സൂഖ്​ ഉക്കാദ്​ സ്​ഥിരം ടൂറിസ്​റ്റ്​ പട്ടണമാക്കും  -ടൂറിസം മേധാവി

ജിദ്ദ​: സൂഖ്​ ഉക്കാദിനെ സ്​ഥിരം ടൂറിസ്​റ്റ്​^സാംസ്​കാരിക കേന്ദ്രമാക്കുന്നതിനുള്ള വികസന പദ്ധതികളാണ്​ മേഖലയിലെ വിവിധ ഗവൺമ​​െൻറ്​ വകുപ്പുകളുമായി സഹകരിച്ച്​ പ്രദേശത്ത്​ നടപ്പിലാക്കിവരുന്നതെന്ന്​ ടൂറിസം പുരാവസ്​തു ജനറൽ അതോറിറ്റി മേധാവി അമീർ സുൽത്താൻ ബിൻ അബ്​ദുൽ അസീസ്​ വ്യക്​തമാക്കി. മക്ക ഗവർണർ അമീർ ഖാലിദ്​ അൽഫൈസൽ നടപ്പിലാക്കിയ പ്രവർത്തനങ്ങളുടെ തുടർച്ചയാണ്​ സൂഖ്​ ഉക്കാദിൽ നടന്നുവരുന്നത്​. മേള വ്യവസ്​ഥാപിതമാക്കുന്നതിനു പുറമെ മറ്റ്​ പല പദ്ധതികളും നടപ്പിലാക്കുന്നുണ്ട്​. സൗദി ഭരണാധികാരി സൽമാൻ രാജാവ്​ നൽകിവരുന്ന സഹായവും പുരാവസ്​തു സംരക്ഷണത്തിനു നൽകിവരുന്ന പ്രാധാന്യവും ടൂറിസം മേധാവി എടുത്തു പറഞ്ഞു.

അറേബ്യൻ ഉപ ദീപിലെ മനുഷ്യ ചരിത്രത്തി​​​െൻറ ഭാഗമാണ്​ സുഖ്​ ഉക്കാദ്​. പുരാതന കാല​െത്ത പ്രധാന സൂഖുകളിലൊന്നാ​ണിത്​.​  ഇതി​െൻ ചരിത്രപ്രാധാന്യം അടിസ്​ഥാനമാക്കിയുള്ള വികസനമാണ്​ മക്ക ഗവർണറേറ്റ്​, ത്വാഇഫ്​ ഗവർണറേറ്റ്​, താഇഫ്​ മുനിസിപ്പാലിറ്റി എന്നിവയുമായി സഹകരിച്ച് നടപ്പിലാക്കി വരുന്നത്​. പ്രവാചകത്വം ലഭിക്കുന്നതിന്​ മുമ്പ്​ പ്രവാചകൻ സന്ദർശിച്ച ഇടമാണിത്​​. ചരിത്രാവശിഷ്​ടങ്ങൾ സംരക്ഷിച്ചുവരുന്നുമുണ്ട്​. സൂഖ്​ ഉക്കാദിനെക്കുറിച്ച കൂടുതൽ പഠനങ്ങൾ നടന്നുവരുന്നുണ്ടെന്നും ടൂറിസം മേധാവി പറഞ്ഞു. 

ചരിത്ര പട്ടണമാകുന്നതോടെ കൂടുതൽ ടൂറിസ്​റ്റുകളെ ആകർഷിക്കാനാകും. ഹോട്ടൽ, കഫേകൾ, കടകൾ, കരകൗശല കേന്ദ്രങ്ങൾ, ഒാപൺ മാർക്കറ്റ്​, മാർക്കറ്റിങ്​ വില്ലേജ്​, പുരാവസ്​തു സൂഖ്​ എന്നീ മേഖലയിൽ നിക്ഷേപമിറക്കാൻ അവസരമുണ്ടാകും. ദേശീയ പരിവർത്തന പദ്ധതിയുടെ ഭാഗമായി ടൂറിസം വകുപ്പിന്​ കീഴിൽ നടപ്പിലാക്കുന്ന പ്രധാന പദ്ധതികളിലൊന്നാണ്​ സൂഖ്​ ഉക്കാദ്​ വികസനം. വിവിധ മേഖലകളിലെ പൈതൃക, സാംസ്​കാരിക കേന്ദ്രങ്ങൾ  വികസിപ്പിക്കാൻ മന്ത്രിസഭ തീരുമാനിച്ചതി​​െൻറ ഭാഗമായാണിത്​. പുരാവസ്​തു സാംസ്​കാരിക കേന്ദ്രങ്ങളുടെ സംരക്ഷണത്തോടൊപ്പം ധാരാളം വിനോദസഞ്ചാരികളെയും പദ്ധതിയിലൂടെ ലക്ഷ്യമിടുന്നുണ്ട്​. 10 ദശലക്ഷം ചതുരശ്രമീറ്റിൽ നീണ്ടുകിടക്കുന്നതാണ്​ ഉക്കാദ്​ പട്ടണം​. ഇതി​​​െൻറ മുഴുവൻ ഘട്ടങ്ങളിലായുള്ള മൊത്തം നിക്ഷേപം 3.7 ബില്യൺ റിയാൽ വരും. ഇതിൽ 23 ശതമാനം ഗവൺമ​​െൻറി​​​െൻറയും 77 ശതമാനം സ്വകാര്യമേഖലയുടെയും മുതൽ മുടക്കാകും. വർഷത്തിൽ 266000 സന്ദർശകരെത്തുമെന്നും 377 ദശലക്ഷം വരുമാനമുണ്ടാകുമെന്നുമാണ്​ പ്രതീക്ഷിക്കുന്നത്​. 4400 പുതിയ തൊഴിലവസരങ്ങളുണ്ടാകും. 1250 ഹോട്ടൽ മുറികളും 130 താമസ യൂനിറ്റുകളും പദ്ധതിയുടെ ഭാഗമായുണ്ടാകും. നിരവധി പദ്ധതികൾ ഇതിനകം നടപ്പിലാക്കിയിട്ടുണ്ട്​. 69.4 ദശലക്ഷം റിയാൽ ചെലവ്​ വരുന്ന 2000 ചതു.മീറ്ററിലുള്ള ഹാൾ, 73 ദശലക്ഷം ചെലവ്​ വരുന്ന 10000 ചതുരശ്ര മീറ്ററിലുള്ള ഇസ്​ലാമിക്​ ചരിത്ര മ്യൂസിയം, എക്​സിബിഷൻ കോൺഫറൻസ്​ സ​​െൻറർ, വിവിധ ആവശ്യങ്ങൾക്കായുള്ള ഹാളുകൾ തുടങ്ങിയ ഇനി നടപ്പിലാക്കാനുള്ള പദ്ധതികളിലുൾപ്പെടുമെന്നും ടൂറിസം മേധാവി പറഞ്ഞു.