മൂ​ന്ന് മാ​സം അ​ബോ​ധാ​വ​സ്ഥ​യി​ൽ: ആരോഗ്യം വീണ്ടെടുത്ത് തിരുവനന്തപുരം സ്വദേശി നാട്ടിലേക്ക്

റി​യാ​ദ്: ശ​സ്ത്ര​ക്രി​യ​യെ തു​ട​ർ​ന്ന് റി​യാ​ദി​ലെ ആ​ശു​പ​ത്രി​യി​ൽ മൂ​ന്നു​മാ​സം അ​ബോ​ധാ​വ​സ്ഥ​യി​ൽ ക​ഴി​ഞ്ഞ തി​രു​വ​ന​ന്ത​പു​രം ക​ഠി​നം​കു​ളം സ്വ​ദേ​ശി കൃ​ഷ്ണ​ൻ വി​ജ​യ​ൻ ആ​രോ​ഗ്യം വീ​ണ്ടെ​ടു​ത്ത് നാ​ട്ടി​ലേ​ക്ക് മ​ട​ങ്ങി. റി​യാ​ദി​ലെ ക​ൺ​സ്ട്ര​ക്ഷ​ൻ സ്കി​ൽ​സ് ക​മ്പ​നി​യി​ൽ 24 വ​ർ​ഷ​മാ​യി ഇ​ല​ക്ട്രീ​ഷ്യ​നാ​യി ജോ​ലി ചെ​യ്യു​ക​യാ​യി​രു​ന്നു വി​ജ​യ​ൻ. തോ​ളെ​ല്ലി​ലെ വേ​ദ​ന​യെ തു​ട​ർ​ന്ന് സ്വ​കാ​ര്യ ക്ലി​നി​ക്കി​ൽ ചി​കി​ത്സ തേ​ടി​യ വി​ജ​യ​നോ​ട്, സാ​ര​മാ​യ പ്ര​ശ്നം ഉ​ണ്ടെ​ന്നും തു​ട​ർ​ചി​കി​ത്സ​ക്കാ​യി ആ​ശു​പ​ത്രി​യെ സ​മീ​പി​ക്ക​ണ​മെ​ന്നും ഡോ​ക്ട​ർ നി​ർ​ദേ​ശി​ച്ചു.

തു​ട​ർ​ന്ന് ക​മ്പ​നി നി​ർ​ദേ​ശ​പ്ര​കാ​രം കി​ങ്​ സ​ഊ​ദ്​ മെ​ഡി​ക്ക​ൽ സി​റ്റി​യി​ൽ പ​രി​ശോ​ധ​ന ന​ട​ത്തു​ക​യും ഡോ​ക്ട​ർ ശ​സ്ത്ര​ക്രി​യ ആ​വ​ശ്യ​മാ​ണെ​ന്ന് അ​റി​യി​ക്കു​ക​യും ചെ​യ്തു. ഇ​വി​ടെ ത​ന്നെ ശ​സ്ത്ര​ക്രി​യ ന​ട​ത്തി​യെ​ങ്കി​ലും ബോ​ധം തി​രി​ച്ചു​കി​ട്ടി​യി​ല്ല. ര​ണ്ടു മാ​സ​ത്തോ​ളം വി​ജ​യ​നെ കു​റി​ച്ച വി​വ​രം ല​ഭി​ക്കാ​ഞ്ഞ​തി​നാ​ൽ നാ​ട്ടി​ൽ​നി​ന്ന് ബ​ന്ധു​ക്ക​ൾ റി​യാ​ദി​ലെ കേ​ളി ക​ലാ സാം​സ്കാ​രി​ക വേ​ദി ര​ക്ഷാ​ധി​കാ​രി സെ​ക്ര​ട്ട​റി​യും ലോ​ക കേ​ര​ള​സ​ഭാ അം​ഗ​വു​മാ​യ കെ.​പി.​എം. സാ​ദി​ഖു​മാ​യി ബ​ന്ധ​പ്പെ​ട്ട് ആ​ളെ ക​ണ്ടെ​ത്താ​ൻ സ​ഹാ​യം അ​ഭ്യ​ർ​ഥി​ക്കു​ക​യാ​യി​രു​ന്നു.

കേ​ളി പ്ര​വ​ർ​ത്ത​ക​ർ ഇ​ന്ത്യ​ൻ എം​ബ​സി​യി​ൽ വി​വ​രം ധ​രി​പ്പി​ച്ചു. അ​ന്വേ​ഷ​ണ​ത്തി​ൽ അ​ബോ​ധാ​വ​സ്ഥ​യി​ൽ ശു​മൈ​സി​യി​ലെ കി​ങ്​ സ​ഊ​ദ്​ മെ​ഡി​ക്ക​ൽ സി​റ്റി​യി​ൽ ചി​കി​ത്സ​യി​ൽ ക​ഴി​യു​ന്ന​താ​യി ക​ണ്ടെ​ത്തി. തു​ട​ർ​ന്ന്​ ഇ​ദ്ദേ​ഹ​ത്തെ കേ​ളി ഏ​റ്റെ​ടു​ത്തു. ഡോ​ക്ട​ർ​മാ​രു​മാ​യി സം​സാ​രി​ച്ച് രോ​ഗ​വി​വ​ര​ങ്ങ​ൾ മ​ന​സ്സി​ലാ​ക്കി കു​ടും​ബ​ത്തി​ന് കൈ​മാ​റി. ശ​സ്ത്ര​ക്രി​യ​ക്കി​ട​യി​ൽ പ​ക്ഷാ​ഘാ​തം സം​ഭ​വി​ച്ച​ത്​ കൊ​ണ്ടാ​ണ്​ അ​ബോ​ധാ​വ​സ്ഥ​യി​ൽ ആ​യ​തെ​ന്നും ഏ​ത് സ​മ​യ​വും ബോ​ധം തി​രി​ച്ചു കി​ട്ടി​യേ​ക്കാ​മെ​ന്നും ഡോ​ക്ട​ർ​മാ​ർ പ​റ​ഞ്ഞു.

