സൗദിയിൽ ഇന്ന് 24 പുതിയ കോവിഡ്​ രോഗികൾ, രോഗമുക്തർ 32

ജിദ്ദ: സൗദിയിൽ ഞായറാഴ്ച 24 കോവിഡ് രോഗികളും 32 രോഗമുക്തിയും റിപ്പോർട്ട് ചെയ്തു. ഇതുവരെ രാജ്യത്ത് റിപ്പോർട്ട് ചെയ്യപ്പെട്ട ആകെ കോവിഡ് കേസുകളുടെ എണ്ണം 549,695ഉം രോഗമുക്തരുടെ എണ്ണം 538,856ഉം ആയി.

ഒരു മരണമാണ് ഇന്ന് കോവിഡ് മൂലമാണെന്ന് റിപ്പോർട്ട് ചെയ്തത്. ഇതോടെ ആകെ മരണസംഖ്യ 8833 ആയി. 2006 പേരാണ് നിലവിൽ ചികിത്സയിൽ കഴിയുന്നത്. ഇവരിൽ 48 പേർ ഗുരുതരാവസ്ഥയിലാണ്. ഇവർ രാജ്യത്തെ വിവിധ ആശുപത്രികളിൽ തീവ്രപരിചരണ വിഭാഗത്തിലാണ്.

ബാക്കിയുള്ളവരുടെ നില തൃപ്തികരമാണ്. രാജ്യത്തെ കോവിഡ് മുക്തി നിരക്ക് 98 ശതമാനവും മരണനിരക്ക് 1.6 ശതമാനവുമായി തുടരുന്നു.

വിവിധ പ്രവിശ്യകളിൽ പുതുതായി റിപ്പോർട്ട് ചെയ്ത രോഗികളുടെ എണ്ണം: റിയാദ് 9, ജിദ്ദ 5, മക്ക 2, മദീന 2, അൽകോബാർ 2, മറ്റ് 4 സ്ഥലങ്ങളിൽ ഓരോ വീതം രോഗികൾ. സൗദി അറേബ്യയിൽ ഇതുവരെ 47,309,172 ഡോസ് കോവിഡ് വാക്സിൻ വിതരണം ചെയ്തു. ഇതിൽ 24,581,780 ആദ്യ ഡോസും 22,380,259 രണ്ടാം ഡോസും 347,133 ബൂസ്റ്റർ ഡോസുമാണ്.