നാ​ട്ടി​ൽ​പോ​യി​ട്ട്​ ര​ണ്ട്​ പ​തി​റ്റാ​ണ്ട്, ദു​രി​ത​ക്ക​യ​ത്തി​ൽ രാ​മ​സ്വാ​മി​യു​ടെ ജീ​വി​തം

ദ​മ്മാം: ദു​ർ​വി​ധി​ക​ളു​ടെ കു​ത്തൊ​ഴു​ക്കി​ൽ നി​ല​യി​ല്ലാ​ക്ക​യ​ത്തി​ലാ​ണ്ടു​പോ​യ രാ​മ​സ്വാ​മി​യു​ടെ ജീ​വി​തം ദാ​രു​ണ​മാ​ണ്. പ്ര​വാ​സ​മെ​ന്ന പ​രീ​ക്ഷ​ണ​ങ്ങ​ളി​ൽ പ​രാ​ജ​യ​പ്പെ​ട്ടു​പോ​യ ആ ​ത​മി​ഴ്നാ​ട്ടു​കാ​ര​ന്​ 20 വ​ർ​ഷ​മാ​യി ജ​ന്മ​നാ​ട്​ അ​ന്യ​മാ​ണ്. ഉ​പ​​ജീ​വ​നം തേ​ടി സൗ​ദി അ​റേ​ബ്യ​യി​ൽ വ​ന്ന ശേ​ഷം നാ​ട്ടി​ൽ പോ​കാ​നാ​യി​ട്ടി​ല്ല.

കി​ഴ​ക്ക​ൻ പ്ര​വി​ശ്യ​യി​ലെ അ​വാ​മി​യ എ​ന്ന സ്ഥ​ല​ത്താ​ണ്​ എ​ത്തി​പ്പെ​ട്ട​ത്.​ തൊ​ഴി​ലു​ട​മ​യു​ടെ മ​ര​ണ​മാ​ണ്​ ദു​രി​ത​പ്പെ​യ്​​ത്തി​ന്​ തു​ട​ക്ക​മി​ട്ട​ത്. സ്​​പോ​ൺ​സ​ർ ഇ​ല്ലാ​താ​യ​തോ​ടെ വി​സ പു​തു​ക്കാ​നാ​യി​ല്ല. ഇ​ഖാ​മ​യു​ടെ​യും പി​ന്നീ​ട്​ പാ​സ്പോ​ർ​ട്ടി​​ന്റെ​യും കാ​ലാ​വ​ധി ക​ഴി​ഞ്ഞ്​ നി​യ​മ​ക്കു​രു​ക്കി​ലാ​യി.

രേ​ഖ​ക​ളൊ​ന്നു​മി​ല്ലെ​ങ്കി​ലും പ​ല​വി​ധ ചെ​റി​യ ജോ​ലി​ക​ൾ ചെ​യ്ത് നി​ത്യ​വൃ​ത്തി​ക്കു​ള്ള​ത്​ ക​ണ്ടെ​ത്തി​യി​രു​ന്നു. 20 വ​ർ​ഷ​മാ​യി​ട്ടും നാ​ട്ടി​ൽ പോ​കാ​ൻ ക​ഴി​യാ​താ​യ​തോ​ടെ ക​ടു​ത്ത മാ​ന​സി​ക സ​മ്മ​ർ​ദ​ത്തി​ലാ​യി. വി​ഷാ​ദ​വും മ​റ്റ്​ രോ​ഗ​ങ്ങ​ളും പി​ടി​പെ​ട്ടു. ആ​രോ​ഗ്യം ക്ഷ​യി​ച്ച്​ ഒ​രു കെ​ട്ടി​ട​ത്തി​​ന്റെ തി​ണ്ണ​യി​ലാ​ണ് അ​ഭ​യം സു​മ​ന​സ്സു​ക​ൾ ന​ൽ​കു​ന്ന ഭ​ക്ഷ​ണം ക​ഴി​ച്ചാ​ണ് ജീ​വി​തം.

