വ്യ​വ​സാ​യ ലൈ​സ​ൻ​സു​ക​ളു​ടെ കാ​ലാ​വ​ധി അ​ഞ്ച് വ​ർ​ഷ​മാ​യി നീ​ട്ടി

ജു​ബൈ​ൽ: രാ​ജ്യ​ത്തെ വ്യ​വ​സാ​യ ലൈ​സ​ൻ​സു​ക​ളു​ടെ കാ​ലാ​വ​ധി മൂ​ന്ന് വ​ർ​ഷ​ത്തി​ൽ​നി​ന്ന് അ​ഞ്ച് വ​ർ​ഷ​മാ​യി നീ​ട്ടി സൗ​ദി വ്യ​വ​സാ​യ, ധാ​തു​വി​ഭ​വ മ​ന്ത്രാ​ല​യം ഉ​ത്ത​ര​വി​റ​ക്കി. പു​തി​യ ലൈ​സ​ൻ​സു​ക​ൾ​ക്കും ലൈ​സ​ൻ​സ് പു​തു​ക്ക​ലു​ക​ൾ​ക്കു​ള്ള അ​പേ​ക്ഷ​ക​ൾ​ക്കും ഈ ​തീ​രു​മാ​ന​ത്തി​െൻറ ഗു​ണം ല​ഭി​ക്കും. കാ​ലാ​വ​ധി നീ​ട്ടി​യ തീ​രു​മാ​നം നി​ക്ഷേ​പ​ങ്ങ​ളെ ഉ​ത്തേ​ജി​പ്പി​ക്കാ​നും വി​വി​ധ വ്യ​വ​സാ​യ പ്ര​വ​ർ​ത്ത​ന​ങ്ങ​ളി​ൽ കൂ​ടു​ത​ൽ ഗു​ണ​മേ​ന്മ​യു​ള്ള നി​ക്ഷേ​പം ആ​ക​ർ​ഷി​ക്കാ​നും സ​ഹാ​യ​ക​മാ​കും.

വ്യ​വ​സാ​യ നി​ക്ഷേ​പ​ക​ർ​ക്ക് എ​ളു​പ്പ​ത്തി​ൽ ബി​സി​ന​സ്​ വ​ർ​ധി​പ്പി​ക്കാ​നും മേ​ഖ​ല​യു​ടെ സു​സ്ഥി​ര​ത ഉ​റ​പ്പി​ക്കാ​നു​മാ​ണ് ഈ ​നീ​ക്ക​മെ​ന്ന് മ​ന്ത്രാ​ല​യ വ​ക്താ​വ് പ്ര​സ്താ​വ​ന​യി​ൽ പ​റ​ഞ്ഞു. വ്യ​വ​സാ​യ സു​സ്ഥി​ര​ത ഉ​റ​പ്പു​വ​രു​ത്തു​ക, നി​ക്ഷേ​പ​ക​ർ​ക്ക് ന​ട​പ​ടി​ക്ര​മ​ങ്ങ​ൾ സു​ഗ​മ​മാ​ക്കു​ക, ഈ ​മേ​ഖ​ല കൂ​ടു​ത​ൽ ആ​ക​ർ​ഷ​ക​മാ​ക്കു​ന്ന​തി​ന് വ്യ​വ​സാ​യ ലൈ​സ​ൻ​സി​ങ്​ ത്വ​രി​ത​പ്പെ​ടു​ത്തു​ക എ​ന്നി​വ​യാ​ണ് മ​ന്ത്രാ​ല​യം ല​ക്ഷ്യ​മി​ടു​ന്ന​ത്.

കൂ​ടാ​തെ സൗ​ദി അ​തോ​റി​റ്റി ഫോ​ർ ഇ​ൻ​ഡ​സ്ട്രി​യ​ൽ സി​റ്റീ​സ് ആ​ൻ​ഡ് ടെ​ക്നോ​ള​ജി സോ​ണു​ക​ളി​ൽ (എം.​ഒ.​ഡി.​ഒ.​എ​ൻ), റോ​യ​ൽ ക​മീ​ഷ​ൻ ഫോ​ർ ജു​ബൈ​ൽ ആ​ൻ​ഡ് യാ​ൻ​ബു (ആ​ർ‌.​സി‌.​ജെ‌.​വൈ), ഇ​ക്ക​ണോ​മി​ക് സി​റ്റീ​സ് ആ​ൻ​ഡ് സ്‌​പെ​ഷ്യ​ൽ സോ​ൺ​സ് അ​തോ​റി​റ്റി (ഇ.​സി‌.​ജെ‌.​എ) എ​ന്നി​വ​ക്കു​ള്ളി​ൽ സ്ഥി​തി​ചെ​യ്യു​ന്ന ഫാ​ക്ട​റി​ക​ൾ​ക്ക് ഒ​രു വ​ർ​ഷ​ത്തെ ലൈ​സ​ൻ​സ് ല​ഭി​ക്കും.

ഭൂ​മി അ​നു​വ​ദി​ക്ക​ൽ ക​രാ​ർ നേ​ടി​ക്ക​ഴി​ഞ്ഞ്​ പു​തി​യ സൗ​ക​ര്യം പ്ര​വ​ർ​ത്ത​ന സ​ജ്ജ​മാ​കു​മ്പോ​ൾ വ്യാ​വ​സാ​യി​ക ലൈ​സ​ൻ​സ് അ​ഞ്ച് വ​ർ​ഷ​ത്തേ​ക്ക് പു​തു​ക്കി ന​ൽ​കും.