ഹൃദ്യമായ കാഴ്ചയൊരുക്കി ബദ്‌റിലെ മണൽക്കുന്നുകൾ

യാം​ബു: ബ​ദ്ർ മേ​ഖ​ല​യി​ലെ വ​ർ​ണാ​ഭ​മാ​യ മ​ണ​ൽ​ക്കു​ന്നു​ക​ൾ സ​ഞ്ചാ​രി​ക​ളെ ആ​ക​ർ​ഷി​ക്കു​ന്നു. മ​ദീ​ന ന​ഗ​ര​ത്തി​ൽ​നി​ന്ന് തെ​ക്കു​പ​ടി​ഞ്ഞാ​റ​ൻ ദി​ശ​യി​ൽ 150 കി​ലോ​മീ​റ്റ​ർ അ​ക​ലെ​യാ​ണ് സ്വ​ർ​ണ​നി​റ​മു​ള്ള ചെ​റു​തും വ​ലു​തു​മാ​യ മ​ണ​ൽ​ക്കു​ന്നു​ക​ൾ സ്ഥി​തി​ചെ​യ്യു​ന്ന​ത്. യാം​ബു ന​ഗ​രി​യി​ൽ​നി​ന്ന് ഏ​ക​ദേ​ശം 75 കി​ലോ​മീ​റ്റ​റാ​ണ് ഇ​ങ്ങോ​ട്ടു​ള്ള ദൂ​രം. ശീ​ത​കാ​ല​ത്തെ മി​ത​മാ​യ കാ​ലാ​വ​സ്ഥ​യി​ലാ​ണ് സ​ഞ്ചാ​രി​ക​ൾ കു​ടും​ബ​സ​മേ​തം സാ​യാ​ഹ്​​ന​ങ്ങ​ളി​ൽ ഇ​വി​ടെ ഉ​ല്ല​സി​ക്കാ​നും വ്യാ​യാ​മം ചെ​യ്യാ​നും മ​ണ​ൽ​ക്കു​ന്നു​ക​ൾ ക​യ​റാ​നും എ​ത്തു​ന്ന​ത്. ബ​ദ്‌​റി​ലെ റോ​ഡി​നി​രു​വ​ശ​വും പ​ല ആ​കൃ​തി​യി​ലും വ​ലു​പ്പ​ത്തി​ലു​മു​ള്ള മ​ണ​ൽ​ക്കൂ​ന​ക​ളും ദൂ​രെ​യാ​യി ചു​റ്റും പ​ര​ന്നു​കി​ട​ക്കു​ന്ന മ​ല​നി​ര​ക​ളും പ്ര​കൃ​തി​ര​മ​ണീ​യ കാ​ഴ്ച​യൊ​രു​ക്കു​ന്നു.

ഏ​ക​ദേ​ശം ര​ണ്ടാ​യി​രം അ​ടി​ക്കു മേ​ൽ ഉ​യ​ര​മു​ള്ള ഇ​വി​ട​ത്തെ മ​ല​നി​ര​ക​ൾ ഭൂ​പ്ര​കൃ​തി​യു​ടെ വ​ന്യ​ത​യും കാ​ഴ്‌​ച​ക​ളു​ടെ വ​ശ്യ​ത​യും​കൊ​ണ്ടും അ​ത്യാ​ക​ർ​ഷ​ക​മാ​ണ്‌. അ​റ​ബ് നാ​ട്ടി​ന്‍റെ വ​ശ്യ​പ്ര​കൃ​തി​ക്ക്‌ നി​റ​ക്കൂ​ട്ടാ​യി ബ​ദ്ർ പ​ട്ട​ണ​ത്തോ​ട​ടു​ത്ത ചാ​രു​ത തു​ടി​ക്കു​ന്ന മ​ല​നി​ര​ക​ൾ കാ​ണാ​നും അ​തി​ലൂ​ടെ ഒ​ന്ന് ക​യ​റി​യി​റ​ങ്ങാ​നും സൗ​ദി​യു​ടെ വി​വി​ധ പ്ര​ദേ​ശ​ങ്ങ​ളി​ൽ​നി​ന്നും ഉ​ഷ്‌​ണ​മി​ല്ലാ​ത്ത കാ​ല​ത്ത് സ്വ​ദേ​ശി​ക​ളും വി​ദേ​ശി​ക​ളു​മാ​യ സ​ഞ്ചാ​രി​ക​ൾ ഇ​വി​ടെ​യെ​ത്തു​ന്നു. ച​ർ​മ​രോ​ഗ​ങ്ങ​ൾ, അ​സ്ഥി​രോ​ഗ​ങ്ങ​ൾ എ​ന്നി​വ​യി​ൽ​നി​ന്ന് രോ​ഗ​ശാ​ന്തി ല​ഭി​ക്കാ​ൻ പ​ഴ​യ​കാ​ല​ത്ത് മ​ണ​ൽ മ​ല​ക​ളി​ലെ ട്രെ​ക്കി​ങ്ങും മ​ണ​ൽ​പ്ര​ദേ​ശ​ങ്ങ​ളി​ലെ വ്യാ​യാ​മ​വും പ​തി​വാ​യി​രു​ന്നെ​ന്ന് അ​റ​ബി ച​രി​ത്ര​കാ​ര​ന്മാ​ർ രേ​ഖ​പ്പെ​ടു​ത്തു​ന്നു. ബ​ദ്‌​റി​ലെ മ​ണ​ൽ​ക്കു​ന്നു​ക​ൾ ച​രി​ത്ര​ത്തി​ൽ നേ​ര​ത്തേ​ത​ന്നെ സ​ഞ്ചാ​രി​ക​ളു​ടെ സാ​ന്നി​ധ്യം​കൊ​ണ്ട് ഇ​ടം പി​ടി​ച്ച​താ​ണെ​ന്ന് മ​ദീ​ന​യി​ലെ ച​രി​ത്ര​ഗ​വേ​ഷ​ക​നാ​യ അ​ദ്‌​നാ​ൻ ഈ​സ അ​ൽ ഉം​രി പ​റ​ഞ്ഞു. ശ​രീ​ര​സു​ഖ​ത്തി​നാ​യും ഫി​സി​യോ തെ​റ​പ്പി​ക്കും പു​രാ​ത​ന​കാ​ല​ത്തു​ത​ന്നെ ആ​ളു​ക​ൾ മ​ണ​ൽ​ക്കൂ​ന​ക​ൾ ഉ​പ​യോ​ഗി​ച്ചി​രു​ന്ന​താ​യും മ​ണ​ലി​ലെ പ്ര​കൃ​തി​ദ​ത്ത​മാ​യ ഗു​ണ​ങ്ങ​ൾ ത്വ​ഗ് രോ​ഗ​ങ്ങ​ൾ​ക്ക് ശ​മ​നം ന​ൽ​കു​ന്ന​താ​യ ചി​ല പ​ഠ​ന​ങ്ങ​ളി​ൽ രേ​ഖ​പ്പെ​ടു​ത്തി​യ​താ​യും അ​ദ്ദേ​ഹം അ​ഭി​പ്രാ​യ​പ്പെ​ട്ടു. വാ​ത​ചി​കി​ത്സ​യു​ടെ ശ​മ​ന​ത്തി​ന് അ​വ​യ​വ​ങ്ങ​ൾ മ​ണ​ലി​ൽ ഏ​റെ​നേ​രം പൂ​ഴ്ത്തി​യി​ട്ട് പ്ര​കൃ​തി​പ​ര​മാ​യ ചി​കി​ത്സ ന​ട​ത്തി​യി​രു​ന്ന പ​ഴ​മ​ക്കാ​രു​ടെ ജീ​വി​ത​രീ​തി​ക​ൾ ചി​ല രേ​ഖ​ക​ളി​ൽ പ​രാ​മ​ർ​ശി​ക്കു​ന്ന​താ​യി അ​ദ്ദേ​ഹം പ​റ​ഞ്ഞു. ബ​ദ്റി​ലെ പ്ര​ധാ​ന​പ്പെ​ട്ട മ​ണ​ൽ​മ​ല​ക​ൾ​ക്ക് അ​റ​ബ് ച​രി​ത്ര​ഗ്ര​ന്ഥ​ങ്ങ​ളി​ൽ ചി​ല പേ​രു​ക​ൾ​ത​ന്നെ രേ​ഖ​പ്പെ​ടു​ത്തി​യി​ട്ടു​ണ്ട്. 'ഖൂ​സ് അ​ലി', 'ഖൂ​സ് അ​ൽ ഹ​നാ​ൻ' തു​ട​ങ്ങി​യ ചി​ല പേ​രു​ക​ൾ ഇ​ന്നും പ്ര​ദേ​ശ​വാ​സി​ക​ളാ​യ അ​റ​ബി​ക​ൾ ഉ​പ​യോ​ഗി​ക്കു​ന്നു. പ്ര​കൃ​തി​യു​ടെ ഊ​ഷ്മ​ള​ത​യും ഭൂ​മി​ശാ​സ്ത്ര​പ​ര​മാ​യ സ​വി​ശേ​ഷ​ത​ക​ളും ആ​സ്വ​ദി​ക്കാ​നും പ്ര​യോ​ജ​നം നേ​ടാ​നു​മാ​യി മ​ണി​ക്കൂ​റു​ക​ളോ​ളം ആ​ളു​ക​ൾ ഇ​വി​ടെ ചെ​ല​വ​ഴി​ക്കു​ന്ന​ത് കാ​ണാം. സീ​സ​ണു​ക​ളി​ൽ ട്ര​ക്കി​ങ്ങി​നാ​യി യു​വാ​ക്ക​ളു​ടെ​യും കു​ട്ടി​ക​ളു​ടെ​യും നി​റ​ഞ്ഞ സാ​ന്നി​ധ്യ​മാ​ണി​വി​ടെ. മ​ണ​ൽ​മ​ല ക​യ​റാ​ൻ എ​ത്തു​ന്ന സ​ന്ദ​ർ​ശ​ക​രെ കാ​ത്ത് സ്വ​ദേ​ശി യു​വാ​ക്ക​ൾ ബ​ഗ്ഗി​ക​ൾ വാ​ട​ക​ക്കും ടാ​ക്‌​സി സ​ർ​വി​സി​നു​മാ​യി ഇ​വി​ടെ ഒ​രു​ക്കി​യി​ട്ടു​ണ്ട്. നി​ശ്ചി​ത വാ​ട​ക ന​ൽ​കി​യാ​ൽ മ​ണ​ൽ​ക്കു​ന്നു​ക​ളി​ലെ മു​ക​ളി​ലേ​ക്ക് ഇ​തു​വ​ഴി സാ​ഹ​സി​ക​യാ​ത്ര ചെ​യ്യാം. കു​ടും​ബ​ങ്ങ​ൾ ആ​വ​ശ്യ​മാ​യ വെ​ള്ള​വും ഭ​ക്ഷ​ണ​വും ഒ​രു​ക്കി മ​ണ​ൽ​ക്കു​ന്നു​ക​ൾ​ക്ക​രി​കെ ഇ​രു​ന്ന് സാ​യാ​ഹ്​​ന​ങ്ങ​ളി​ൽ സം​ഗ​മി​ക്കു​ന്ന കാ​ഴ്ച​യും സീ​സ​ണി​ലെ വേ​റി​ട്ട ദൃ​ശ്യ​മാ​ണ്. മ​രു​ഭൂ​മി​യു​ടെ പ​ര​പ്പി​നെ​ക്കാ​ൾ സൗ​ന്ദ​ര്യം പ്ര​ക​ട​മാ​കു​ന്ന​ത് പൊ​ടി​മ​ണ​ൽ​ത​രി​ക​ളാ​ൽ തീ​ർ​ത്ത വ​ൻ​മ​ല​ക​ളാ​ണ്. മ​ണ​ൽ​ക്കൂ​ന​ക​ളി​ൽ ചി​ല​യി​ട​ങ്ങ​ളി​ൽ ഒ​റ്റ​ക്ക് കു​ട നി​വ​ർ​ത്തി​വെ​ച്ച​തു​പോ​ലു​ള്ള ചെ​റു​മ​ര​ങ്ങ​ൾ വ​ന്യ​മാ​യ കാ​ഴ്‌​ച​ഭം​ഗി ന​ൽ​കു​ന്നു.

മ​ണ​ൽ​മ​ല ക​യ​റു​ന്തോ​റും കാ​ലു​ക​ൾ മ​ണ​ലി​ൽ ആ​ഴ്ന്നി​റ​ങ്ങും. എ​ങ്കി​ലും മ​ല​യു​ടെ മു​ക​ൾ​ത്ത​ട്ടു​വ​രെ പോ​യി​വ​രു​ന്ന ധാ​രാ​ളം സാ​ഹ​സി​ക​രെ​യും ഇ​വി​ടെ ന​മു​ക്ക് കാ​ണാം. അ​തി​ശ​ക്ത​മാ​യ ജീ​വി​ത​രൂ​പ​വ​ത്ക​ര​ണ പ്ര​ക്രി​യ​യി​ൽ മ​രു​ഭൂ​മി​യി​ലെ സാ​ഹ​സി​ക അ​നു​ഭ​വം ഫ​ലം ചെ​യ്യു​ന്ന​താ​യി ഈ ​രം​ഗ​ത്ത് പ​ഠ​നം ന​ട​ത്തി​യ പ​ല​രും പ​റ​യു​ന്നു. വി​ശാ​ല​മാ​യ ഭ​ക്ഷ​ണ​ത്ത​ളി​ക​യി​ൽ ധാ​ന്യ​മ​ണി​ക​ൾ വാ​രി​യി​ട്ട​പോ​ലെ സ്വ​ർ​ണ​നി​റ​മു​ള്ള മ​ണ​ലും അ​തി​നു മീ​തെ നീ​ലാ​കാ​ശ​വും പ്ര​കൃ​തി​യു​ടെ മ​നോ​ഹാ​രി​ത​യാ​ണ് പ്ര​ക​ട​മാ​ക്കു​ന്ന​ത്. പ​ച്ച​വി​രി​ച്ച കു​ന്നി​ൻ​ച​രി​വു​ക​ളി​ലു​ള്ള​തു​പോ​ലെ വൈ​വി​ധ്യ​ങ്ങ​ൾ ചാ​ലി​ച്ച നി​റ​ങ്ങ​ളൊ​ന്നും സാ​ധാ​ര​ണ മ​രു​ഭൂ​മി​യി​ൽ കാ​ണാ​ൻ ക​ഴി​യി​ല്ല. മ​രു​ഭൂ​മി​യു​ടെ​യും മ​ണ​ൽ​മ​ല​ക​ളു​ടെ​യും ത​ന​തു വ​ർ​ണ​ങ്ങ​ൾ മ​റ്റൊ​രു ഹൃ​ദ്യ​ത​യാ​ണ് സ​ഞ്ചാ​രി​ക​ൾ​ക്ക് പ​ക​ർ​ന്നു​ന​ൽ​കു​ന്ന​ത്.