ട്രക്ക് ഷോപ്പിങ് മാളിന് മുകളിലേക്ക് മറിഞ്ഞ് കത്തി; മൂന്നുപേര്‍ വെന്തുമരിച്ചു

നജ്റാന്‍: നജ്റാന്‍ നഗരത്തിന്​ പടിഞ്ഞാറ് ഭാഗത്ത് ട്രക്ക് ഷോപ്പിങ് മാളിന് മുകളിലേക്ക് മറിഞ്ഞ് കത്തി. ട്രക്ക് ഡ്രൈവറും രണ്ട് ജോലിക്കാരും വെന്തുമരിച്ചു. ഒരു ഇന്ത്യക്കാരനും സുഡാൻ പൗരനും പരിക്കേറ്റിട്ടുമുണ്ട്​. ഇവരെ ആശുപത്രിയിൽ പ്രവേശിപ്പിച്ചു. അല്‍മഗര്‍റ ജങ്ഷന് സമീപമായിരുന്നു സംഭവം. ടൈല്‍സ് കയറ്റിവരുന്ന ട്രക്ക്​ പാലത്തിന് മുകളില്‍ നിന്ന് ഇറങ്ങുന്നതിടെ നിയന്ത്രണം വിട്ട്​ സമീപത്തെ ഷോപ്പിങ് മാളി​​​​​െൻറ ഭാഗത്തേക്ക്​ മറിയുകയായിര​ുന്നു. അപകടത്തെ തുടര്‍ന്ന് വന്‍ സാമ്പത്തിക നഷ്​ടം സംഭവിച്ചിട്ടുണ്ടെന്ന് നജ്റാന്‍ സിവില്‍ ഡിഫന്‍സ് വിഭാഗം വ്യക്തമാക്കി.