പി​ന്നീ​ട് ഒ​രു മാ​സ​ത്തോ​ളം ത​ൽ​സ്ഥി​തി തു​ട​ർ​ന്നു. മൂ​ന്ന് മാ​സ​ത്തെ തു​ട​ർ​ച്ച​യാ​യ ചി​കി​ത്സ​ക്കൊ​ടു​വി​ൽ വി​ജ​യ​ന് ബോ​ധം തി​രി​ച്ചു​കി​ട്ടി. പ​ക്ഷേ, പ​ക്ഷാ​ഘാ​ത​ത്തി​​ന്റെ ഭാ​ഗ​മാ​യി എ​ഴു​ന്നേ​ൽ​ക്കാ​നോ സം​സാ​രി​ക്കാ​നോ ക​ഴി​യാ​ത്ത അ​വ​സ്ഥ​യി​ലാ​യി​രു​ന്നു. കേ​ളി പ്ര​വ​ർ​ത്ത​ക​ർ സ​ഹാ​യ​ങ്ങ​ളു​മാ​യി വി​ജ​യ​നോ​ടൊ​പ്പം നി​ന്നു. തു​ട​ർ​ചി​കി​ത്സ​യു​ടെ ഭാ​ഗ​മാ​യി ര​ണ്ടു മാ​സ​ത്തി​നു​ശേ​ഷം പൂ​ർ​ണാ​രോ​ഗ്യം വീ​ണ്ടെ​ടു​ത്തു. അ​ഞ്ചു​മാ​സ​ത്തെ ആ​ശു​പ​ത്രി വാ​സ​ത്തി​നൊ​ടു​വി​ൽ ഡി​സ്ചാ​ർ​ജ് ചെ​യ്ത് കേ​ളി പ്ര​വ​ർ​ത്ത​ക​രോ​ടൊ​പ്പം താ​മ​സി​ച്ചു.

തു​ട​ർ​ന്ന് ക​മ്പ​നി​യു​മാ​യി സം​സാ​രി​ച്ച് മു​ട​ങ്ങി​യ ശ​മ്പ​ള കു​ടി​ശ്ശി​ക​യും നാ​ട്ടി​ലേ​ക്ക് അ​വ​ധി​യി​ൽ പോ​കു​ന്ന​തി​നു​ള്ള രേ​ഖ​ക​ളും വി​മാ​ന​ടി​ക്ക​റ്റും വാ​ങ്ങി​യെ​ടു​ത്തു. ക​മ്പ​നി ആ​റു​മാ​സ​ത്തെ അ​വ​ധി അ​നു​വ​ദി​ച്ച​തി​നെ തു​ട​ർ​ന്ന് എ​യ​ർ ഇ​ന്ത്യ​യു​ടെ വീ​ൽ​ചെ​യ​ർ ടി​ക്ക​റ്റി​ൽ ചൊ​വ്വാ​ഴ്ച വി​ജ​യ​ൻ നാ​ട്ടി​ലേ​ക്ക് മ​ട​ങ്ങി. കേ​ളി ജീ​വ​കാ​രു​ണ്യ വി​ഭാ​ഗം ക​ൺ​വീ​ന​ർ ന​സീ​ർ മു​ള്ളൂ​ർ​ക്ക​ര, മ​ല​സ് ഏ​രി​യ ക​ൺ​വീ​ന​ർ പി.​എ​ൻ.​എം. റ​ഫീ​ഖ്, അ​നി​ൽ അ​റ​ക്ക​ൽ, കേ​ളി മ​ല​സ് ഏ​രി​യ സെ​ക്ര​ട്ട​റി നൗ​ഫ​ൽ ഉ​ള്ളാ​ട്ട് ചാ​ലി എ​ന്നി​വ​ർ റി​യാ​ദ് എ​യ​ർ​പോ​ർ​ട്ടി​ൽ നി​ന്ന് യാ​ത്ര​യാ​ക്കി. ഭാ​ര്യ​യും മ​ക​ളും ചേ​ർ​ന്ന് തി​രു​വ​ന​ന്ത​പു​രം എ​യ​ർ​പോ​ർ​ട്ടി​ൽ വി​ജ​യ​നെ സ്വീ​ക​രി​ച്ചു.