിച്ച നിലപാടിനെ പല രാജ്യങ്ങളും സംഘടനകളും പിന്തുണയക്കുകയും പ്രശംസിക്കുകയും ചെയ്​തിട്ടുണ്ട്​. തീർഥാടകരെ സംരക്ഷിക്കാനും കോവിഡ്​ വ്യാപനം തടയാനും ഇതിലൂടെ കഴിഞ്ഞിട്ടുണ്ട്​. ഹജ്ജി​െൻറ വിജയത്തിന്​ പ്രവർത്തിച്ച എല്ലാവർക്കും അതോടൊപ്പം ബന്ധപ്പെട്ട പൊതു, സ്വകാര്യ മേഖലയിലെ മുഴുവൻ പേർക്കും നന്ദി രേഖപ്പെടുത്തുന്നതായും രാജാവ്​ പറഞ്ഞു. തീർഥാകർക്ക്​ ഹജ്ജ്​ കർമങ്ങൾ പുർത്തിയാക്കാനും അവരുടെ പ്രാർഥനകൾ സ്വീകരിക്കാനും സുരക്ഷിതരായി കുടുംബങ്ങളിലേക്ക്​ മടങ്ങാനും സാധിക്ക​െട്ടയെന്ന്​ സൽമാൻ രാജാവ്​ പ്രാർഥിച്ചു.