'നീയോർമകൾ' ഹ്രസ്വചിത്രത്തി​െൻറ പോസ്​റ്റർ പ്രകാശനം ചെയ്​തു

ദമ്മാം: പൂർണമായും സൗദിയിൽ ചിത്രീകരിക്കുന്ന 'നീയോർമകൾ' എന്ന സംഗീതാത്മക ഹ്രസ്വചിത്രത്തി​െൻറ പോസ്​റ്റർ പ്രകാശനം ചെയ്​തു. അൽഖോബാർ വെൽകം റസ്​റ്റാറൻറ്​ ഒാഡിറ്റോറിയത്തിൽ നടന്ന ചടങ്ങിൽ നാടകരചയിതാവ്​ ബിജു പി. നീലേശ്വരം, അഭിനേതാക്കളായ ജേക്കബ്​ ഉതുപ്പ്​​, അനിൽ തിരുവന്തപുരം എന്നിവർ ചേർന്നാണ്​ പ്രകാശനം നിർവഹിച്ചത്.​ ഇമ്പാക്ട്​ ഇലക്ട്രോണിക്സി​െൻറ ബാനറില്‍ നിർമിക്കുന്ന ആൽബം, ബിഗ്‌ ബി ക്രിയേഷന്‍സാണ് പൂർണമായ സാങ്കേതിക സഹായങ്ങളോടെ ചിത്രീകരിക്കുന്നത്. സഹീർഷാ കൊല്ലമാണ്​ സംവിധാനം. ബിനു കുഞ്ഞി​െൻറ വരികള്‍ക്ക് സംഗീതം നല്‍കിയിരിക്കുന്നത് സംഗീത അധ്യാപികയും ഗായികയുമായ മീനു അനൂപാണ്.

ഫിറോസ് കാസർകോടി​െൻറ ഓർക്കസ്ട്രയില്‍ നിസാർ ആലപ്പിയും മീനു അനൂപും ചേർന്ന്​ ഗാനങ്ങൾ ആലപിച്ചിരിക്കുന്നു. ടൈറ്റില്‍ സോങ്​ ആലപിച്ചത്​ ഗായിക ജിൻഷാ ഹരിദാസാണ്​. അഭിലാഷ് പൊൻകുന്നവും ഷനീബ് അബൂബക്കറും സഹസംവിധായകരാകുന്ന ചിത്രത്തി​െൻറ കലാസംവിധാനം നിര്‍വഹിക്കുന്നത് വിനോദ് കെ. കുഞ്ഞാണ്. സിബിന്‍ ബിഗ്‌ബിയാണ്​ ഛായാഗ്രഹണം നിർവഹിച്ചത്​. മധു മണ്ണൂര്‍ ചിത്രസംയോജനം നടത്തി. നൃത്താധ്യാപികയായ സരിതയും നിധിനും പ്രധാന കഥാപാത്രങ്ങളെ അവതരിപ്പിക്കുന്ന ചിത്രത്തിൽ ബാലതാരങ്ങളായി അഭിനബ് ബാബുവും നേഹാ ബിജുവും അഭിനയിക്കുന്നു. ജേക്കബ് ഉതുപ്പ്, അനിൽ തിരുവനന്തപുരം, അഭിലാഷ് പൊൻകുന്നം, നീതു ശ്രീവത്സൻ എന്നിവർ മറ്റു​ വേഷങ്ങളിലെത്തുന്നു.