മൂ​ല്യ​വ​ർ​ധി​ത നി​കു​തി കു​റ​ക്കു​ന്ന​ത് പ​രി​ഗ​ണ​ന​യി​ലെ​ന്ന് ധ​ന​മ​ന്ത്രി

യാം​ബു: സൗ​ദി​യു​ടെ പൊ​തു​ധ​ന​സ്ഥി​തി മെ​ച്ച​പ്പെ​ടു​ക​യാ​ണെ​ങ്കി​ൽ നി​ല​വി​ലു​ള്ള മൂ​ല്യ​വ​ർ​ധി​ത നി​കു​തി​യി​ൽ (വാ​റ്റ്) ഇ​ള​വ് ന​ട​ത്താ​ൻ ക​ഴി​യു​മോ എ​ന്ന കാ​ര്യം ആ​ലോ​ചി​ക്കു​ന്ന​താ​യി അ​ധി​കൃ​ത​ർ. ഈ ​മേ​ഖ​ല​യി​ൽ പ​ഠ​നം ന​ട​ന്നു​കൊ​ണ്ടി​രി​ക്കു​ക​യാ​ണെ​ന്നും മൂ​ല്യ​വ​ർ​ധി​ത നി​കു​തി കു​റ​ക്കു​ന്ന​തു​മാ​യി ബ​ന്ധ​പ്പെ​ട്ട സാ​ധ്യ​ത​ക​ൾ ച​ർ​ച്ച ചെ​യ്തു​കൊ​ണ്ടി​രി​ക്കു​ക​യാ​ണെ​ന്നും സൗ​ദി ധ​ന​മ​ന്ത്രി മു​ഹ​മ്മ​ദ് അ​ൽ ജ​ദ്ആ​ൻ പ​റ​ഞ്ഞു. സൗ​ദി​യു​ടെ സാ​മ്പ​ത്തി​ക സു​സ്ഥി​ര​ത​ക്കു​ള്ള ന​യം ജി.​ഡി.​പി നി​ശ്ചി​ത ശ​ത​മാ​ന​ത്തി​ൽ താ​ഴെ​യാ​കാ​തി​രി​ക്കാ​ൻ സ​ഹാ​യി​ക്കും. സാ​മ്പ​ത്തി​ക സു​സ്ഥി​ര​ത പ​ദ്ധ​തി സ​മ്പ​ദ് വ്യ​വ​സ്ഥ​യെ എ​ണ്ണ​വി​ല​യി​ലെ ഏ​റ്റ​ക്കു​റ​ച്ചി​ലു​ക​ളി​ൽ​നി​ന്ന് വേ​ർ​തി​രി​ക്കാ​നാ​ണ് ല​ക്ഷ്യ​മി​ടു​ന്ന​തെ​ന്ന് 2022ലെ ​ബ​ജ​റ്റി​ൽ സൂ​ചി​പ്പി​ച്ചി​ട്ടു​ണ്ട്. ഇ​ത് എ​ണ്ണ​സ​മ്പ​ദ് മേ​ഖ​ല​യ​ല്ലാ​ത്ത ഇ​ത​ര വി​ഭാ​ഗ​ങ്ങ​ൾ​ക്ക് നി​ര​വ​ധി സാ​മ്പ​ത്തി​ക നേ​ട്ട​ങ്ങ​ൾ കൈ​വ​രി​ക്കാ​ൻ സ​ഹാ​യ​ക​മാ​കും.

ക​ഴി​ഞ്ഞ അ​ഞ്ചു വ​ർ​ഷ​ത്തി​നി​ടെ സൗ​ദി ഒ​രു ട്രി​ല്യ​ൺ റി​യാ​ൽ ക​രു​ത​ൽ ധ​നം ചെ​ല​വ​ഴി​ച്ചി​രു​ന്നു. ഈ ​വ​ർ​ഷം മാ​ർ​ച്ച് അ​വ​സാ​ന​ത്തോ​ടെ സൗ​ദി സെ​ൻ​ട്ര​ൽ ബാ​ങ്കി​ന്റെ ആ​സ്തി 1.63 ട്രി​ല്യ​ൺ (435 ബി​ല്യ​ൺ റി​യാ​ൽ) എ​ത്തി. കോ​വി​ഡ് മ​ഹാ​മാ​രി ഏ​ൽ​പി​ച്ച ആ​ഘാ​തം എ​ണ്ണ മേ​ഖ​ല​യെ ബാ​ധി​ച്ച​പ്പോ​ഴാ​ണ് മൂ​ല്യ​വ​ർ​ധി​ത നി​കു​തി മൂ​ന്നി​ര​ട്ടി വ​ർ​ധി​പ്പി​ച്ച​ത്. യു​ക്രെ​യ്ൻ യു​ദ്ധ​ത്തി​ന്റെ പ​ശ്ചാ​ത്ത​ല​ത്തി​ൽ ഈ ​വ​ർ​ഷം എ​ണ്ണ​വി​ല ബാ​ര​ലി​ന് 100 ഡോ​ള​റി​ന് മു​ക​ളി​ലേ​ക്ക് കു​തി​ച്ചി​രു​ന്നു. 2022ലെ ​ആ​ദ്യ മൂ​ന്നു മാ​സ​ങ്ങ​ളി​ൽ സൗ​ദി​ക്ക് 15.33 ബി​ല്യ​ൺ ഡോ​ള​റി​ന്റെ ബ​ജ​റ്റ് മി​ച്ചം ഉ​ണ്ടാ​ക്കാ​ൻ ക​ഴി​ഞ്ഞ​താ​യും ധ​ന​മ​ന്ത്രി വി​ശ​ദീ​ക​രി​ച്ചു.