‘ഗ്രേറ്റ്‌ ഇന്ത്യ ഫെസ്​റ്റ്’ മെഗാ ഷോയിലേക്കുള്ള ടിക്കറ്റുകൾ ​ആഘോഷ നഗരിയിലും

റിയാദ്: സൗദി തലസ്ഥാനനഗരിക്ക്​ ഇന്നും നാളെയും ആഘോഷ രാവുകൾ. ‘ഗൾഫ്​ മാധ്യമം’ രജത ജൂബിലി ആഘോഷമായ ‘ഗ്രേറ്റ്‌ ഇന്ത്യ ഫെസ്​റ്റ്’​ മെഗാഷോ റിയാദിലെ സഹൃദയർക്ക് അവിസ്​മരണീയാനുഭവം പകരുന്ന ദിനങ്ങളാണിനി.

വെള്ളിയാഴ്​ച വൈകീട്ട്​ 7.30 മുതൽ ബോളിവുഡ്​ ഗായകനും യുവാക്കളുടെ ഹരവുമായ സൽമാൻ അലി നയിക്കുന്ന ‘താൽ’ ലൈവ്​ മ്യൂസിക്​ ഷോയും ശനിയാഴ്​ച വൈകീട്ട്​ 7.30 മുതൽ മലയാളികളുടെ പ്രിയതാരം കുഞ്ചാക്കോ ബോബ​െൻറ നേതൃത്വത്തിൽ പുത്തൻ വൈബ്​ സമ്മാനിക്കുന്ന മെഗാഷോയും അരങ്ങേറും. റിയാദ്​ ഇൻറർനാഷനൽ ഇന്ത്യൻ സ്​കൂൾ കോമ്പൗണ്ടിലാണ്​ ആഘോഷ നഗരി ഒരുങ്ങിയിരിക്കുന്നത്​.

പരിപാടി ആസ്വദിക്കാൻ പ്രവേശന പാസ്​ ആവശ്യമാണ്​. മുൻകൂട്ടി ടിക്കറ്റ്​ എടുക്കാൻ കഴിയാത്തവർ വിഷമിക്കേണ്ടതില്ല. പരിപാടി സ്ഥലത്തെത്തിയ ശേഷം ടിക്കറ്റെടുക്കാനുള്ള ബോക്​സോഫീസ്​ സംവിധാനം ഇന്ത്യൻ സ്​കൂളി​െൻറ പ്രധാന ഗേറ്റിന്​ സമീപം മുൻവശത്ത്​ തന്നെ ഒരുക്കിയിട്ടുണ്ട്​. എല്ലാ കാറ്റഗറികളിലേക്കുമുള്ള ടിക്കറ്റുകൾ ഇവിടെ ലഭ്യമാണ്​. സാധാരണക്കാരായ കലാസ്വാദകർക്ക് പ്രാപ്യമായ 40 റിയാൽ മുതലാണ് ടിക്കറ്റ് നിരക്കുകൾ.

ഒരാൾക്ക്​ ഒരു ദിവസത്തേക്ക് 40 റിയാലി​െൻറ ‘സിൽവർ’, 75 റിയാലി​െൻറ ഗോൾഡ്, 150 റിയാലി​െൻറ പ്ലാറ്റിനം, 500 റിയാലി​െൻറ ‘റെഡ് കാർപ്പെറ്റ്’, നാല്​ പേർക്ക്​ ഒരു ദിവസത്തേക്ക് 250 റിയാലി​െൻറ ‘ഗോൾഡ് ഫാമിലി’, 500 റിയാലി​െൻറ പ്ലാറ്റിനം ഫാമിലി, 1,500 റിയാലി​െൻറ ‘റെഡ് കാർപ്പെറ്റ് ഫാമിലി’ എന്നിങ്ങനെയാണ്​ ടിക്കറ്റ്​ നിരക്കുകൾ ക്രമീകരിച്ചിട്ടുള്ളത്​. കൂടുതൽ വിവരങ്ങൾക്ക്​ 0504507422, 0559280320 എന്നീ നമ്പറുകളിൽ ബന്ധപ്പെടാം. https://www.greatindiafest.com എന്ന ലിങ്കിൽനിന്ന്​ ഓൺലൈനായും ടിക്കറ്റെടുക്കാം.