തിരുവനന്തപുരം സ്വദേശി റിയാദിൽ നിര്യാതനായി

റിയാദ്​: ഹൃദയാഘാതം മൂലം തിരുവനന്തപുരം സ്വദേശി റിയാദിൽ നിര്യാതനായി. പൂവാർ പൊഴിയൂർ സ്വദേശി കാവുവിള വീട്ടിൽ ശഹാബുദ്ദീൻ നാഗൂർ കണ്ണ്​ (60) ആണ്​ ബത്​ഹയിലെ ശാര ദറക്​തറിലെ താമസസ്ഥലത്ത്​ വെച്ച്​ ചൊവ്വാഴ്​ച പുലർച്ച മൂന്നോടെ മരിച്ചത്​.

ഓൾഡ് സനാഇയ റോഡിലെ ട്രാസ്​ ഹോട്ടലിൽ ജീവനക്കാരനായിരുന്നു. നൂഹ്​ പാത്തുമ്മയാണ്​ മാതാവ്​. ഭാര്യ: ആയിഷ ബീവി. മക്കൾ: നിസാമുദ്ദീൻ, അനീസ്​ ഫാത്തിമ, അനീസ്യ ഫാത്തിമ. 

അനന്തര നടപടിക്രമങ്ങൾ പൂർത്തീകരിക്കാൻ റിയാദ് കെ.എം.സി.സി മലപ്പുറം ജില്ല വെൽഫെയർ വിങ്​ ചെയർമാൻ റഫീഖ് മഞ്ചേരിയും ജനറൽ കൺവീനർ ഷറഫ് പുളിക്കലും രംഗത്തുണ്ട്​.