സൗ​ദി​യി​ലെ ര​ണ്ട്​ ജി​യോ പാ​ർ​ക്കു​ക​ൾ യു​നെ​സ്​​കോ പ​ട്ടി​ക​യി​ലേ​ക്ക്

റി​യാ​ദ്​: സൗ​ദി അ​റേ​ബ്യ​യി​ൽ​നി​ന്ന്​ ര​ണ്ട്​ ജി​യോ പാ​ർ​ക്കു​ക​ൾ യു​നെ​സ്​​കോ​യു​ടെ ഗ്ലോ​ബ​ൽ ജി​യോ പാ​ർ​ക്ക്​ പ​ട്ടി​ക​യി​ലേ​ക്ക്. ത​ല​സ്ഥാ​ന ന​ഗ​ര​ത്തോ​ട്​ ചേ​ർ​ന്ന്​ കി​ട​ക്കു​ന്ന തു​വൈ​ഖ്​ മ​ല​നി​ര പ്ര​ദേ​ശ​മാ​യ ‘നോ​ർ​ത്ത് റി​യാ​ദ്’, ഹാ​ഇ​ലി​ലെ ‘സ​ൽ​മ’ എ​ന്നീ ഭൗ​മ​പ്ര​ദേ​ശ​ങ്ങ​ളു​ടെ നാ​മ​നി​ർ​ദേ​ശ​ങ്ങ​ളാ​ണ്​ യു​നെ​സ്കോ ഗ്ലോ​ബ​ൽ ജി​യോ പാ​ർ​ക്ക് പ്രോ​ഗ്രാ​മി​ന്റെ കോ​ഓ​ഡി​നേ​റ്റി​ങ്​ കൗ​ൺ​സി​ൽ അം​ഗീ​ക​രി​ച്ച​ത്.

ദേ​ശീ​യ സ​സ്യ​മേ​ഖ​ല വി​ക​സ​ന​ത്തി​നും മ​രു​ഭൂ​വ​ത്ക​ര​ണം ത​ട​യു​ന്ന​തി​നു​മു​ള്ള സൗ​ദി ദേ​ശീ​യ​ക​മീ​ഷ​നും സൗ​ദി നാ​ഷ​ന​ൽ ക​മീ​ഷ​ൻ ഫോ​ർ എ​ജു​ക്കേ​ഷ​ൻ, ക​ൾ​ച​ർ ആ​ൻ​ഡ് സ​യ​ൻ​സു​മാ​ണ്​ ഇ​ക്കാ​ര്യം അ​റി​യി​ച്ച​ത്.

ഭൂ​മി​ശാ​സ്ത്ര​പ​ര​മാ​യ പൈ​തൃ​കം സം​ര​ക്ഷി​ക്കു​ന്ന​തി​ലും സു​സ്ഥി​ര വി​ക​സ​നം പ്രോ​ത്സാ​ഹി​പ്പി​ക്കു​ന്ന​തി​ലും സൗ​ദി അ​റേ​ബ്യ​യു​ടെ പ്ര​വ​ർ​ത്ത​ന​പ​ദ്ധ​തി​ക​ൾ പു​രോ​ഗ​മി​ക്കു​ന്ന ഈ ​ഘ​ട്ട​ത്തി​ൽ ഈ ​മാ​സം എ​ട്ട്, ഒ​മ്പ​ത്​ തീ​യ​തി​ക​ളി​ൽ വി​യ​റ്റ്നാ​മി​ൽ ചേ​ർ​ന്ന കൗ​ൺ​സി​ലി​ന്റെ ഒ​മ്പ​താ​മ​ത് യോ​ഗ​ത്തി​ലാ​ണ്​ നാ​മ​നി​ർ​ദേ​ശം അം​ഗീ​ക​രി​ക്ക​​പ്പെ​ട്ട​താ​യു​ള്ള പ്ര​ഖ്യാ​പ​ന​മു​ണ്ടാ​യ​ത്.

