ഉത്തർപ്രദേശ്​ സ്വദേശി റിയാദിൽ മരിച്ചു

റിയാദ്: ഹൃദയാഘാതം മൂലം ഇന്ത്യൻ ഹൗസ്​ ഡ്രൈവർ റിയാദിൽ മരിച്ചു. അൽഹൈറിൽ സ്‌പോൺസറുടെ വീട്ടിൽ ഡ്രൈവറായി ജോലി ചെയ്തിരുന്ന ഉത്തർപ്രദേശ്​ ലക്നൗ ജൗൻപുർ സ്വദേശി അരവിന്ദ് കുമാർ (34) ആണ്​ കഴിഞ്ഞ ദിവസം റിയാദ് അൽഈമാൻ ആശുപത്രിയിൽ മരിച്ചത്​.

ശാരീരിക അസ്വാസ്​ഥ്യം മൂലം ഒരാഴ്ച ആശുപത്രിയിൽ ചികിത്സയിൽ ആയിരുന്നു. പിതാവ്​: റാം അജൊരെ, മാതാവ്​: മൻപാട്ടി ദേവി, ഭാര്യ: സുനിത. നടപടിക്രമങ്ങൾ പൂർത്തിയാക്കാൻ റിയാദ് കെ.എം.സി.സി മലപ്പുറം ജില്ലാ വെൽഫെയർ വിങ്​ രംഗത്തുണ്ട്. നടപടി ക്രമങ്ങൾ പൂർത്തീകരിച്ച്​ മൃതദേഹം നാട്ടിലേക്ക് കൊണ്ട് പോകും.