ജീ​വി​ത​ത്തി​​ന്റെ സ​ർ​വ പ്ര​തീ​ക്ഷ​ക​ളും ന​ഷ്​​ട​പ്പെ​ട്ട അ​വ​സ​ര​ത്തി​ലാ​ണ് കാ​രു​ണ്യ​ത്തി​ന്റെ മാ​ലാ​ഖ​മാ​രെ പോ​ലെ അ​വ​ർ മു​ന്നി​ൽ പ്ര​ത്യ​ക്ഷ​പ്പെ​ട്ട​ത്, മ​ല​യാ​ളി സാ​മൂ​ഹി​ക​പ്ര​വ​ർ​ത്ത​ക​ർ. ​ക​ട​ത്തി​ണ്ണ​യി​ൽ അ​ന്തി​യു​റ​ങ്ങു​ന്ന ഇ​യാ​ളെ കു​റി​ച്ച്​ പ്ര​ദേ​ശ​ത്തെ പ്ര​വാ​സി​ക​ൾ ഖ​ത്വീ​ഫ്​ കെ.​എം.​സി.​സി പ്ര​വ​ർ​ത്ത​ക​രെ അ​റി​യി​ക്കു​ക​യാ​യി​രു​ന്നു. സെ​ക്ര​ട്ട​റി ഫ​ഹ​ദ് കൊ​ടി​ഞ്ഞി​യു​ടെ നേ​തൃ​ത്വ​ത്തി​ൽ പ്ര​വി​ശ്യ കെ.​എം.​സി.​സി വെ​ൽ​ഫെ​യ​ർ കി​ങ്​ ഭാ​ര​വാ​ഹി ഹു​സൈ​ൻ നി​ല​മ്പൂ​ർ, അ​സീ​സ് കാ​രാ​ട് എ​ന്നി​വ​ർ രാ​മ​സ്വാ​മി​യു​ടെ അ​ടു​ത്തെ​ത്തി.

ക​ടു​ത്ത ചൂ​ടി​ൽ സി​മ​ൻ​റ്​ ത​റ​യി​ൽ വൃ​ത്തി​ഹീ​ന​മാ​യ അ​ന്ത​രീ​ക്ഷ​ത്തി​ൽ അ​യാ​ളു​ടെ പ​രി​താ​പ​ക​ര​മാ​യ അ​വ​സ്ഥ ക​ണ്ട്​ അ​വ​ർ അ​യാ​ളെ ഏ​റ്റെ​ടു​ത്ത്​ കു​ളി​പ്പി​ച്ച്, ഭ​ക്ഷ​ണ​വും വ​സ്ത്ര​വും ന​ൽ​കി സു​ര​ക്ഷി​ത കേ​ന്ദ്ര​ത്തി​ലേ​ക്ക് മാ​റ്റി. രാ​മ​സ്വാ​മി ന​ൽ​കി​യ വി​വ​ര​പ്ര​കാ​രം പാ​സ്പോ​ർ​ട്ട്​ ക​ണ്ടെ​ത്തി. നാ​ട്ടി​ലേ​ക്ക്​ ക​യ​റ്റി​വി​ടാ​നു​ള്ള മ​റ്റ്​ നി​യ​മ​ന​ട​പ​ടി​ക​ൾ​ൾ പൂ​ർ​ത്തി​യാ​ക്കാ​നു​ള്ള ശ്ര​മ​ത്തി​ലാ​ണ്​ പ്ര​വ​ർ​ത്ത​ക​ർ. വൈ​കാ​തെ രാ​മ​സ്വാ​മി​യെ നാ​ട്ടി​ലേ​ക്ക്​ അ​യാ​ക്കാ​നാ​വു​​മെ​ന്ന്​ ഹു​സൈ​ൻ നി​ല​മ്പൂ​ർ അ​റി​യി​ച്ചു.

പ്ര​സി​ഡ​ൻ​റ്​ മു​ഷ്താ​ഖ് പേ​ങ്ങാ​ട്, സെ​ക്ര​ട്ട​റി ഫ​ഹ​ദ് കൊ​ടി​ഞ്ഞി, അ​വാ​മി​യ കെ.​എം.​സി.​സി പ്ര​സി​ഡ​ൻ​റ്​ കു​ഞ്ഞാ​ലി മേ​ൽ​മു​റി, വ​സ്ത്ര വ്യാ​പാ​രി​ക​ളും കെ.​എം.​സി.​സി പ്ര​വ​ർ​ത്ത​ക​രു​മാ​യ സി​ദ്ദീ​ഖ്‌, അ​സ്‌​ക​ർ, അ​സീ​സ് കാ​രാ​ട്, സ​ലാ​മി താ​നൂ​ർ, ജാ​ഫ​ർ ഈ​രാ​റ്റു​പേ​ട്ട എ​ന്നി​വ​രാ​ണ്​ സ​ഹാ​യി​ക്കാ​ൻ രം​ഗ​ത്തു​ള്ള​ത്.