ഖുർആൻ അവഹേളനത്തിനെതിരെ നിയമം; ഡെന്മാർക് തീരുമാനത്തെ മുസ്ലിം വേൾഡ് ലീഗ് സ്വാഗതം ചെയ്തു
text_fieldsജിദ്ദ: മതസമൂഹങ്ങളുടെ വിശുദ്ധ ഗ്രന്ഥങ്ങളെ അപമാനിക്കുന്നത് നിരോധിക്കാനും കുറ്റവാളികളെ ശിക്ഷിക്കാനുമുള്ള ഡെന്മാർക്ക് പാർലമെന്റിന്റെ തീരുമാനത്തെ മുസ്ലിം വേൾഡ് ലീഗ് സ്വാഗതം ചെയ്തു. ഖുർആന്റെ കോപ്പികൾ നശിപ്പിച്ച കുറ്റകൃത്യങ്ങളുടെ പശ്ചാത്തലത്തിലാണിത്.
മതപരമായ ചിഹ്നങ്ങളെയും ഗ്രന്ഥങ്ങളെയും അപമാനിച്ച് വിശ്വാസികളുടെ വികാരങ്ങളെ പ്രകോപിപ്പിക്കുന്നതിന് പരിഹാരമാകുന്ന ഈ തീരുമാനം പ്രശംസ അർഹിക്കുന്നുവെന്ന് സെക്രട്ടറി ജനറൽ ഡോ. മുഹമ്മദ് ബിൻ അബ്ദുൽ കരീം അൽഈസ പ്രസ്താവനയിൽ വ്യക്തമാക്കി. ഡെന്മാർക് പാർലമെന്റിന്റെ തീരുമാനം അഭിപ്രായസ്വാതന്ത്ര്യത്തിന്റെ ശരിയായതും പരിഷ്കൃതവുമായ ആശയങ്ങളെ ശക്തിപ്പെടുത്തുന്നു.
അസ്വസ്ഥജനകമായ ഈ സംവാദങ്ങളുമായി ബന്ധപ്പെട്ട് ദേശീയ സമൂഹങ്ങൾക്കുള്ളിലെ ഐക്യം തകർക്കുന്നത് ഇല്ലാതാക്കാൻ ഇത് സഹായിക്കുന്നു. പരസ്പരബന്ധിതമായ ലോകത്ത് ശരിയായ ദിശയിലേക്കുള്ള ഒരു ചുവടുവെപ്പാണിത്. രാഷ്ട്രങ്ങളും ജനങ്ങളും തമ്മിലുള്ള സൗഹൃദവും സഹകരണവും നാഗരിക സഖ്യവും വർധിപ്പിക്കുന്നതാണെന്നും സെക്രട്ടറി ജനറൽ പറഞ്ഞു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.