പ്രാ​ദേ​ശി​ക സ​മൂ​ഹ​ങ്ങ​ളു​മാ​യി ഇ​ട​പ​ഴ​കു​ന്ന​തി​ന് ഊ​ന്ന​ൽ ന​ൽ​കി സം​ര​ക്ഷ​ണം, വി​ദ്യാ​ഭ്യാ​സം, സു​സ്ഥി​ര വി​ക​സ​നം എ​ന്നി​വ സം​യോ​ജി​പ്പി​ച്ച് സ​മ​ഗ്ര​മാ​യ രീ​തി​യി​ൽ ആ​ഗോ​ള പ്രാ​ധാ​ന്യ​മു​ള്ള ഭൂ​മി​ശാ​സ്ത്ര മേ​ഖ​ല​ക​ൾ കൈ​കാ​ര്യം ചെ​യ്യു​ന്ന​തി​നു​ള്ള കൃ​ത്യ​മാ​യ മാ​ന​ദ​ണ്ഡ​ങ്ങ​ൾ അ​ടി​സ്ഥാ​ന​മാ​ക്കി​യാ​ണ് ജി​യോ പാ​ർ​ക്കു​ക​ളെ തി​ര​ഞ്ഞെ​ടു​ക്കു​ന്ന​ത്.

കൗ​ൺ​സി​ലി​​ന്റെ ഒ​മ്പ​താ​മ​ത്​ യോ​ഗം ഇ​ത്ത​ര​ത്തി​ലു​ള്ള 21 ഭൗ​മ​പ്ര​ദേ​ശ​ങ്ങ​ളെ കു​റി​ച്ച്​ പ​ഠി​ക്കു​ക​യും അ​തി​ൽ 15 എ​ണ്ണ​ത്തി​ന്റെ നാ​മ​നി​ർ​ദേ​ശം അം​ഗീ​ക​രി​ക്കു​ക​യും ചെ​യ്തു. 2025 മാ​ർ​ച്ചി​ൽ ചേ​രു​ന്ന യു​നെ​സ്കോ ജ​ന​റ​ൽ കോ​ൺ​ഫ​റ​ൻ​സി​ൽ ഈ ​പ്ര​ദേ​ശ​ങ്ങ​ളു​ടെ അം​ഗീ​കാ​രം സം​ബ​ന്ധി​ച്ച അ​ന്തി​മ പ്ര​ഖ്യാ​പ​ന​മു​ണ്ടാ​കും. അ​തോ​ടെ സൗ​ദി ആ​ദ്യ​മാ​യി യു​നെ​സ്കോ ഗ്ലോ​ബ​ൽ ജി​യോ പാ​ർ​ക്ക് നെ​റ്റ്‌​വ​ർ​ക്കി​ൽ ഇ​ടം​പി​ടി​ക്കും.

യു​നെ​സ്‌​കോ​യു​ടെ പ്ര​സ്താ​വ​ന പ്ര​കാ​രം പു​തു​താ​യി നാ​മ​നി​ർ​ദേ​ശം ചെ​യ്യ​പ്പെ​ട്ട കേ​ന്ദ്ര​ങ്ങ​ളു​ടെ അ​ന്തി​മ അം​ഗീ​കാ​രം ല​ഭി​ച്ചാ​ൽ ലോ​ക​മെ​മ്പാ​ടു​മു​ള്ള 49 രാ​ജ്യ​ങ്ങ​ളി​ലാ​യി ആ​ഗോ​ള ജി​യോ പാ​ർ​ക്കു​ക​ളു​ടെ എ​ണ്ണം 228 ആ​വും.

ഭൂ​മി​ശാ​സ്ത്ര​പ​ര​മാ​യ വ​ലി​യ പ്രാ​ധാ​ന്യ​മു​ള്ള ഈ ​പ്ര​ദേ​ശ​ങ്ങ​ളു​ടെ അ​ന്താ​രാ​ഷ്​​ട്ര അം​ഗീ​കാ​ര​ത്തി​ലേ​ക്കു​ള്ള സു​പ്ര​ധാ​ന ചു​വ​ടു​വെ​പ്പാ​ണ് നാ​മ​നി​ർ​ദേ​ശം. പ​രി​സ്ഥി​തി സം​ര​ക്ഷ​ണ​ത്തി​ന്റെ​യും സു​സ്ഥി​ര വി​ക​സ​ന​ത്തി​​ന്റെ​യും മേ​ഖ​ല​ക​ളി​ൽ അ​ന്താ​രാ​ഷ്ട്ര രം​ഗ​ത്ത് സൗ​ദി​യു​ടെ സ്ഥാ​നം വ​ർ​ധി​പ്പി​ക്കു​ന്ന​താ​ണ്.

