മോഷ്​ടിച്ച നമ്പർ പ്ലേറ്റ്​ ഘടിപ്പിച്ച്​ കവർച്ച; കാറുടമയായ മലയാളി നിയമകുരുക്കിൽ

റിയാദ്​: കേടായതി​െന തുടർന്ന്​ നിറുത്തിയിട്ട കാറി​​​െൻറ നമ്പർ പ്ലേറ്റ്​ മോഷണം പോയി. കാറുടമയായ മലയാളി എ.ടി.എം കവർച്ച കേസിൽ കുടുങ്ങി. റിയാദിൽ ജോലി ചെയ്യുന്ന എറണാകുളം കോതമംഗലം സ്വദേശി ജൂബി ലൂക്കോസി​​​െൻറ കാറി​​​െൻറ നമ ്പർ പ്ലേറ്റ്​ ചൊവ്വാഴ്​ച രാവിലെയാണ്​ കളവുപോയത്​​. ശുമൈസിയിലെ ത​​​െൻറ -ഫ്ലാറ്റിന്​ മുന്നിൽ​ എൻജിൻ തകരാറിനെ തുടർന്ന്​ നിറുത്തിയിട്ടതാണ്​ വാഹനം. ചൊവ്വാഴ്​ച രാവിലെ ജോലിക്ക്​ പോകാൻ ഒരുങ്ങിയിറങ്ങിയപ്പോൾ​ കാറി​​​െൻറ നമ്പർ പ്ലേറ്റ്​ കാണാത്തത്​ ശ്രദ്ധയിൽ പെട്ടിരുന്നു​.

കമ്പനിയിൽ വേഗം​ എത്തേണ്ടതുള്ളതിനാൽ തിരിച്ചുവന്നിട്ട്​ അന്വേഷിക്കാമെന്നും പൊലീസിൽ പരാതിപ്പെടാമെന്നും​ വിചാരിച്ച്​ ജോലിക്ക്​ പോയി. യാത്രക്കിടയിൽ സ്​പോൺസറെയും പരിചയക്കാരനായ ട്രാഫിക് പൊലീസുകാരനെയും വിളിച്ച്​ വിവരം പറഞ്ഞു. എന്നാൽ വൈകുന്നേരം നാല്​ മണിയായപ്പോൾ സ്​പോൺസർ വിളിച്ച്​ ശുമൈസിക്ക്​ അടുത്തുള്ള ദീറ പൊലീസ്​ സ്​റ്റേഷനിൽ ഹാജരാകാൻ ആവശ്യപ്പെ​െട്ടന്ന്​​ അറിയിച്ചു. അതിനിടയിൽ പൊലീസി​​​െൻറ നേരിട്ടുള്ള വിളിയും വന്നു. ശുമൈസി കിങ്​ സഉൗദ്​ ആശുപത്രിയുടെ പിൻവശത്ത്​ തങ്ങൾ കാത്തുനിൽക്കുകയാണെന്നും​ അങ്ങോട്ട്​ എത്തുക എന്നും​​ പൊലീസ്​ അറിയിച്ചു​. രഹസ്യാന്വേഷണ വിഭാഗം അടക്കം ഒരു വൻ പൊലീസ്​ സംഘം തന്നെ അവിടെ കാത്തുനിൽപുണ്ടായിരുന്നു.
ജൂബി എത്തിയ ഉടനെ വാഹനത്തിൽ കയറ്റി വീടിനരികിലേക്ക് കൊണ്ടുപോയി വിശദമായി ചോദ്യം ചെയ്യാൻ തുടങ്ങി. ശുമൈസി ആശുപത്രിക്ക്​ സമീപത്തുള്ള എ.ടി.എം മെഷീനിൽ പണം നിറക്കാനെത്തിയ വാഹനം ഒരു സംഘം ആക്രമിച്ചു പണം തട്ടിയെടുത്തെന്നും സംഭവത്തിൽ ഒരാൾ കൊല്ലപ്പെട്ടെന്നും അക്രമികൾ ഉപയോഗിച്ച വാഹനത്തി​​​െൻറ നമ്പർ പ്ലേറ്റ്‌ ജൂബിയുടെ പേരിലുള്ളതാണെന്നും പൊലീസ് വിശദീകരിച്ചതോടെ ഭയന്നുവിറച്ചു. സംഭവിച്ചത്​ എന്താണെന്ന്​ ജൂബി വിശദീകരിച്ചു.

നമ്പർ പ്ലേറ്റ് കാണാതായത്‌ ശ്രദ്ധയിൽ പെട്ടയുടനെ സ്പോൺസറെയും സുഹൃത്തായ ട്രാഫിക്​ പൊലീസുകാരനെയും വിളിച്ചു പറഞ്ഞതിനെ കുറിച്ചും അറിയിച്ചു. സ്​പോൺസറെയും ട്രാഫിക്​ ഉദ്യോഗസ്ഥനെയും വിളിച്ച്​ ജൂബിയുടെ അവകാശവാദം ശരിയാണെന്ന്​ അപ്പോൾ തന്നെ പൊലീസ്​ ഉറപ്പുവരുത്തി. പിന്നീട്​ എ.ടി.എം കവർച്ച നടന്ന സ്ഥലത്തെ സി.സി.ടിവി ദൃശ്യങ്ങൾ പരിശോധിച്ചു. മലയാളി കുടുംബം താമസിച്ചിരുന്ന വീട്ടിലെ കാമറയിൽ ദൃശ്യങ്ങൾ വ്യക്തമായി പതിഞ്ഞിരുന്നു. ദൃശ്യങ്ങൾ പരിശോധിച്ചതിൽ നിന്ന്​ ജൂബിക്ക്​ സംഭവത്തിൽ പങ്കില്ലെന്നും അക്രമികൾ നമ്പർ​ പ്ലേറ്റ്​ മോഷ്​ടിച്ചെടുത്ത്​ ഉപയോഗിക്കുകയായിരുന്നെന്നും പൊലീസിന് ബോധ്യപ്പെട്ടിട്ടുണ്ട്​. എന്നാൽ നിയമക്കുരുക്ക് പെ​െട്ടന്ന്​ അഴിയില്ല. ഇനിയും അന്വേഷണ നടപടികളുടെ ചില കടമ്പകൾ കൂടി കടക്കേണ്ടതുണ്ട്​. ഇതുപോലെ നമ്പർ പ്ലേറ്റുകൾ കളവുപോയാൽ ഉടൻ പൊലീസിൽ റിപ്പോർട്ട് ചെയ്യണമെന്നും അക്കാര്യത്തിൽ വീഴ്​ച വരുത്തിയാൽ കുടുങ്ങിപ്പോകുമെന്നതിന്​ ത​​​െൻറ അനുഭവം തെളിവാണെന്നും ജൂബി ‘ഗൾഫ്​ മാധ്യമ’ത്തോട്​ പറഞ്ഞു. റിയാദിലെ സ്വകാര്യ കമ്പനിയിൽ ജോലി ചെയ്യുന്ന ഇദ്ദേഹം 24 വർഷമായി സൗദിയിലുണ്ട്​.