സൂഖ്​ ഉക്കാദിൽ വൻ പൈതൃക ടൂറിസം  പദ്ധതി വരുന്നു; ചെലവ്​ 200 കോടി റിയാൽ

ജിദ്ദ: 200 കോടി റിയാൽ ചെലവിൽ ത്വാഇഫിലെ സൂഖ്​ ഉക്കാദിൽ വൻ പൈതൃക ടൂറിസം പദ്ധതിക്ക്​ തുടക്കമായി. 90 ശതമാനവും സ്വകാര്യമേഖല നിക്ഷേപത്തിലാണ്​ പദ്ധതി വിഭാവനം ചെയ്​തിരിക്കുന്നത്​. നിർമാണം പൂർത്തിയാകു​േമ്പാൾ 15,000 ​തൊഴിലവസരങ്ങളാകും ഇവിടെ ഒരുങ്ങുക. അതിൽ 80 ശതമാനവും യുവാക്കളായ സൗദി പൗരൻമാർക്കായിരിക്കും. ഹെറിറ്റേജ്​ സ​െൻററുകൾ, മ്യൂസിയങ്ങൾ, വിനോദ, വിശ്രമ കേന്ദ്രങ്ങൾ, കൺവെൻഷൻ സ​െൻററുകൾ എന്നിവ പൈതൃക നഗര പദ്ധതിയുടെ ഭാഗമായി നിർമിക്കപ്പെടും. 

ഏഴരലക്ഷം പേർക്ക്​ വസിക്കാവുന്ന നഗരപ്രാന്ത വാസമേഖലയും ഇതിന്​ അനുബന്ധമായി വികസിപ്പിച്ചെടുക്കും. ആദ്യഘട്ടത്തിൽ പ്രതിവർഷം 50 ലക്ഷം യാത്രികരെ കൈകാര്യം ചെയ്യാൻ പാകത്തിൽ പുതിയൊരു രാജ്യാന്തര വിമാനത്താവളവും ത്വാഇഫിൽ സ്​ഥാപിക്കുന്നുണ്ട്​. കിങ്​ അബ്​ദുൽ അസീസ്​ സയൻസ്​ ആൻഡ്​ ടെക്​നോളജി സിറ്റിയുടെ നേതൃത്വത്തിലുള്ള ഒരു ടെക്​നോളജി ഹബ്​, ഒരു വ്യവസായ നഗരം എന്നിവയും ത്വാഇഫിൽ വരുന്നുണ്ട്​. 
അഞ്ചു പ്രധാന പൊതുമേഖല പദ്ധതികളാണ്​ സൂഖ്​ ഉക്കാദ്​ നഗര പദ്ധതിയുടെ ഭാഗമായി വിഭാവനം ചെയ്​തിട്ടുള്ളത്​. 

വിനോദത്തിലൂടെ വിജ്​ഞാനം ആർജിക്കാനുതകുന്ന തരത്തിലുള്ള ഇൻററാക്​ടീവ്​ മ്യൂസിയം, ഉക്കാദ്​ മ്യൂസിയം, കാവ്യ, നാടക തിയറ്റർ, കരകൗശല കേന്ദ്രം, ഉക്കാദ്​ പാർക്ക്​ എന്നിവ അതി​​െൻറ ഭാഗമാണ്​. 12 ാമത്​ സൂഖ്​ ഉക്കാദ്​ മേളയുടെ ഭാഗമായി മക്ക ഗവർണർ അമീർ ഖാലിദ്​ അൽ ഫൈസൽ പുതിയ പദ്ധതകളുടെ തറക്കല്ലിട്ടു.