പ​രി​സ്ഥി​തി​യും രാ​ജ്യ​ത്തി​ന്റെ ത​ന​താ​യ സ​സ്യ​ജാ​ല​ങ്ങ​ളും സം​ര​ക്ഷി​ക്കാ​ൻ ന​ട​ത്തി​യ ശ്ര​മ​ങ്ങ​ളി​ലെ ഈ ​മ​ഹ​ത്താ​യ നേ​ട്ട​ത്തി​ൽ അ​ഭി​മാ​നി​ക്കു​ന്നു​വെ​ന്ന്​ നാ​ഷ​ന​ൽ സെ​ന്റ​ർ ഫോ​ർ വെ​ജി​റ്റേ​ഷ​ൻ ഡെ​വ​ല​പ്‌​മെ​ന്റ് ആ​ൻ​ഡ് കോം​ബാ​റ്റ് ഡെ​സ​ർ​ട്ടി​ഫി​ക്കേ​ഷ​ൻ സി.​ഇ.​ഒ ഡോ. ​ഖാ​ലി​ദ് അ​ബ്​​ദു​ൽ ഖാ​ദ​ർ പ​റ​ഞ്ഞു. ജി​യോ പാ​ർ​ക്കു​ക​ൾ എ​ന്ന ആ​ശ​യ​ത്തി​ലൂ​ടെ സു​സ്ഥി​ര വി​ക​സ​ന​ത്തി​നാ​യു​ള്ള 2030 പ്രോ​ഗ്രാ​മി​​ന്റെ ല​ക്ഷ്യ​ങ്ങ​ൾ കൈ​വ​രി​ക്കു​ന്ന​തി​ന് ഇ​ത്​ നേ​രി​ട്ട് സം​ഭാ​വ​ന ചെ​യ്യു​മെ​ന്നും അ​ദ്ദേ​ഹം പ​റ​ഞ്ഞു.

സൗ​ദി​യു​ടെ ഭൂ​മി​ശാ​സ്ത്ര​പ​ര​മാ​യ പൈ​തൃ​ക​ത്തെ​ക്കു​റി​ച്ചു​ള്ള ആ​ഗോ​ള അ​വ​ബോ​ധം വ​ർ​ധി​പ്പി​ക്കു​ന്ന​തി​ൽ ഈ ​പ്ര​വേ​ശ​ന​ത്തി​ന്​ വ​ലി​യ പ്രാ​ധാ​ന്യ​മു​ണ്ടെ​ന്ന്​ സൗ​ദി നാ​ഷ​ന​ൽ ക​മീ​ഷ​ൻ ഫോ​ർ എ​ജു​ക്കേ​ഷ​ൻ, ക​ൾ​ച​ർ ആ​ൻ​ഡ് സ​യ​ൻ​സ് സെ​ക്ര​ട്ട​റി ജ​ന​റ​ൽ അ​ഹ്മ​ദ് ബി​ൻ അ​ബ്ദു​ൽ അ​സീ​സ് അ​ൽ​ബു​ലൈ​ഹ​ദ് പ​റ​ഞ്ഞു.

പ്ര​കൃ​തി​ദ​ത്ത പ്ര​ദേ​ശ​ങ്ങ​ൾ സം​ര​ക്ഷി​ക്കു​ന്ന​തി​നും ചു​റ്റു​മു​ള്ള പ്ര​ദേ​ശി​ക ജ​ന​സ​മൂ​ഹ​ങ്ങ​ളെ വി​ക​സി​പ്പി​ക്കു​ന്ന​തി​നു​മു​ള്ള അ​ന്താ​രാ​ഷ്​​ട്ര സ​ഹ​ക​ര​ണ​ത്തി​ലൂ​ടെ സൗ​ദി​യു​ടെ സ്ഥാ​ന​വും നേ​തൃ​പ​ര​മാ​യ പ​ങ്കും​ ഇ​ത്​ മെ​ച്ച​പ്പെ​ടു​ത്തു​മെ​ന്നും അ​ദ്ദേ​ഹം പ​റ​ഞ്ഞു.