ഉംറ: വി​ദേ​ശ​ത്തു​നി​ന്ന്​ ര​ണ്ടാം സം​ഘ​വു​മെ​ത്തി

ജി​ദ്ദ: വി​ദേ​ശ ഉം​റ തീ​ർ​ഥാ​ട​ക​രു​ടെ ര​ണ്ടാ​മ​ത്തെ സം​ഘ​വും പു​ണ്യ​ഭൂ​മി​യി​ലെ​ത്തി. ഞാ​യ​റാ​ഴ്​​ച പു​ല​ർ​ച്ച ജി​ദ്ദ കി​ങ്​ അ​ബ്​​ദു​ൽ അ​സീ​സ്​ വി​മാ​ന​ത്താ​വ​ള​ത്തി​ലാ​ണ്​ ഇ​റാ​ഖി​ൽ​നി​ന്നു​ള്ള 50 തീ​ർ​ഥാ​ട​ക​രെ​യും വ​ഹി​ച്ചു​ള്ള വി​മാ​ന​മെ​ത്തി​യ​ത്. ടെ​ർ​മി​ന​ൽ ന​മ്പ​ർ ഒ​ന്നി​ലെ​ത്തി​യ തീ​ർ​ഥാ​ട​ക​രെ പൂ​ക്ക​ളും ഉ​പ​ഹാ​ര​ങ്ങ​ളും ന​ൽ​കി സ്വീ​ക​രി​ച്ചു.

പ്ര​ത്യേ​ക വി​മാ​ന​ത്തി​ലെ​ത്തു​ന്ന തീ​ർ​ഥാ​ട​ക​ർ പി​ന്നീ​ട്​ മ​ദീ​ന സ​ന്ദ​ർ​ശ​ത്തി​നാ​യി യാ​ത്ര​തി​രി​ച്ചു. ​ശ​നി​യാ​ഴ്​​ച വൈ​കീ​ട്ടാ​ണ്​ വി​ദേ​ശ തീ​ർ​ഥാ​ട​ക​രു​ടെ വ​ര​വ്​ ആ​രം​ഭി​ച്ച​ത്. നൈ​ജീ​രി​യ​യി​ൽ നി​ന്നെ​ത്തി​യ ആ​ദ്യ​സം​ഘ​ത്തി​ൽ അ​ഞ്ചു​ തീ​ർ​ഥാ​ട​ക​രാ​ണു​ണ്ടാ​യി​രു​ന്ന​ത്. ആ​രോ​ഗ്യ മു​ൻ​ക​രു​ത​ൽ പാ​ലി​ച്ച്​ തീ​ർ​ഥാ​ട​ക​രെ സ്വീ​ക​രി​ക്കു​ന്ന​തി​ന്​ വി​മാ​ന​ത്താ​വ​ള​ത്തി​ലെ എ​ല്ലാ സേ​വ​ന​വി​ഭാ​ഗ​വും സ​ജ്ജ​മാ​ണെ​ന്ന്​ ഹ​ജ്ജ്​ മ​ന്ത്രാ​ല​യം വ്യ​ക്ത​മാ​ക്കി.

നേ​ര​േ​ത്ത നി​ശ്ച​യി​ച്ച ഷെ​ഡ്യൂ​ൾ​പ്ര​കാ​രം മ​ദീ​ന സ​ന്ദ​ർ​ശ​നം ക​ഴി​ഞ്ഞ​ശേ​ഷ​മാ​യി​രി​ക്കും ഉം​റ തീ​ർ​ഥാ​ട​ക​ർ മ​ക്ക​യി​ലേ​ക്കു​ തി​രി​ക്കു​ക​യെ​ന്ന്​ ഹ​ജ്ജ്​ ഉം​റ മ​ന്ത്രാ​ല​യ​ത്തി​ലെ ഹ​ജ്ജ്, ഉം​റ സേ​വ​ന​കാ​ര്യ അ​ണ്ട​ർ സെ​ക്ര​ട്ട​റി എ​ൻ​ജി. ഹി​ശാം സ​ഇൗ​ദ്​ പ​റ​ഞ്ഞു. എ​ല്ലാ ഉം​റ ക​മ്പ​നി​ക​ളും തീ​ർ​ഥാ​ട​ക​ർ​ക്കു​ വേ​ണ്ട സേ​വ​ന​ങ്ങ​ൾ ന​ൽ​കു​ന്നു​ണ്ടെ​ന്ന്​ ഉ​റ​പ്പു​വ​രു​ത്തു​ന്ന​താ​യും അ​ണ്ട​ർ സെ​ക്ര​ട്ട​റി പ​റ​ഞ്ഞു. പ്ര​വേ​ശ​ന​ക​വാ​ട​ങ്ങ​ളി​ൽ തീ​ർ​ഥാ​ട​ക​രെ സ്വീ​ക​രി​ക്കാ​നും അ​വ​ർ​ക്ക്​ സേ​വ​ന​ങ്ങ​ൾ ന​ൽ​കാ​നും മാ​നു​ഷി​ക​വും സാ​േ​ങ്ക​തി​ക​വു​മാ​യ എ​ല്ലാ ത​​യാ​റെ​ടു​പ്പു​ക​ളും പൂ​ർ​ത്തി​യാ​ക്കി​യി​ട്ടു​ണ്ടെ​ന്ന്​ സൗ​ദി പാ​സ്​​പോ​ർ​ട്ട്​ ഡ​യ​റ​ക്​​ട​റേ​റ്റ്​ വ്യ​ക്ത​മാ​ക്കി.

ജി​ദ്ദ കി​ങ്​ അ​ബ്​​ദു​ൽ അ​സീ​സ്​ വി​മാ​ന​ത്താ​വ​ളം പാ​സ്​​പോ​ർ​ട്ട്​ വി​ഭാ​ഗം ശ​നി​യാ​ഴ്​​ച മു​ത​ൽ തീ​ർ​ഥാ​ട​ക​രെ സ്വീ​ക​രി​ച്ചു​തു​ട​ങ്ങി​യി​ട്ടു​ണ്ട്. ആ​​രോ​ഗ്യ പ്ര​തി​രോ​ധ മു​ൻ​ക​രു​ത​ൽ ന​ട​പ​ടി​ക​ൾ​ക്ക്​ അ​നു​സൃ​ത​മാ​യി പ്ര​വേ​ശ​ന ന​ട​പ​ടി​ക​ൾ എ​ളു​പ്പ​ത്തി​ൽ പൂ​ർ​ത്തി​യാ​ക്കാ​നാ​വ​ശ്യ​മാ​യ എ​ല്ലാ സം​വി​ധാ​ന​ങ്ങ​ളു​ണ്ടെ​ന്നും പാ​സ്​​പോ​ർ​ട്ട്​ ഡ​യ​റ​ക്​​ട​റേ​റ്റ്​ പ​റ​ഞ്ഞു.