സ്​ത്രീ ശാക്തീകരണമില്ലാതെ സാമൂഹിക മാറ്റമുണ്ടാകില്ല –സൽമാൻ രാജാവ്

ജിദ്ദ: ഏതൊരു സമൂഹത്തി​െൻറയും വികസനത്തി​െൻറ ഉറവിടം സ്​ത്രീയാണെന്നും അവരെ ശാക്തീകരിക്കാതെ സമൂഹത്തെ പരിഷ്​കരിക്കുക ​പ്രയാസമാണെന്നും സൗദി ഭരണാധികാരി സൽമാൻ രാജാവ്​ പറഞ്ഞു. ജി20 സ്​ത്രീ ശാക്തീകരണ പ്രതിബദ്ധത ഗ്രൂപ്പി​െൻറ 'വുമൺ 20' എന്ന ഉച്ചകോടിയുടെ ​സമാപന സെഷനിൽ വായിക്കപ്പെട്ട സന്ദേശത്തിലാണ്​ രാജാവ് ഇക്കാര്യം പറഞ്ഞത്​​.

സൽമാൻ രാജാവിനു​ വേണ്ടി വാണിജ്യ മന്ത്രി ഡോ. മാജിദ്​ ബിൻ അബ്​ദുല്ല അൽഖുസൈബിയാണ്​ പ്രസംഗം വായിച്ചത്​​.​ സ്​ത്രീകൾ സമൂഹത്തി​െൻറ പരിച്ഛേദമായതിനാൽ തലമുറകളുടെ അധ്യാപകരാണവർ. നേതൃമാറ്റത്തിലും സുപ്രധാന തീരുമാനങ്ങളെടുക്കുന്നതിലും ചരിത്രത്തിലുടനീളം സ്​ത്രീകളുടെ പ്രധാന പങ്ക്​ തെളിയിച്ചിട്ടു​​​ണ്ട്​.

ജി20 അധ്യക്ഷപദവിയിലുള്ള സൗദി അറേബ്യ സ്​ത്രീകളു​മായി ബന്ധപ്പെട്ട കാര്യങ്ങൾ വർക്കിങ്​ ഗ്രൂപ്​ മീറ്റിങ്ങുകളിലും വ്യത്യസ്​ത മന്ത്രിസഭ യോഗങ്ങളിലും ചർച്ച ചെയ്യാൻ അതീവ ശ്രദ്ധ ചെലുത്താറുണ്ട്​. കോവിഡ്​ കാലത്ത്​ നടത്തിയ പ്രവർത്തനത്തിന്​ ജി20 വനിത ഗ്രൂപ്പിന്​ നന്ദി പറയുന്നതിൽ ഏറെ സന്തോഷമുണ്ട്​. കോവിഡ്​ പ്രത്യാഘാതങ്ങൾക്കിടയിൽ ജോലികൾ പൂർത്തീകരിക്കാനുള്ള അതീവ താൽപര്യം അഭിനന്ദനമർഹിക്കുന്നുവെന്നും രാജാവ്​ പറഞ്ഞു.

ജി20 അധ്യക്ഷപദവി ലക്ഷ്യമിടുന്നത്​ എല്ലാവർക്കും 21ാം നൂറ്റാണ്ടിലെ അവസരങ്ങൾ പ്രയോജനപ്പെടുത്താൻ അവസരമൊരുക്കുക എന്നതാണ്​. മൂന്ന്​ സു​പ്രധാന കാര്യങ്ങളിലാണ്​​ ശ്രദ്ധ കേന്ദ്രീകരിക്കുന്നത്​.

ആളുകളെ, പ്രത്യേകിച്ച്​ സ്​ത്രീകളെയും യുവാക്കളെയും മാന്യമായി ജീവിക്കാനും ജോലി ചെയ്യാനും അഭിവൃദ്ധി പ്രാപിക്കാനും കഴിയുന്ന സാഹചര്യങ്ങൾ സൃഷ്​ടിച്ച്​ ശാക്തീകരിക്കുക, ആഗോള വിഭവങ്ങൾ സംരക്ഷിക്കുന്നതിനുള്ള സംയുക്ത ശ്രമങ്ങൾ പ്രോത്സാഹിപ്പിക്കുന്നതിലൂടെ ഭൂമിയെ സംരക്ഷിക്കുക, നവീകരണത്തി​െൻറയും സ​ാ​േങ്കതിക മുന്നേറ്റത്തി​െൻറ നേട്ടങ്ങൾ പങ്കിടുന്നതിനും

ധീരവും ദീർഘകാലവുമായ തന്ത്രങ്ങൾ സ്വീകരിച്ച്​ പുതിയ മേഖലകൾ കണ്ടെത്തുക എന്നിവയാണവ.